Aldeilis vel þenkjandi vegfarandi.

IMG_7590 Blessuð konan má þakka fyrir að að vera á lífi,

 því flestir aðrir en björgunarmaður hennar,

 voru of uppteknir við að mynda "yfirvofandi" andlát  hennarfrown.

 Æði þetta með símamyndatökur virðist farið að

 skerða vitsmuni fólks,

 og getu þeirra til að framkvæma

 lífsbjargandi athafnir.

 Ekki hefði húsfreyju litist vel á það,

 ef Eyjamenn allir hefðu

 neitað að fara upp á land 23 janúar 1973!

 "Erum bara svolítið...klikk....klik..

 uppteknir við að mynda eldgosið,

 klikk...klikk...

 fara ekki fiskibátarnir allir ...klikk...

 klikk..aftur upp á land á morgun"?

KLIKK!

Frábært að blessuð konan komst úr bílnum lítið meidd,

og björgunarmaðurinn á heiður skilinn.

Sæl að sinni


mbl.is Bjargaði í stað þess að taka mynd
Tilkynna um óviðeigandi tengingu við frétt

Ný hugsun.... ný fátækt?

 

1ea8313747-450x392_o                                          Húsfreyja er grátklökk af einskæru þakklæti og gleði.

  Nú má hún, fyrir yfirþyrmandi náð fjármálaráðherra, hætta að

  safna sér  séreignasparnaði til elliáranna.Halo

  Jessurríbobb!Devil

  Brúka aurana í staðinn í það að greiða inn á höfuðstól

  húsnæðismálaláns hennar ("kaup við fyrstu eign" gasalega smart orðað).Whistling

  Allt að eina komma fimm milljón króna.

  Þvílík dásemd og alsæla.

  Býttar engu þó lífeyrissjóður hennar skerði greiðslur til hennar um 10-30%

  þegar hún kemst á ellilífeyrisaldur, og hún fái greiðslur sem nema helmingi

  fyrri mánaðalauna, og duga hvorki fyrir salti í grautinn, rafmagni og hita

  né skófatnaði, (en reddar henni máske rúmstæði inni á tveggja manna stofu

  á niðurskornu öldrunarheimiliPinch) bara ef hún fær að eyða séreignasparnaðinum

  sínum í höfuðstólinn á láninu sínu.

  Séreignasparnaðinn sem á að bjarga henni fjárhagslega, þegar

  skertar lífeyrisgreiðslur blasa við mánuð eftir mánuð, og húsfreyja

  er of gömul til að vinna lengur.

  Séreignasparnaðinn sem á að tryggja henni mannsæmandi líf síðustu

  æviárin, salti í grautinn, notalegt og hlýtt húsnæði, nýjan skófatnað af og til

  og björt rafljós á myrkum vetrum.

  Séreignasparnaðinn sem á að gera húsfreyju kleift að skreppa

  með Herjólfi til Eyja yfir helgi í sumarfrí, kaupa smá afmælisgjafir handa

  börnum og barnabörnum, splæsa á sig einni Dominós extra einu sinni

  í mánuði og kannski fara einu sinni í leikhús á ári og tvisvar í bíó.

  Já, svei, svona nýtingu á séreignasparnaði!Angry

  Þá er mun betra að brúka þessa aura í höfuðstólinn...sem kannski lækkar

  eitthvað smá, um eina til tvær milljónir...nema auðvitað að verðbólgan

  tryllist....en það hefur ALDREI gerst á litla Fróni....eða hvaðHalo?....já og ef

  að ný kreppa skelli á....eða eitt lítið sætt BANKAHRUN dynji aftur á oss

  örmum fjármálavitfyrringum...en þetta tvennt getur AUÐVITAÐ allls EKKI GERST...

  og það að vertryggingin verði EILÍFÐAR-martröð á litla Fróni,

  er "nottla bara KJAFTÆÐI"!

  Já, séreignasparnaðinn okkar í höfuðstólinn STRAX.

  En þar sem STRAX er orðið svona hrikalega "teygjanlegt" hugtak í íslensku máli,

  ætlar húsfreyja að "teygja" á öllum ákvörðunum sínum

  varðandi séreignasparnað sinn, og þar sem til staðar er

  "pólitískur ómöguleiki" á efndum kosningaloforða hjá þessari ríkisstjórn,

  þá hyggst hún aðeins þiggja lækkun á höfuðstól láns hennar að svo stöddu.Cool

  Annars er næsta víst að séreignasparnaðurinn húsfreyju verði horfinn í

  verðbólguhafaríi og verðtryggingarsukk, útþurrkaður,

  glataður og tapaður að eilífu í hafsjó nýrra reglugerða og frumvarpa

  sem snúast mest um að hyggla þeim peninga- og valdagráðugu.

  Jamm, húsfreyju er um og ó.

  Margir Frónbúar urðu að nota séreignasparnað sinn í bankahruninu

  2008, til að bjarga húsum sínum, og eiga því ENGAN séreignasparnað lengur.

  Þeir hafa ekkert val, þó þeir vildu fórna séreignasparnaðinum upp á von og óvon.

  Margir öldungar á litla Fróni eru að fá skertan lífeyrir mánaðarlega, sem dugir þeim

  fyrir framfærslu í 10-12 daga, ef þeir lifa SPART.

  Súrefni og H2O er svo á "menu" dagsins það sem eftir lifir mánuðs,

  komi börn og barnabörn þeim ekki til bjargar.Errm

  Sumir þessara "greiðsluskertu" öldunga eiga ekki börn eða barnabörn, það

  kemur þeim ENGINN til bjargar.Frown

  Húsfreyja hefur hitt einstæðinga, erna öldunga í heimahjúkrun, sem geta ekki lengur

  annast sína matseld vegna líkamlegra sjúkdóma, að veltast með matseðil

  í höndum, reynandi að velja 1-2 máltíðir á viku af heimsendum mat,

  svo þeir fái eitthvað að borða.  Fjárhagur þeirra leyfir ekki fleiri máltíðir,

  þó ekki sé máltíðin dýr.

  Blóðugt.

  Séreignasparnaður hefði komið þessu fólki vel í ellinni.

