Helv..... kreppukjaftæði...

  ..og pólitíkst bull og þvaður

  ALLTAF HREINT", hugsaði

  húsfreyja arfapirruð og

  ergileg, um leið og hún

  skipti um útvarpsstöð í þriðja

  sinn í bíl sínum á heimleið úr

  vinnu.

  "Landinn á eftir að sitja upp með

  massív magasár, eftir þessa endaleysu

  þar sem hver BESSERVISSERINN veit

  allt miklu betur en hinn"!

  "Og það ÓMEÐHÖNDLUÐ magasár"

  hugsaði húsfreyja sótsvört, "allt í fjandans

  ekkisens niðurskurði í heilbrigðiskerfinu

  endalaust, og nú jafnvel verið að loka

  einum besta meltingafæraspítala landsins

  í Hafnarfirði"!

  Aaaaaaaarrrrggh!

  Húsfreyja var mun hughægra eftir að

  hafa sleppt "Tarzan-öskri" þessu frá sér

  í bílnum, og gjóaði augum sínum á ökumanninn í bílnum

  við hlið sér á rauða ljósinu.

  Sá var greinilega með mergjað "augnvandamál"

  í gangi, því annað auga hans stóð á stilk, á

  meðan hitt var dottið niður á undirskál...en

  bæði störðu þau í forundrun á húsfreyju!

  "O, jæja, hugsaði húsfreyja, "minn bíll og mitt

  mál að hljóðmenga hann hressilega í vikulokin"!

  Húsfreyja lagðist nú í þá skemmtilegu þanka,

  hvað skyldi eldað í kvöldmat, og hvort VISA-kort

  hennar þyldi yfirhöfuð matarkaup!

    Glæta.

    Nú bregður til beggja vona

    hvort bankamenn haldi út.

    Tóra þeir vetur og vorið

    eða veslast í eymd og sút?

    Aumir eru og krepptir,

    því er ekki kátlegt að lýsa.

    Nú eigum við bara eftir

    einlæga von

    - og VISA.

                     Arndís Sigurðardóttir frá Sleggjulæk (f.1940)

  Húsfreyja náði í 8 ára djásnið og Elinóru

  bestu vinkonu í frístundaheimilið.

  Ákvað að sleppa því að hætta VISA-korti

  í "klippingu" eða "gleyping", og hafa bara

  "annan í snarli" í kvöldmatinn.

  Átta ára vinkonurnar byrjuðu vel,

  en enduðu í stríðni, gráti og "heim í

  fússi ferð" Elínóru.

  Og það þrátt fyrir að húsfreyja reyndi að

  sætta alla málsaðila og fá atburðarrásina

  á hreint.

    Eins og mál er á sviðið sett

    menn sannleik fá ekki greint,

    því allt virðist bæði rangt og rétt

    rotið og tandurhreint.

                                         Björg Bjarnadóttir frá Geitabergi (f.1901)´

 

  Ekki alltaf gott að henda reiður á atburðarrás

  í leikjum 8 ára dísa.

  Jaso!

  Og nú grætur 8 ára djásnið yfir skólabókunum,

  því henni leiðist svo án Elinóru.

  Svona gengur þetta í lífi húsfreyju:  Skin og skúrir.

  En hún samt ætíð þakklát fyrir það að geta

  hjálpað náunganum í starfi sínu, fyrir það að

  eiga nóg að bíta og brenna...þótt það sé

  aðeins "annar í snarli" -matur og síðast

  en alls ekki síst, að hafa góða heilsu.

    Guði og mönnum geld ég hjartans þökk,

    það gleymist ei, þó hagli tímans fenni:

    Sálin mín þó sýnist stundum dökk

    sólskinsblettir finnast þó í henni.

                                               Júlíana Jónsdóttir (1838-1918)

  Góðar stundir.

 

 

Já, SÆLL!

  Ormar í namminu?

  Er þá "blandið í poka" orðið

  "próteinbætt"?

  Hollt og gott, nammið?

  Lífrænt og lifandi?

  Jaso!

  Veit Solla í Grænum kosti af þessu?

