Vanvirk grjótmulningsvél!

  Það var fimmtudagur.

  Húsfreyja var kominn á fætur

  um hánótt, grútmygluð af syfju

  og utan við sig og á ská.

  Var eiginlega meira að pæla í

  því afhverju annar inniskórinn

  hennar var í svona furðulegri stellingu

  "á grúfu" fyrir neðan rúmstokkinn,

  heldur en því hvað hún sjálf var eiginlega

  að vilja upp á dekk, "vakandi" á þessum

  líka óguðlega tímanum.

  "Ætlarðu ekki að klæða þig"?, bóndi

  húsfreyju, þegar klæddur og að raka yfir

  skeggbroddana.

  Húsfreyja gjóaði pírðum augum á úrið sitt,

  "03:45"!

  Þetta meikaði engan sens, ennþá hjá húsfreyju.

  "Var kannski kviknað í húsinu".....?

  "Nah, þá væri bóndi ekki að raka sig í friðsemd,

  heldur æddi um eins og naut í ati á Spáni".

  Húsfreyja leitaði dauðaleit í "skjalkirtilsvanvirku"

  heilabúi sínu....smá ljósglæta....ferðalag.....Prag!

  "Uuuu...Jummmm" umlaði húsfreyja.  Snérist í

  nokkra hringi við rúmstokkinn...ferðafötin hvar?...

  ....sokkar, jú....engin peysa....afhverju var

  inniskórinn svona dapur?......

  Bóndi aftur í dyrunum, horfði á skopparakringlutilburði

  konu sinnar...."Ertu ekki búin að taka pilluna þína"?

  Rasandi spurnarsvipur húsfreyju kom upp um hana.

  "HVAÐA pillu"??.

  Bóndi dæsti af óþolinmæði..."þessari við lata

  skjaldkirtlinum, sem þú ert nýbyrjuð að taka"!

  "Sjíss", heilabú húsfreyju náði loks RÆSINGU, og

  hún tölti fram með hraði á einum sokk, svörtum síðbuxum

  og brjóstahaldara.

  PILLAN!

  Tengdó lágu sofandi í svefnsófanum frammi,

  barnapíur sjö ára djásnsins.

  Húsfreyja skellti í sig pilludótinu, og gretti

  sig ægilega.

  Svaðalegt að vera fara til útlanda utangátta

  og hálf tæp í minninu vegna vanvirks skjaldkirtils.

  "Á eftir að gleyma öllu, og týna öllu í ferðinni og

  slútta svo ferðinni með því að vaða beina leið

  í veg fyrir strætó á fullri ferð", húsfreyja var

  sótsvört af hrikalegum stórslysaspádómum

  um sjálfa sig og eigin getu.

  "Hmmmm...fyrsta skref að klára að dressa sig

  upp", húsfreyja skellti sér í skipulagsgírinn.

  "Kona á brjóstahaldara og einum sokk gleymdi

   vegabréfi heima og týndi flugmiða og farangri

   í Leifsstöð, ÁÐUR en hún komst út í flugvél til Prag"

  verður annars á forsíðu málgagnsins á morgun,

   hugsaði húsfreyja og glotti.

  Svo var að muna eftir djö....pilludraslinu sem

  læknir hafði skrifað upp á fyrir húsfreyju, ef

  svo illa lukkaðist til að hún fengi eitt herlegt

  nýrnasteinakast í miðjum göngutúr um gamla

  bæinn í Prag.

  "Ja, svei"!

  "Vanvirk grjótmulningsvél á flugi í háloftunum

  yfir litla Fróni"  verður svo fyrirsögnin á ferðasögunni,

  hugsaði húsfreyja.  -DÆS-

  Merkilegt nokk, húsfreyja KOMST til Prag, með allt

  sitt hafurtask, pilludótarí, bónda og bara nokkuð

  sómasamlega klædd.

  "Það er nú bara mér og pillunni að þakka" læddi

  bóndi út úr sér.

  O jæja.  Húsfreyja gekk altént undir sjálfri sér,

  kunni að tékka sig inn ennþá, rataði á "geitið"

 út í flugvél og mundi að Prag er í Tékklandi.

  Það er allnokkuð, pilla eða ekki pilla.

  En nóg í bili, ferðasagan næst.

 

 

 

 

 

Athugasemdir

[Solla Guðjóns, 1.10.2008 kl. 13:43]

ahhha Sigga sigga !!!

Ég hef fengið vísbendingu um að þú sért komin heim ..........hvað sem öðru líður.

[Sigríður Sigurðardóttir, 3.10.2008 kl. 18:41]

Knús á þig vinkona.