  Jamm en brilliant, að LEYFA oss fjármálavitfyrringum að nota okkar EIGIN

  sparnað til að BJARGA heimilum okkar.Tounge

  Góðar efndir þetta á kosningaloforðum.

  Sumt er bara SNILLD.Devil

  Góðar stundir, og í guðanna bænum notið séreignasparnaðinn ykkar í

  eitthvað sem þið ÓSKIÐ að nota hann í.

 


mbl.is „Felur í sér nýja hugsun“
Tilkynna um óviðeigandi tengingu við frétt

VARÚÐ! HÆTTA! Bretadrepandi hjónabönd.

 images?q=tbn:ANd9GcRZxgxZXa-Pe34kRKzcD45RleWBxy-fNllZ2Xm-jK8Ji2Q3ARfr HROÐI.

  HRYLLINGUR.

  HRYÐJUVERK.W00t

  Voveiflegar fréttir berast nú frá hinu mikla veldi Betu Bjútí,

  drottningu Bretanna.

  Þar æddu í desember síðastliðinn yfir Breta stórstreymis flóð

  í fárviðrum miklum

  með illvígum stormveðrum, og það yfir helgustu hátíð allra

  sanntrúaðra biskupakirkju-Breta, Jólin sjálf.Crying

  Allt flaut á brott sem flotið gat:  Bílar, hús, bátabryggjur,sófar,

flatskjáir, hrífur, sláttuvélar,

  jafnvel fólk og langsamlega verst, gólfkerrur.Pinch

  Allt í tjóni og tjöru þar með yfir jólahátíðina hjá breskum.

  Menn svömluðu þetta blautir upp í klof með jólapakkana á milli húsa, urðu

  að "róa" á pöbbinn dauðþreyttir eftir vinnu á móti stríðum vatnsstraumi,

  en var reyndar nokk sama eftir nokkra "ískalda", hvort þeir flytu heim aftur

  eða á haf útTounge, og eyddu löngum stundum í biðsölum húðlækna með

  mergjaðan "fótasvepp".Sick

  Enginn komst í GOLF.Pinch

  ROSALEGT.

  Svaðalegt að eyða Jólum í svona hrylling.

  Og enginn botnaði neitt í neinu.

  Hvað höfðu breskir gjört af sér, sem hefndi sín svo rækilega með

  "Nóaflóði" í öðru veldi?Shocking

  Menn stóðu á gati.

  Klóruðu sér í haus og botn, óðu svelginn með sandpoka á bakinu,

  og horfðu á eftir sófasettinu á hraðri siglingu á haf út, á vit ævintýra í suðrænum höfum.Whistling

  Vesen og vonleysi.

  En lengi er von, og EUREKA!Wink

  Hinn snjalli og vísi bæjarfulltrúi Sjálfstæðisflokks Breta (Ukip), herra David Silvester

  er með málin á tæru, samkvæmt ágætri frétt í DV okkar Frónbúa.

  Aldeilis búinn að kryfja flóðamartröðina og bévítans fárviðrisstormana í tætlur þar

  í ríki Betu Bjútí.Halo

  Jú, þetta bévítans veðurfá meðr tómu vatnstjóni,

  er að "sjálfsögðu" HJÓNABÖNDUM SAMKYNHNEIGÐRA að kennaW00t.

  SEGIR SIG SJÁLFT!

  Jamm.

  Allt síðan að Beta Bjútí og herleg ríkisstjórn hennar hófu að pússa saman

  homma og lessur, hefur hver stórlægðin gengið yfir Stóra Bretland,

  íbúum þess til armæðu og tjóns.Errm

  Er nú hinn eitursnjalli hugsuður og "sjálfstæður" bæjarfulltrúi, David Silvester,

  þess fullviss að von sé á öðrum og  mun meiri djöfulgangi, haldi Beta Bjútí sig

  við efnið, og gifti mann og annan, og konu og aðra, af sama kyni villt og galið.Angry

  Megi nú hin "hjónabandaóða", bersynduga breska þjóð búast við

  styrjöldum, pestum og bráðafári á heimsendamælkikvarða, því

  "fagnaðarerindið" hefur bannað slík "samsyndug" hjónabönd.

  Samanber III Mósesbók 20: ...eitthvað. Hefur þetta húsfreyja í Biblíunni

  upp á engilsaxnesku: Leviticus 20:3 - "If a man lays with another

  man, he should be stoned".....en húsfreyja fann reyndar

  brilliant skýringu á fésinu á þessu versi nú á dögunum:

  It makes sense, now that gay marriage and marijuana are being

  legalized at the same time, we've just been misinterpreting it.

  Hér að sjálfsögðu vísað í tvímerkingu orðsins "STONED"Devil :

  1. Grýta til bana. 2. Út úr vímaður.LoL

  En þetta var útúrdúr.

  Aftur að æruverðugum sjálfstæðismanni breskra, herra David Silvester

  og ærnum áhyggjum hans af framtíð breska heimsveldisins.

  Samkvæmt honum eru hjónabönd samkynhneigðra að ganga að

  Betu Bjútí og allri hennar slekt dauðri í komandi framtíð.

  Má þá að líkindum,  á næstu mánuðum vænta

  "Stóru Bólu, Svarta Dauða, Gin- og Klaufaveiki, Sárasóttar,

  Holdsveiki og Fótasveppafárs í landi Breta, ásamt stórfelldum

  nattúruhamförum, ofsastormum, flóðabrjálæði með dassi af

  snjóbyljum í því landinu. (Djíss...ferðamannabransi þeirra bresku er DAUÐUR

  þar meðPinch.)