  Þá hún búin að fá samkeppni um "lífræna og holla" fæðu!

  Kostar "aukalega" að fá ormabætt

  bland í poka?

  Eða er þetta bara "eiturnöðrugrimmt"

  glens á kostnað Hagkaupseigenda?

  Ljótt er grínið, ef upplogið er, og vonar

  húsfreyja að fólk versli sitt bland í poka

  hjá góðum Hagkaupsmönnum eftir sem áður.

  Góðar stundir.

Engin kvörtun um maðka í nammibar

Farðu varlega í að lesa...

  .....heilsubótarbækur.

  Þú gætir dáið úr prentvillu.

 

  Segðu alltaf sannleikann. 

  Þá þarftu ekki að muna neitt.

 

  Gólf er góður göngutúr sem hefur

  farið til spillis.

 

  Ég held að Vor Himneski Faðir hafi

  fundið okkur upp vegna þess að hann

  varð fyrir vonbrigðum með apana.

 

  Hvað væru karlmenn án kvenna?

  Fáir, herra minn - rosalega fáir.

                                        Mark Twain (1835-1910)

  Húsfreyja var ekki gömul skotta, er hún

  komst í það að lesa Tom Sawyer og

  Stikilsberja-Finn eftir Twain.

  Voru bækur þessar í miklu uppáhaldi hjá henni

  fyrir góðan húmor og spennandi sögur.

  Líst henni ljómandi vel á að verið sé

  að gefa út áður óbirtar sögur og greinar

  eftir karl.

  Mun að sjálfsögðu tryggja sér eintak af

  riti þessu eftir Twain, þá það ber að

  Íslandsströndum.

  Ætlar hún nú að bregða sér eina herlega

  ferð í viðbót í Perluna og skoða bókakostinn,

  sem þar er á boðstólum...aldrei að vita hvað

  kemur upp í hendur hennar.

  Góðar stundir.

  P.S.  Tilvitnanirnar tók húsfreyja úr bók Þorsteins Eggertssonar, "STUTT OG LAGGOTT".

 

Áður óbirtur Twain

Ljóta forneskjan...

  ...þarna í henni Sádi.

  Fólk lúbarið sundur og saman.

  fyrir það eitt hittast, spjalla og

  færa hvort öðru gjafir, sé það af

  gagnstæðu  kyni og ekki blóðskylt.

  Hvað ætli liggi á bak við svona

  furðuleg og forn lög?

  Að lögin boði að berja 75 ára konu,

  LÖNGU komna úr barnseign í

  spað, fyrir það eitt að spjalla

  við herramennina, er algalið svo

  ekki sé meira sagt.

  Og ekki fá þeir blíðari meðferð, herrarnir!

  Eru karlar taldir "hættulegir" sér

  óskyldum konum....eða þá konurnar körlunum?

  Steypist fólkið ef til vill út í hroðalegum kýlum og sárum

  við það eitt að sitja "óskyld" og af gagnstæðu kyni

  yfir kaffibolla?

  Eru Sádar þá máske svona "hörundssárir"....?

  Eða er óskyldum aðeins gefið "baneitrað"

  þríuppáhellt" kaffi?

  Nú og svo eru víst Sádar heittrúaðir á tilvist

  helvítis...svo ef til vill trúa þeir því að

  karl og kona alls óskyld, takist að opna

  glufu á hlið helvítis, þá þau mætast og taka tali?

  Hafi svona leynilegan, sameiginlegan "helvítislykil",

  sem aðeins óskyldt fólk af gagnstæðu kyni kann að nota?

  Ekki félegt að fá "þann í neðra" upp á yfirborðið

  þarna í Sádí, næga djöfla hafa þeir að draga samt!

  Má þar til dæmis nefna dúkkudjöfulinn hana Barbie, gæludýr

  flest öll og svo helvítis jógað.

  En allt hefur þetta farið fyrir brjóstið á heittrúuðum

  víða í austurlöndum nær.

  Enda það dót allt á snærum "þess í neðra" samkvæmt þeim

  "háheilögu, friðsömu og hjartagóðu" heittrúarmönnum.

