Nýlega öldruð heilsustefna?

  Eða "ný heilsustefna" komin til

  ára sinna?

  Hljómar eitthvað kunnuglega í

  eyrum, Guðlaugur minn...nema ef

  vera skyldi þetta með "heibrigðisþjónustu

  á heimsmælikvarða".

  Því hingað til hefur stefnan í heibrigðisþjónustu

  á litla Fróni, einkennst töluvert af "niðurskurði"

  og sparnaði, og það "á heimsmælikvarða".

  Og alltaf byrjað á hverju ári að SPARA

  innan öldrunarsviðs, síðan geðsviðs og svo

  koll af kolli.

  En nú þegar "kreppan"/"skammtíma niðursveiflan"

  er skollin á, þá er kannski hægt að fara

  að auglýsa "ódýra" heilbrigðisþjónustu með

  augnaðgerðir, fegrunaraðgerðir, fitusog og

  tannlækningar í fararbroddi, erlendis.

  Svo íslensk heilbrigðisþjónusta verður þá kannski

  bara "þjónusta á heimsmælikvarða" á meðan

  landinn veigrar sér við að fara með tannpínu, nýrnagrjót,

  magasár, gallsteina, lugnabólgur og bronkítis

  til læknis, því það er svo dýrt.

  Betra að "lúra þetta úr sér" heima, og trúa

  því að þetta "lagist" allt saman af sjálfu sér.

  Nú og þó svo að einhver drepist heima bíðandi

  eftir sjálfkrafa lækningu, þá er ekki við

  heilbrigðisþjónustuna að sakast, hún öll að

  vilja gerð að aðstoða sjúka, "svo framarlega"

  sem þeir geti borgað.

  Þarft ekki einu sinni að borga STRAX, sei sei nei.

  Færð sendan gíró, og svo ítrekun ef þú getur ekki

  borgað á gjalddaga...bara sjálfsögð þjónusta.

  Nú ef þú ert verulega blankur og getur enn

  ekki borgað færðu svo verulega huggulegt bréf,

  þar sem "ýjað" er að því að málið verið sent til

 "lögfræðistofu", sem sjá muni um að "rukka"

  eftirleiðis, með kostnaði, dráttarvöxtum og

  alles.

  Bara verulega hugljúft og sætt allt saman.

  Heilbrigðisþjónusta á heimsmælikvarða,

  ekki spurning.

  En gott að fá nýja heilsustefnu.

  Húsfreyja er grátklökk af gleði og ærð

  af eftirvæntingu....kannski að þeir byrji

  á því að skera niður á geðsviði "í stað"

  öldrunar á næsta ári.

  Spennan er rosaleg!  Ooooooo...!

  Húsfreyju leggst alltaf eitthvað til.

  Rósemdar vakt í vinnunni í dag,

  Einn elskulegur öðlingur látinn, og

  fluttur í "Sumarlandið".

  Hans verður saknað.

  Var heimshornaflakkari, piparsveinn og

  íhaldssamur en með myljandi húmor.

  Mikið gaman að spjalla við hann, og féllu

  mörg gullkorn af vörum hans.

  Lét aldrei neinn eiga neitt hjá sér.

  En nú lendir hann ekki í "sparnaði"

  eða "niðurskurði" meir, og það er vel.

  En kvöldmatur næst.

  Góðar stundir.

 

 

Ný heilsustefna heilbrigðisráðherra

Athugasemdir

[Sigrún Óskars, 18.11.2008 kl. 21:35]

Ekki gleyma að heilbrigðisráðherra eru fyrir heilbrigða - þeir sem eru veikir eru bara í djúpum þú veist  (ath. ég vinn við colon kirurgiu meðal annars)

En er ekki smart svona útávið að fá útlendinga hingað í ódýrar aðgerðir - það koma t.d. breskar konur hingað í eitthvað brjósta-fínerí   eða brjósta-lagfæringu á stofu hér í bæ, bíddu nú við; skila þær þá ekki gjaldeyri hingað. Þá heitir þetta gjaldeyrisöflun . Ætli Mr. Brown viti af þessu?  

[Sigríður Sigurðardóttir, 18.11.2008 kl. 22:27]

  Mister Brúnn fær slag af angist og bræði, komist hann að þessu.  Setur "terroristalög" á allar "brjóstalausar breskar" og /eða "barmbetri" konur með hraði, setur þær farbann í 50 ár, eða þar til Icesafe-skuldin er öll greidd upp.

  Jamm, veikir á litla Fróni hafa löngum vaðið djúpan...uhh...djúpa "colonframleiðslu", og ekki líklegt að það batni mikið næstu árin....nema Guðlaugur "stjóri" verði eitthvað lasinn sjálfur, og lendi í beinni snertingu við "niðurskurð" og colon....þú veist hvað, Sigrún mín.