  Í kjölfarið munu sjálfsagt koma engisprettufaraldur, froska offjölgun og

  flugnafár með mergjuð mýbitsveseni.Whistling   

  Þykir húsfreyju ekki ólíklegt, hafi herra Silvester hinn sjálfstæði rétt fyrir sér,

  að einnig megi rekja síðustu "ísöld" beint til tveggja homma að

  bindast heitböndum í íshelli, og uppgangi lessa sé alfarið um að kenna hnignun

  hins mikla griska veldis til forna.Shocking

  Og auðvitað hlýtur þá einnig fall Rómverja til forna að vera samkynhneigðum að kenna,

  galdrafárið á miðöldum (ekki spurning), kóngaleysi Betu fyrstu Bretanna,

  báðar heimstyrjaldirnar, Hiroshima, Nakasaki, Spánska veikin,

  gosið á Heimaey/ í Eyjafjallajökli ásamt ýmsum öðrum eldgosum, og

  allar heimskreppur og öll bankahrun sögunnar eru á þeirra ábyrgð,

  sem og því að húsfreyja asnaðist í vinnuna í morgum

  í einum hvítum sokk og einum rauðum.GetLost

  Já, á þeirra SAMKYNHNEIGÐU herðum sé eiginlega öll óáran, fár, tjón, hamfarir

  og vesen hér á jörð í fortíð, nútíð...og já, um alla ókomna tíð.Angry

  Ja, SVEI þessu öllu.

  Móðir Jörð væri sjálfsagt bísna FÍNN staður að dvelja á, ef ekki væri

  fyrir bévítans samkynhneigðu vandræðagemlingana.

  Já, tarna eru slæmar fréttir af blessuðum snillingnum honum

  David Silvester.

  Húsfreyju dettur í hug, hvort hún ætti ekki að koma honum í

  samband við Gunnar "fyrrum Krossins", og fá Gunnar til að rifja

  upp "afhommun og aflessun" Krossins með honum.Halo

  Sé húsfreyja fyrir sér að Gunnar hljóti að hafa lært "listina" í sérlegum

  "Harry Potter afhommunarskóla"Tounge, veifi hann staf sínum

  og hrópi þrumandi raust í "Darth Vader-stíl" yfir hópi

  af vesölum samkynhneigðum, hjónabandselskandi einstaklingum breskra:

  "LUMINUS AFHOMMUS! DING DONK OG GENGJA"!

  Og DÚBBÍ DÚ þú ert hommi og lessa NO MORE.Grin

  Jamm.

  Aldeilis magnað hvað fólk lætur hafa eftir sér í fjölmiðlum, væri húsfreyja

  herra Silvester, gengi hún nú og alla tíð framvegis með hauspoka á höfði sínu.

  Góðar stundir, og í guðanna bænum verið ekki að vaða í það að gifta ykkur

  í Bretlandi...gagnkynhneigðir sem og samkynhneigðir. 

  Allur er varinn góður.....Halo.


Tannatitrandi víruð upplifun.

 images?q=tbn:ANd9GcTTD0evvXeIMNvoRvSY39ntUAk0W6CNjyoOavly069CCwyCiNI3WA Háskólabíó virtist nötra þegar húsfreyja,

  systir í Þolló ásamt 12 ára djásninu, Svölu (15), Sigga Frey (13) og

  Vigranum (10), mættu á svæðið til að fylgjast með

  Fitnesmodel-keppni nú nýverið.

  Mergjaðar drunur með "RUDDU RUDDI VÍRBASSI"-

  músík organdi í eyrum tóku á móti þeim inni í sal.W00t

  Tennur í munni húsfreyju byrjuðu að titra....BOMM BOMM BOMM-

  takturinn olli henni hrikalegum hjartslætti og

  "HLUSTASKEMMANDI VÍRSÖNGUR"

  kom af stað hrikalegum stresshnút í maga hennar....Pinch

  "RUDDU RUDDI VÍRBASSI....BOMM BOMM".

  Húsfreyju lá við öngviti af stressi.

  Mikið hrikalega var hún orðin FORN og GÖMUL.

  Blóðið strax farið að streyma úr eyrum hennar af álagi,

  eftir hálftíma setu í salnum.Crying

  Sjitt!  Hún yrði að reyna að bera sig vel.

  Ekki hægt að missa af systurdóttur í modelkeppninni.

  Þau hin myndu skammast sín ægilega, ef hún færi að kvarta undan

  mús...HÁVAÐ.....GARGANDI ORGINU... "RUDDU RUDDI

 VÍRBASSI....BOMM BOMM BOMM"!Angry

  Húsfreyja reyndi að kyrra nötrandi tennur sínar, og gjóaði

  augum á systur í Þolló við hlið sér....errr...hvar var systir í

  Þolló eiginlega?Shocking

  Var þetta bara úlpan hennar í sætinu...en Nei.

  Allt í einu móaði í þjáð andlit systur í vetrarflíkinni.Halo

  Systir virtist einhvern veginn skroppin saman í sætinu, úlpa

  hennar komin "upp fyrir eyru".

  Argvítans eyrnablæðandi bassinn djöflaðist sem aldrei fyrr....Sick

  "Váv", stundi systir í Þolló,og galaði síðan: "Nú ætla þeir algjörlega

  að tryggja að við verðum endanlega heilabiluð þegar við komum út".Frown

  Eða það þóttist húsfreyja skilja og heyra  með því að hreinsa mesta blóðið

  úr eyrum sér, en mest þó með því að lesa orðin af vörum systur.Devil

  Galaði síðan á móti:  " Já, og þarna stendur "PLÖTUSNÚÐUR DAUÐANS"

  vel varinn af heyrnaskjólum".

  Og mikið rétt, sá með tónlistina stóð og reyndi að ná sambandi við

  mann upp við sviðið, sem virtist gjörsamlega heltekinn af

  því að spila "Candy Crush" í tölvu sinni.Tounge

  Samskiptin gengu eitthvað stirt hjá þeim tvemur vegna

  þess hve oft gargandi tal þeirra var borið ofurliði af

  "RUDDU RUDDI VÍRBASSI..BOMM BOMM".Devil

  Tólf ára djásnið sat og hafði troðið vísifingrum í eyru sér,

  sem og Vigrinn, Sigginn var eitthvað fölur og galaði að

  "tónlistin" væri "ekkert spes".Whistling

  Salurinn var nánast fullur af fólki og sat í rólegheitum

  og GARGAÐI saman.Pinch

  Eftir að fyrstu keppendur í fitness höfðu farið á svið,

  hóf smávaxin ljóshærð stúlka á sirka áttunda ári,

  og sem  sat fyrir miðjum bekk húsfreyju, sína sjálfsagt

  reglulegu MARÞON-kvöldgönguGrin....fram og til baka...

  fram og til baka eftir bekknum....húsfreyja og kó

  stóð upp....settist niður....stóð upp...settist niður osfr.

  alls 17 sinnum.LoL  Fínar fitnessæfingar í gangi.