  Jamm, óskapa forneskja er þetta í lögum Sáda.

  Og amma gamla svo brottræk úr landinu, lifi

  hún af 40 svipuhögg og 4 mánaða fangelsisvist.

  Merkilegt að valdamönnum Sáda skuli finnast

  þetta réttmæt og skynsamleg refsing á broti þessu...

  enn merkilegra að valdhafar þeirra skuli telja

  mannlegu samskipti þessi til alvarlegri lagabrota.

  Þyrftu eitthvað að fara að endurskoða sín

  ævagömlu lög úr Kóraninum...enda síðan á

  7 öld eftir Krist.

  Og máske sleppa "helvítistrúnni" úr trúarbrögðum

  sínum svona í leiðinni.....

  Góðar stundir.

 

 

 

75 ára kona fær 40 svipuhögg

Frelsuð!

  HALLELÚJA!!

  Húsfreyja er "frelsuð"!

  Og það af "þvottavélinni" sinni.

  Lof sé AEG og Candy í þeirra miklu náð!

  Og frá hverju er húsfreyja frelsuð, af þeim

  góðu þvottavélum??

  Hefur ekki hugmynd!

  Enda hlýtur það að vera algert

  aukaatriði, ef húsfreyja er bara "frelsuð"!

  Skyldi Gunnar í Krossinum vita af þessu?

  Hann komin með myljandi samkeppni í

  "frelsunum" ....og máske kraftaverkum líka?

  Hallelúja!

  Eða er Gunnar í Krossinum kannski á bólakafi

  í "þvottavélabraski"?

  Er páfi þá alveg sáttur við þetta?

  Eru þvottavélafyritæki ef til vill á

  sérstökum Páfagarðsmála?

  Þvottavélar þá sjálfvirkar í því að

  gera allt þvottavatn sitt "háheilagt"

  og ilmandi hreinan þvottinn þar með "frelsandi"

  fyrir líkama og sál?

  Eru þvottavélar þá "arftakar" aflátsbréfanna

  hinna katólsku?

  Sem frelsuðu menn af oki syndanna fyrir

  offjár...nú eða slikk, allt eftir því hve syndin

  var stór.

  Fóru þá "aflátsbréfasölumenn" beint í þvottavélabransann,

  þá þær voru uppfundnar?

  En því "frelsa" þvottavélarnar bara konur?

  Hvaða kynjamismunun er hér í gangi?

  Þvo ekki einnig karlar sína skítugu leppa?

  Varla eru þeir ennþá að skola úr óhreinum

  fötum sínum í höndunum...og það á 21. öld?

  Eru karlar beittir "kynjamisrétti" af þvottavélum

  þessa heims??

  Er þá allur þorri karla "ófrelsaður" og

  gangandi í haugdrullugum fatnaði í

  ofanálag?

  Jaso, húsfreyja vill óska konum öllum til

  hamingju með Alþjóðlegan baráttudag sinn

  í dag, en stingur því svona í leiðinni að öllum

  karlpeningi að fara nú að huga að Alþjóðlegum

  baráttudegi fyrir sig, og byrja á því að kippa

 þessu "þvottavélafrelsunarmáli" í lag hið snarasta!

  Góðar "þvottastundir"!

 

 

Þvottavélin frelsaði konur

ZA!

  Svona getur eitt lítið "ZA" skipt

  miklu máli milliríkjamálum.

  Blessunin hún Hillary verður

  nú að reyna að standa við

  "gefin" orð við rússana, bjalla

  reglulega, lágmark 10 sinnum á dag,

  og "ofhlaða" lofi eða svo

  skömmum á þá, svona eins og

  henni býr í brjósti.

  Hmmmm...er nýtt kalt stríð í

  uppsiglingu?

  Nú eða máske eldheitar "ástir"

  á milli Kana og Rússa?

  Ef til lag fyrir litla Frón, að verða

  "háleynilegt ástarhreiður" fyrir

  foringja beggja landa...svona

  eins og þegar Ronnie og Gorbí

  mættust hér eitt sinn fyrir ekki svo löngu.

  Hvað veit maður...allt til í dæminu.

  Góðar stundir.

Rússar gera grín að Clinton

Mikið eigum við gott...

  ...Frónbúar að búa hér

  uppi á okkar ísa köldu landi.

  Má hér ungt fólk, maður og kona,

  ganga um óáreitt og sprelllifandi

  í tilhugalífinu.....nú eða bara VINIR,

  án þess að vera skotin á færi.

  Skreppa saman í bíó án þess að

  vera söxuð niður í smábúta með sveðju,

  þá heim er haldið að lokinni bíóferð.

  Dætur okkar, systur og mæður mega

  skreppa einar eða saman að versla í matinn,

  kaupa fatnað á börnin sín og fara á kaffihús og spjalla,

  án þess að teljast réttdræpar.

  Það er okkar mikla gæfa að hafa fæðst hér en ekki í

  landi eins og Tsetsjeníu, þar sem engin

  virðing er borin fyri mannslífum.

  Steingrímur Thorsteinsson skáld orðar þetta ágætlega

  fyrir húsfreyju:

 

    Hér andar guðs blær, og hér verð ég svo frjáls,

    í hæðir ég berst til ljóssins strauma

    æ lengra, æ lengra að lindum himinbáls,

    uns leiðist ég í sólu fegri drauma.

                                                    Steingrímur Thorsteinsson (1831 -1913)

  Góðar stundir.

Segir spilltar konur réttdræpar

Heidi Klum fitukeppur?

  Það hlýtur þá að vera "ofurfita",

  sem allt venjulegt fólk kemur ekki

  auga á.

  Er samkvæmt myndum er húsfreyja

  hefur séð af Klum þessari, mjög

  grönn og flott kona...og vill húsfreyja

  biðja "gagnrýnendur" er sjá fitukeppi

  lafa á Klum, að þvo sér betur um augun

  á morgnana...hljóta að eiga við

  "massívt" augnastíruvandamál að stríða.

  Hefðu allar konur vöxt Klum eftir

  að hafa fætt 3 börn, væru þær í

  bísna góðum málum...  holdafarslega!

 

Neitar því að vera of feit

Rafræni heilbrigðisvandinn!?

   Verði þetta algilt fyrir alla

  heilbrigðisþjónustu litla Fróns að

  þurfa að panta allt "rafrænt,

  er næsta víst að húsfreyja

  verði nú að ná "yfirnáttúrulegu

  sambandi" við sín nýru.

  Og plana og plotta

  næsta nýrnasteinakast

  mjög vendilega, svo henni gefist

  tími til að panta "rafrænt" samþykkta

  læknishjálp á bráðamóttökunni.

  Sér hún fyrir sér að "R2D2" og "3CPO"

  (artúdítú og þrísípíó) félagarnir úr Sjörnustríði

  verði sem snarast ráðnir á bráðamóttökuna,

  til sortera svörtu "órafrænu" sauðina frá hinum

  hvítu "rafrænu" sauðum.

  Verði hinum "svörtu órafrænu" sauðum gert að bíða

  "lágmark" 5 klukkustundir eftir læknishjálp, á

  meða hinir eru teknir í "slysó-hrað"....læknig á

  "nóinu"!

  Setur svona "nýja" merkingu í orðið

  "bráðalæknisþjónusta"..þar sem hinir hvítu

  rafrænu sauðir fá allir extra hraða og og súpergóða

  bráðalæknisþjónustu.

  Hinir verða bara að láta sér nægja "wait and see-

  dúll-gauf-og gutl" -læknisþjónustu....og "kannski þetta

  lagist bara af sjálfu sér-læknisþjónustu"!

  Enda þeir hinir mislukkuðu "órafrænu" svörtu sauðir!

  Eiga ekkert betra skilið, fyrst þeir eru algjör "fífl" á tölvum,

  og kunna ekki neitt af viti þar, allra síst að panta sér

  læknisþjónustu "rafrænt!

  Djísuss!

  Húsfreyja hefur í "eitt sinn" í mesta grandaleysi

  verslað sér bók "rafrænt"...á netinu altso.