  Eftir að fitneskeppendur höfðu lokið að koma fram,

  ruddist kona á að giska þrítug eftir bekknum fyrir

  ofan húsfreyju og ýtti náfölri unglingsstúlku á undan sér,

  sem hélt báðum höndum þétt fyrir eyru sér (.."ein með

  eyrnablæðingu, eins og égErrm"  hugsaði húsfreyja samúðarfull),

  og gargaði konan nokkur orð við tvo herramenn beint fyrir ofan

  húsfreyju: "Ég verð að fara með hana heim, við erum að ÆRAST

  hérna".Angry

  "En þú kemur aftur og sérð úrslitin"? orgaði annar maðurinn.

  "NEI, ég held að ég láti þetta duga í kvöld" gargaði konan

  og var síðan horfin á braut með sína eyrnablæðandi dóttur,

  og þær sáust ekki meir.

  En nú var komið hlé.

  Fólk RUDDIST fagnandi út úr salnum, og niður í

  blessunarlega tiltölulega hljóðlátan forsalinn.Whistling

  Þar að vísu mikið skvaldur, en vegna "nýlegra" hlustunarskemmda

  flestra áhorfenda kom það ekki að sök.Tounge

  Var svona meira eins og notalegt "hvískur" í eyrum húsfreyju.Grin

  Tólf ára djásnið gaf út yfirlýsingu (tveimur lögum goðsins

  Michel Jacksons hafði verið hroðalega misþyrmt inn í sal stuttu fyrir hlé):

  "Þeir eyðileggja 80% af sýningunni með þessari hryllilegu músík".Pinch

   Siggi Freyr skellti út sinni yfirlýsingu:  "Ég ætla ALDREI að hlusta á

  svona músík aftur"!Angry

  Svalan reyndi að vera jákvæð:" En þeir spiluðu þó TVÖ góð lög".Wink

  Tólf ára djásnið gaf hvergi eftir: "Já, en þau voru svo hátt spiluð að maður

  varla þekkti þau fyrr en í lokin".

  "HALLELÚJA" hugsaði húsfreyja.  "Við systur erum kannski ekki svo

  fornar og gamlar eftir allt, fyrst unga fólkið er líka að brjálast

  yfir músíkinni"!Cool

  En það var komið að hápunktinum.

  Systurdóttir Henný (26) að koma fram á sviðið,

  að keppa í fitnesmodel.

  Stelpan sú svakalega flott, að gera góða hluti, svo

  húsfreyju og systur í Þolló tókst næstum að gleyma

  blæðandi eyrum og heilabilun í heilar 10 mínútur.Heart

  Og það voru ofboðslega þakklát og hamingjusöm 12 eyru sem

  yfirgáfu Háskólabíó upp úr klukkan átta um kvöldið...lemstruð

  og með bólgnar hlustir að vísu...en GLEÐIN einskær yfir því

  að komast út.Joyful

  Húsfreyja SLÖKKTI á útvarpinu í bílnum...hafði ekkert með

  vesalings starfsfólk Bylgjunnar að gera...en þögnin var æði.

  Tólf ára djásnið hringdi í föður sinn og rukkaði eftir mat....og lýsing hennar

  á atburðum kvölds hljómaði svona....."Henný var rosaflott, pabbi, en

  músíkin var HRÆÐILEG...hvernig...jú, þeir tóku einhver lög og blönduðu þau með..

 ...þau með... DAUÐA".GetLost

  Húsfreyja glotti með sjálfri sér undir stýri þó hún væri farin að hafa smá

  áhyggjur af því að hafa ekki sloppið með "heilabilun" eftir í kvöldið.

  Því í huga hennar ómaði nú jólalag þeirra Baggalúta..."Ég kemst í jólafíling..

  klikkaðan jólafíling...( en ó, vei..truflun)...RUDDA RUDDI VÍRBASSI..

  ...Jólin...jólin....ég kemst í jólafíling"...BOMM BOMM BOMM.W00t

  Góðar stundir og hafið það sem allra best á komandi jólaaðventu.

 1395370_10201083368951738_1160360455_n


Harmaspá, heimsendafregnir, voveifleg framtíð.

 funny-chocolate-baby-eating IMG_0564SÚKKULAÐILAUS húsfreyja! 

 

 

 

 

 

 

 

 

 

 

 

 

 

 

  Ó vei!

  Arga örvænting!

  Hroðbjóður!

  Panikk!

  Súkkulaði í heiminum BÚIÐ!

  FINE!

  FINISHED!

  CAPÚT!

  Og ekki seinna en korter fyrir tvö 2.október 2020.

  Eftir aðeins 7 stutt ár!

  Hvaða DJÖFULLEGA dagsetning er þetta?

  Hvurslags framtíðarsýn er þetta?

  Á húsfreyja eftir að vakna upp að morgni annars október 2020,

  í "Serotoninfalli", með mergjaða þokuhugsun, heiladoða og utangátta-þankagang?

  Af SÚKKULAÐISKORTI!?

  Ó, húsfreyju arma og vesæla.

  Hún sem hefur af harðýgi og dugnaði einsett sér að breyta vökvabúskap

  síns skrokks með aflmiklu súkkulaðiáti upp á dag hvern,

  og telur næsta víst að sér hafi tekist að breyta vökvamagninu í blóði

  í eðal 75% "kakómassa", á nú lenda í tómum öfugsnúning og fyllast

  af vatnsgutli og steinefnaglundri á nýjan leik.

  Allt hennar erfiði fyrir bí.

  DAUÐI OG DJÖFULL!

  VATN OG TÓMATSSÓSA!

  ANGIST OG SVÍNARÍ!

  Þetta líst húsfreyju ekkert á.

  Gæti orðið hennar banabiti...eða réttara skortur á súkkulaðibita

  gæti orðið henni að aldurtila.

  Húsfreyja vill biðla til þjóða heims að taka nú höndum saman, og

  bjarga eðal-kakótrjám og ýndislegum kakóbaunum frá útrýmingu og

  plöntupestardauða, koma þessari "fæðu guðanna" í hús hið snarasta,

  og rækta villt og galið.

  Og þar með tryggja það að húsfreyja deyji afgamalt hró

  á tíræðisaldri, með bros á vör og sól í hjarta, á meðan brúnir

  súkkulaðitaumarnir leka frá munnvikum hennar niður hökuna

  og síðasti Síríus-súkkulaðimolinn með rúsínum bráðnar í visinni hönd hennar.

  Aaaaa... súkkulaði og rúsínur...þvílík sæla.

  Það er einlæg von húsfreyju að hún þurfi ekki að fara að hamstra

  súkkulaði....yrði ROSALEGA STÓRTÆK, húsfreyja þá.....ekki víst

  að bílskúrinn dygði undir gæðanammið, og það þó hún tæmdi hann

  af öllu öðru dótaríi.

  En góðar stundir og megi öll ykkar ár verða súkkulaðirík.

funny-chocolate-quotes


mbl.is Súkkulaðiskortur yfirvofandi í heiminum
Tilkynna um óviðeigandi tengingu við frétt

Sjúkir og slasaðir skulu borga.

funny-old-people-bacon-wrapped-media-16  Það var og.

  Aldeilis brilliant fjárlagafrumvarp þetta.Angry

  Húsfreyja sér fyrir sér atburðarásina.

  Húsfreyja fýkur um koll í næstu albrjáluðu vetrarlægð,

  skellur beint á hausinn á steinsteypta stéttina og KRASS,

  hausinn brotinn.Crying

  Þegar hún rankar aftur við sér á Landspítala Háskólasjúkrahúsi,

  10 dögum seinna, reifum vafin um höfuðið, með þrefalt boxaraglóðarauga og

  heilastarfsemi í mergjuðum hægagangi, verður hún þegar í 12.000 króna

  skuld við sjúkrahúsið.Pinch

  Og treysti hún sér þar með ekki, að rusla sér fram úr rúminu samstundis og

  út af spítala, með þvaglegginn lafandi niður úr klofinu, handlegginn tengdan

  við stöng á hjólum með næringu í æð og gasalega illvígan hausverk, og þarf

  þá að gista 6 nætur í viðbót, er 20 þúsundkallinn fljótur að fjúka.Bandit

  Nú á húsfreyja ekki marga 20 þúsundkalla þegar hún er búin að borga

  hús, bíl, faseignagjöld, hússjóð ofl.

  Í góðum mánuði á hún kannski 60.000 eftir í mat, fatnað o.þ.h.

  fyrir sína þriggja manna fjölskyldu og matgrannan kött.Wink

  Í slæmum mánuði er hún heppin að eiga 10.000 krónur afgangs....og þá er

  að svína á VISA...og svína...og allt vindur upp á sig endalaust.Frown

  Það er aðeins blessað orlofið sem reddar húsfreyju frá þvi að

  sökkva fúlan óborganlegan skuldapytt, og hjálpar henni

  aftur upp að núllinu.

  Jamm, orlofið sem á að notast í sumarfríinu, fer allt í skuldir, og hefur

  farið þá sömu helvísku leið í mörg ár, eða alveg frá bankahruni hér hjá oss

  örmum fjármálavitfyrringum út í miðju ballarahafi.

  Sumarfríið verið í mínus fjárhagslega alla tíð síðan, og húsfreyja lengi

  að ná andanum í því fjárhagslega drulludýki, eftir frí.  SVEI!

  Já, því fer fjarri að húsfreyja hafi efni á því að borga 1200 krónur á

  dag fyrir það eitt að velgja rúm á spítala fárveik og voluð. skyldi

  næsta vetrarlægð ná henni.

  Sei, sei nei.

  Samt eru þau hjónaleysin, bóndi og húsfreyja bæði að streða dag hvern,

  virka sem um helgar, við að vinna, og reyna að láta enda ná saman.

  En hvað þá með fólkið sem enga hefur vinnuna?

  Öryrkja?

  Öldunga...afa og ömmu?

  Eru þá máske öldungar og öryrkjar allir á litla Fróni svo vellauðugir

  og moldríkir af seðlum, að ekki sér högg á vatni, þurfi þeir

  að verma rúm á spítala í mánuð, tvo eða þrjá?W00t

  Altént veit húsfreyja, að það er langt því frá að öldungar okkar

  hér uppi á litla Fróni vaði allir í peningum.

  Einn og einn á stangli á margra ára fresti sem hún hittir,

  með Rolexúr á úlnliðnum og farandi 2 ferðir utan á ári í mánaðarsiglingu.Cool

  Flestir hinna eiga vart milli hnífs og skeiðar og láta sér nægja að

  "ferðast gangandi" niður í bókastofu að spila Vist.Grin

  En það er þá skilyrði að þeir búi í þjónustuíbúð...

  ekki víst að sumir þeir öldnu hafi kost á

  ferðalagi gangandi í bókastofu, búi þeir enn í húsi sínu eða íbúð.

  Neipp, ekki margir öldungar sem hafa efni á því að gista dögum saman hjartveikir,

  nýrnaveikir, slasaðir, nýuppskornir eða lamaðir jafnvel, í rúmi á

  deild á Landspítala Háskólasjúkrahúsi, telur hún.

  Færu frekar heim, fárveikir, hundslappir og nánast ósjálfbjarga, heldur en að

  setja sig og sína í fjárhagslegar ógöngur vegna sjúkrahússlegu, öldungar vorir.

  Jamm.

  Ríkið græðir seint peninga á öldungum, þeir hreinlega "vilja ekki" gista voru

  frónversku spítala, eigi þeir þess nokkurn annan kost.

  Ja, nema......

  Kannski að ríkisstjórnin (djö.... snillingar sem hún er) setji nú fram frumvarp,

  um að setja "sérstakt gjald" á ellilífeyrisþega?Whistling  (Alltaf hægt að plokka af þeim aurana.)