  Jamm, þvílíkar ekkisens hremmingar.

  Fullt nafn og kennitala...kennitala AFTUR....

  heimilisfang....ímeil-adressan...ímeil-adressan AFTUR...

  VISA-kortsnúmer...og einhver "idp"-...eða "dipp"-

  tala...gildistími korts...staðfesta....en áður en þér

  tekst að staðfesta opnast helvískur "flass-gluggi"...

  "þú hefur áhuga á SVONA bókum, viltu þá ekki

  kaupa líka...auglýsing á 3-4 bókum" sem húsfreyja

  vill ekki sjá að kaupa!.....NEI!..STAÐFESTA....allt heila klabbið

  birtist á skjánum.....eru þetta "áreiðanlega réttar upplýsingar"....

  ....viltu þá staðfesta AFTUR....AAAAAARRRRGGGH!!!

  Húsfreyja sá í hendi sér, að það tæki hana mun skemri

  tíma að skreppa til London að morgni í bókabúð, versla bókina

  þar og koma heima aftur að kveldi.

  Ja, svei!

  Og nú, næst þegar hana vantar astmapústið sitt

  á hún að panta "rafrænt" recepttíma hjá

  heimilislækni sínum, kennitala....AFTUR...fullt nafn...heimilisfang....

  borga fyrir með VISA-kortinu(....Aftur kortanúmer....)

  fyrir lyfseðilinn "rafrænt"....staðfesta AFTUR!

  Svei, ef það á ekki fyrir húsfreyju að liggja að

  "vakna STEINDAUÐ" einhvern morguninn....og

  deyja algjörlega "órafrænum" dauðdaga.

  Góðar stundir.

 

 

Læknar og lyfseðlar á netinu

Víða hægt að fara sér að voða...

  ..hér uppi á litla Fróni.

  Húsfreyja brá sér til ferða fyrir

  hádegi, og mætti á sinn vinnustað

  þrátt fyrir að vera í fríi.

  Undirbjó þar minningarstund

 fyrir sína nýlátnu tíræðu konu á deildinni.

  Ættingjar og djákni mættu svo

  ásamt heimilisfólki og okkar kona

  kvödd.

  Húsfreyja og starfsfólk svo með kaffi fyrir

  ættingja og djákna í borðsal.

  Ljúf, ákveðin, stjórnsöm og elskuleg

  sú tíræða, sem flutti í Sumarlandið,

  allir sammála um það.

  Þegar heim kom upp úr tvö, mætti

  húsfreyju óvænt sjón.

  Faðir nágrannakonu húsfreyju stóð

  helblár og kaldur á útidyratröppum hennar.

  Hafði verið að vinna fyrir dóttur sína og

  tengdason niðri í bílskúr, en náð að læsa sig

  úti.

  Var hálfhrakinn, krókloppinn og helkaldur eftir klukkutíma

  á peysugopa og gallabuxum í sunnlenskri

  snjókomu og kulda.

  Hafði engum náð í síma til að redda sér inn

  aftur, og hafði þar að auki læst bíllykla sína

  inni í bílskúrnum líka.

  Húsfreyja var fljót að vippa karli inn í hlýjuna,

  hita honum heitt kaffi og gefa honum kexbita

  með.

  Rann fljótt hinn undarlegi blámi af karli, og

  hann fór aftur að fá tilfinningu í fingur og að hitta

  rétt á símtakka.

  Náðist eftir 45 mínútur í móður tengdasonar, en

  hún býr einnig við hlið húsfreyju,

  og kom sú á blússandi fart og reddaði karli inn.

  Var húsfreyja afskaplega glöð í sínu hjarta,

  að geta aðstoðað karl, því hann er einstakt

  góðmenni og hjálpsamur eftir því.

  Svo húsfreyja mælir með því að allir fari varlega

  í hríðarbyljum og vetrarveðri, og hafi allan

  varann á, þá farið er til ferða.

  Akið og gangið á Guðsvegum

  Góðar stundir.

 

 

 

 

Björgunarsveitir á leið á Holtavörðuheiði