  Svona eins konar "elligjald".Pinch

  Þannig gæti stjórnin gert öldungum að greiða ríkinu 1000 krónur á mánuði,

  12.000 krónur á ársgrundvelli fyrir hvert ár sem þeir "lifa fram yfir" 67 ára aldur.

  Ríkið græddi grimmt, ekki spurning.

  Við erum að tala um 240 milljónir á ári ef 20.000 ellilífeyrisþegar hjara uppi

  á litla Fróni.......1200 milljónir á 5 árum.Halo

  Munar um minna.

  Gæti jafnvel borgað sig fyrir spítalana að bjóða öldungum FRÍA innlögn í viku

  á spítala "tvisvar á ári", þeim til lækninga og hressingar, svo þeir

  lifi sem "allra lengst" og BORGI sem allra mest þar með.Tounge

  Jamm.

  En altént ætlar ríkisstjórn vor að lækka álögur á EINNOTA BLEYJUM.Shocking

  SNILLD!

  GLEÐI!

  Húsfreyja á ekkert bleyjubarn, 12 ára djásnið sjálfbjarga á salerni fyrir löngu.

  En húsfreyju datt þá í hug að skella sér samt á einn bleyjupakka "hræbillegan",

  og athuga hvort hún gæti ekki nýtt sér eitthvað þessi "gæði" nýju stjórnarinnar.Whistling

  Kannski er hægt að "krydda bleyjurnar eitthvað til og steikja á pönnu" og snöfla

  í sigLoL...... nú eða klippa niður í óróa í stofugluggann  úr mismunandi stærðum,

  skúra með þeim parkettið eða sauma úr þeim rúmteppi.Grin......BLEYJUR- JÓLAGJÖFIN

  Í ÁR!

  Möguleikarnir eru óþrjótandi.

  Nei, bara svona smá pæling hjá húsfreyju sem er með orðið "NIÐURSKURÐUR"

  tattúverað þvert yfir enni sér, brennimerkt í hjarta sér og lekandi út úr báðum

  eyrum sér, eftir hartnær 30 ára starf í heilbrigðiskerfinu.

  Góðar stundir og guðanna bænum gætið heilsunnar...nema auðvitað þið

  eigið 1200 kall á lausu.Devil


mbl.is Innheimta gjald fyrir legu á sjúkrahúsi
Tilkynna um óviðeigandi tengingu við frétt

Storkur Bond í Egyptalandi.

Stork-Dressed-as-The-Mask---79172  Snar í snúningum, veiðimaðurinn við ána Níl,

  þegar hann varð var við læðupúkalegan og

  dularfullan stork að sniglast við árbakkann.Ninja

  Aha!  Storkur að gjóa fráum augum á veiðimann af og til, teygja sig

  álkulega og "læðast" um á háum leggjum sínum.Pinch

  "Storkur að leita sér að smáfisk, pöddum og öðru smotteríi að éta við

  árbakkann......segðu mér annan....MAMMA ÞÍN HVAÐ".Whistling

  Neipp, hinn egyptski veiðurmaður lét ekki aldeilis plata sig upp úr skónum.

  Ekki þegar hann sá logarauða "njósnabúnaðinn" festan á

  "Stork Bond", á áberandi stað, svo allir athugulir

  Nílarveiðimenn gætu haft varann á og auga með mergjuðum

  spæjara þessum.Tounge

  Veiðimaður setti í fimmta gír, hljóp uppi hinn furðuslegna

  njósnara, sem auðvitað vissi ekki að upp hann hafði komist,

  fangaði  fiðurfénaðinn og kom síðan logarauðu njósnatæki með

  fugli og öllu saman beina leið í hendur lögreglu.

  Og hananú.Halo

  Sjálfsagt einhverjir herjans "útgerðarbófar" sem gert hafa

  illfyglið síspæjandi út af örkinni, til að tryggja að veiðimenn

  Egypta veiði eigi langt umfram "kvóta" í ánni Níl.

  Einhverjir gráðugir fiskibarónar búnir sölsa undir sig allan

  Nílarkvótann, svo ekki einu sinni fátækir veiðimenn með

  10 börn og 4 konur á framfæri sínu mega veiða meira fimm fiska á

  dag.W00t

  Veiðimaðurinn snöggi var aldeilis sigri hrósandi er hann kom

  með spæjarfanga sinn á lögreglustöðina.

  "Þessu pakki kemur sko ekkert við hvað ég veiði mikið".GetLost

  En þá fór heldur að harðna á dalnum með veiðimann og stork.

  Uppnám, öngþveiti og panikk.W00t

  Var fjandans storkurinn ekki aðeins stórtækur ofurnjósnari,

  heldur bévítans "terroristi" í ofanálag.Angry

  SPRENGJA!!W00tW00t

  L0gregla dundaði við það lengi dags að skoða ókennilega

  "rauða" hlutinn sem festur var á storkófétið.

  Hrikalegur hryðjuverkafuglinn, snyrti fjaðrir sínar á meðan og goggaði

  ergilegur í fótleggi og arma þegar hann gat, og baðaði út

  breiðum vængjum vonskulega af og til.....gerði

  hvað hann gat til að skreyta lögreglustígvélin með

  gulgrænu driti sínu.Devil

  "Var verið að gera árás á egypska fiskimenn í stórum stíl með

  sprengjuberandi storkaflokk"?Shocking

  Og hverjum þá, var svona illa við fisveiðimenn Egypta"?

  Stóðu máske "Samtök Fólks með Fiskofnæmi" fyrir árásinni?Tounge

  Og hvar voru þá hinir ófétis sprengjuberandi storkarnir?

  Varla hafði "árásarliðið aðeins sent EITT fjaðrað kvikindi?Shocking

  Höfðu þeir fljúgandi og fiðruðu máske

  villst inn á skotæfingasvæði Egypska hersins,

  þar sem allt væri þá farið í bál og brand, í stað þess að

  flykkjast að bökkum Nílar að salla niður fiskveiðimenn?Errm

  Var þetta "árás"...eða kannski bara eitthvað allt annað?

  Hehehehe.Devil

  Stóðst ekki mátið húsfreyja.

  Skondin frétt atarna.

  Auðvitað var rauða tækið ekki sprengja, aðeins saklaust

  fuglamerkingatæki frá fuglaskoðara.

  En storkræfillinn Nílarfisksglaði mátti dúsa lengi enn

  í fangelsi Egypta.

  Efast húsfreyja stórlega að hann leggi nokkru sinni aftur í það aftur,

  að næla sér í hádegissnarl í ánni Níl.Pinch

  Gerist vetrarsetufugl í Danaveldi og betlar sardínur í dós

  af dönskum bóndaLoL.

  Góðar stundir á þriðjudegi.

  


mbl.is Storkur grunaður um njósnir
Tilkynna um óviðeigandi tengingu við frétt

Banamein: RASSFYLLING.

  Tarna er ljóta fréttin.

  Húsfreyja er rasandi á grátlegri frétt þessari.Errm

  Fimmtán manns dáið á tveimur árum vegna þess

  að þeir létu troða stórhættulegu sílikondrasli

  "inn í" rasskinnarnar á sér.

  RASSKINNARNAR!

  Hvurslags ofurfegurðardýrkun er í gangi úti í hinum stóra heimi?W00t

  Ungt fólk að deyja drottni sínum langt fyrir aldur fram,

  vegna þess að það missti sig í sjálfsútlitsdýrkuninni?

  Troða inn í sig einhverju drasli, svo rassinn sé kúlulagaðri og

  línulegri....og hlýtur þá einnig að verða STÆRRI....og síðan

  hvenær er það rosalega smart að vera með "risastóran rass" danglandi

  og dinglandi út og suður í hverju skrefi?Pinch

  Er það þá orðið stórkostlega flott, bara ef bévítans rassinn er

  KÚLULAGA?

  Svo fer allt á versta veg.

  Þrútnar rass út, getur fólk ekki sest á botninn á sér, svo jafnvel salernisferðir

  verða stórmál.

  Síðan sýkingar, sársauki og jafnvel dauði.Crying

  Ja, tarna er furðulegt uppátæki...og stórhættulegt.

  Þá er skömminni skárri önnur fegurðarvitfirring, sem húsfreyja

  hefur fregnað af að sé orðin bísna vinsæl erlendis.

  Jú, nefnilega ENDAÞARMSBLEIKINGIN.Whistling

  AHA!

  Endaþarmsbleiking.Shocking

  Húsfreyja fregnaði af fyrirbæri þessu ekki alls fyrir löngu, og var þá

  ekki viti bornari en svo um málið, að hún sá fyrir hugskotssjónum sínum

  fólk sitja í "lange baner" með beran rassinn ofan í bala fullum af KLÓR,

  að bleikja á sér rassgatið þannig.LoL

  Neipp.

  Svo einfalt er þetta ekki.

  Herlegir og rándýrir lýtalæknar koma hér til sögu.Halo

  Þeir krukka í rassgatið á fólki í hartnær klukkustund, "sanda" það

  og fínpússa, þar til það skín sem" neonbleik" afmælisblaðra í

  barnaafmæli.Pinch

  Kostar einhver hundruði þúsunda aðgerðin.Bandit

  Jamm.

  Er víst mun notalegra og hlýlegra fyrir þá sem endaþarmskynlíf

  stunda grimmt og galið, að hafa "bleikan" lit  á þessu svæði.....mun

  huggulegra en drapplitað, ljósbrúnt, fjólað eða rauðleitt rassgat....Tounge

  eða það hlýtur að vera málið....eða hvað?

  Ekki er fólk að æða um utandyra berrassað, með sundurglenntar

  rasskinnar á mannamótum, til þess eins að státa sig af nýbleiktu rassgati?Devil

  Eða er það?Woundering

  Ja, sei.

  Hvað veit húsfreyja?

  En altént er "endaþarmsopsbleikingaraðgerðin" ekki þekkt af því að strádrepa

  ungt fólk elskt að bleikum rassgötum, í hrönnum,

  líkt og rasskinnafyllingarnar í Venesúela.Frown

  Það er vel.

  Er bara eitt sem böggar húsfreyju lítillega, þegar hún veltir þessum

  kostulegu endaþarmsbleikingum fyrir sér:

  Hvað með "litblinda" einstaklinga og "bleikt" rassgöt?Tounge

  Erum við að tala um "GRÆN" endaþarmsop hérna eða......?DevilLoL

  Góðar stundir og í guðanna bænum verið ánægð með ykkur eins og þið eruð

  frá náttúrunnar hendi... "óbleikt", rasssmá, gullfalleg og SPRELLLIFANDI Joyful.

 


mbl.is Fegurðin dýru verði keypt
Tilkynna um óviðeigandi tengingu við frétt

Þyrnirós var besta barn...besta nafn?

 gilitrutt Það var og.

  "Þyrnirós" orðið gott og gilt nafn samkvæmt Mannanafnanefnd

  uppi á litla Fróni.

  Telur húsfreyja að næst liggi þá fyrir að samþykkja nafnið "GARÐABRÚÐA" 

  sem eðal fínt nafn á stúlkubarni, enda tekur það nafn íslenskri

  beygingu í eignarfalli..."til GARÐABRÚÐU".....og sjálfsagt bullandi

 " mannanafnalöglegt" einnig, eins og nafnið Þyrnirós Wink.

  Nú og fyrst Mannanafnanefnd er komin á myljandi fart í "ævintýrabransanum"

  mannanafnalega séð, væri ekki úr vegi að lögleiða einnig nafnið

  "RUMPUTUSKI" sem arfa flott nafn á drengi og nafnið ÖSKUBUSKA á

  stúlkur.Devil

  Sterkt kæmi þá einnig inn nafnið JÁRN-HINRIK á drengina. 

  Það nafn með bandstriki, sem þótti aldeilis flott hjá

  breskum aðli hér í eina tíð.LoL

  Nú og þá eru kvennanöfnin MJALLHVÍT og RAUÐHETTA klassísk.

  Húsfreyja velkist hinsvegar í vafa með nöfnin SNJÁKA, HANS KLAUFI

  og KJÁNN, og telur að þau munu ekki ná vinsældum hér í landi elds og ísa...

  og ævintýra.Whistling

  Já, en aldeilis flott framtak og gott framlag þetta hjá Mannanafnanefnd til

  auðgunar á íslenskum mannanöfnum.

  Og styttist óðum í það að PRINS og PRINSESSA verði orði fullgild og

  viðurkennd mannanöfn á litla Fróni.Tounge

  Hins vegar vill húsfreyja vara nefnd mannanafna hérlendis við því,

  að vaða síðan beint úr Grimmsævintýrunum inn í frónversku þjóðsögurnar.

  GILITRUTT, MÓRI, GARÚN, ÞORGEIRSBOLI og SKOTTA Sick

  svona ekki beint nöfn sem heilla

  húsfreyju, sem nöfn á blessuð börnin okkar Frónbúanna.

  En kæra frónverska þjóð, til hamingju með nafnið ÞYRNIRÓS.

  Megi það skreyta skírnavottorð margra um alla ókomna tíð.

  Góðar sumarstundir.

 


mbl.is Nafnið Þyrnirós samþykkt
Tilkynna um óviðeigandi tengingu við frétt

Skemmtilega STÓRKOSTLEG skilaboð.

 Frændsystkin, Bára, Aron og Siggi. Húsfreyja hafði fengið póst.

  Merktur áberandi rauðu "upphrópunarmerki".

  Húsfreyja fékk nettan stresshroll.

  Hann var frá ...segjum félagsþjónustunni "Skafgarði", svo alls velsæmis sé gætt.Cool

  Þar grannvaxinn maður með hornspangargleraugu og oddhvasst nef að senda mjög

  svo áríðandi tilkynningu.

  Hann var að bresta á í sumarfrí ekki seinna en kl.17:00 þann sama dag,

  og nú reið á að hann fengi öll uppgjörsblöðin.

  Húsfreyju rámaði í einhver eyðublöð sem hún hafði fyllt út snemma síðastliðið vor,

  þá hún leysti deildarstjóra tímabundið af.

  Síss!

  Það hafði verið hrikaleg tímafrekt "óhjúkrunarlegt" föndurdútl...

  breyta dagsetningum og leiðrétta krónutölu miðað við fjölda stunda per mánuð,

  sem öldungar höfðu fengið í þjónustu.Pinch

  Jaso.

  Deildarstjóri hafði ekkert sett húsfreyju neitt fyrir hvað þetta mál varðaði,

  þá hún hvarf á brott í sumarfrí að þessu sinni.

  Húsfreyja bjallaði í deildarstjóra.

  "Ég redda þessu á mánudaginn þegar ég kem úr fríi, hlýtur að duga" var svar stjóra.

  "Sendu honum ímeil, og spurðu hvort það sé ekki í lagi"......

  Stutt þögn.

  Síðan:

  ...."Heyrðu, er þetta hann Jakob Sólmar sem sendi þér póstinn"?

  Húsfreyja játti því.

  "Hann verður nú kannski ekki par hress, að bíða fram á mánudag...

   en þú sérð það á póstinum frá honum.  Stafastærðin verður sífellt stærri

  og upphrópunarmerkin fleiriWhistling..... en reyndu samt".

  Húsfreyja kvaddi deildarstjóra, og snaraði sér í að senda "Skafgarðsherranum"

  ímeil.

  Svarið kom þremur sekúndum seinna.  Stafastærðin komin úr 10 í 14,

  upphafsstafir og upphrópunarmerki.Halo

  ENGINN gat tekið við þessu uppgjöri næsta

  mánudag, því hver einasti "uppgjörskjaftur" var þá

  farinn í sumarfrí.

  Póstarnir urðu 7 í allt frá herranum....skilaboðin

  skýr, skoriðnorð og umfram allt STÓR!Tounge

  UPPGJÖRSPAPPÍRANA, gjörðu svo vel,

  í póst til hans STRAX!

  Húsfreyja sá sitt óvænna, gróf og gramsaði í minni sínu og rámaði loks

  nóg í málið til að byrja að yfirfara tíma, tölur og dagsetningar

  og senda hinum háæruverðuga Skafgarðsherra, af auðmýkt, andakt, lítillæti

  og þrælslegri undirgefni....húsfreyja hreinlega getur ekki minnkað stafastærðina meiraTounge.

  Sat klukkutíma fram yfir vanalegan vinnutíma, húsfreyja og náði að komast

  eina yfirferð yfir allt krónubókhaldið og senda.

  Sjálfsagt gert einhverjar hrikalega meinlegar villur, enda húsfreyja

  orðin löðursveitt af "upphrópunarkvíða", "stóraletursangist" og

  mögnuðum "mánudagstímaskorti"Errm.

  Hafði náð að fara tvisvar yfir um vorið þá hún bókhaldaðist

  fyrsta sinni, en því náði hún ekki þetta sinn.

  Verður húsfreyja að biðja auðmjúklega forláts, hafi henni orðið á

  hroðaleg mistök, og hún "vanrukkað" um lágmark 8 milljarðaWhistling,

  eða verra, smurt heilum þúsundkalli ofan á bókhaldið

  hjá einhverjum öldungnum.Tounge

  Gerði sitt besta, húsfreyja, og snör handtök hafði hún, ekki spurning.

  Átti síðan húsfreyja von á mergjuðu þakklætisbréfi í nú vikulokin

  frá Skafgarðsherranum, með SKRAUTRITUÐUM HÁSTÖFUM,

  FJÓRTÁN UPPHRÓPUNARMERKJUM OG AÐ MINNSTA

  KOSTI EINU MYLJANDI FLOTTU "HALLELÚJA"!!!!Devil

  En Skafgarðsherrann hinn nefmjói klikkaði alvegGetLost.

  Sendi ekki svo mikið sem eitt SVEI, ÞÉR!!Grin

  O, jæja.

  Húsfreyja lifir vanþakklætið af.... "Ég á líf, ég á líf...LoL".

  Gaman að þessu.

 Húsfreyja í miðri mikilli vinnulotu, og fer um víðan völl í störfum sínum.

  Gefur sér kannski tíma til að sinna "sínu bókhaldi" þá hún kemst

  í frí.Whistling

  Góðar stundir, og gangi ykkur vel með heimilisbókhaldiðDevil.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband