Þetta er tapaður leikur!

  Bóndi húsfreyju sótsvartur af neikvæðni.

  Húsfreyja var að "hlusta" á leikinn í sjónvarpinu.

  Þorir aldrei að horfa, því viðkvæmt taugakerfi

  hennar nötrar og skelfur sem í Suðurlandsskjálfta

  væri, bara við það að hlusta.

  "Áhorf á handknattleiki", eru ávísun á 3 mánaða

  hvíld á taugadeild þegar húsfreyja er annars vegar.

  Svo hún "HLUSTAR", og þvílík spenna.

  "Nei, nei, þeir eru ekki búnir að gefast upp, strákarnir".

  Húsfreyja bjartari í jákvæðninni en sólin á skýlausum

  morgni.

  "Nei, þetta er ömurlegt hjá þeim, og þeir eru búnir

  að tapa þessu", svartnætti með lágskýjum og

  tunglmyrkva hjá bónda.

  "Leikurinn ekki búinn enn, og það er hlaupin þrjóska

  í strákana.  Þeir gefast aldrei upp fyrst svo er komið...

  Ááááfram Ísland" veinar húsfreyja, þegar strákunum

  tekst að skora.

  "Þú sérð ekki hvað þeir eru lélegir, ert ekki að horfa",

  hreitir bóndi sótsvartur út úr sér, svartari en malbik

  á þjóðvegi eitt, á tunglausri nótt við Mýrdalssand.

  "En ég HEYRI", húsfreyja er að fara á límingunum

   af spenningi.

  Og auðvitað standa strákarnir sig.

  Yeeesss!  Yeeessss!  YESSSSSSS!

  "Þeir voru heppnir að tapa ekki, hinir voru miklu

  betri", svartnættinu heldur að létta hjá bónda, en

  ennþá vottur af grámygluþoku hér og þar.

  Húsfreyja varla heyrir þetta síðasta.

  Stígur trylltan stríðsdans á stofugólfinu..yess,yess.

  Kötturinn bjargar sér skelfingu lostinn undir sófa....

  ..."tvífætta skinnlausa dýrið", sem stundum man eftir

  því að gefa henni að éta, búið að tapa sér"!

  "Svaðalegt"!

  Nú er húsfreyja að reyna að safna kjarki í það,

  að kannski "gjóa augunum" svona af og til á

  næsta leik "strákanna okkar"!

  Oooooo..... alveg yrði það frábært ef þeir kæmust

  á verðlaunapall.  YESSSS!  ALGERLEGA KÚL!

  "Þeir klikka alltaf í mikilvægustu leikjunum".......

  ....BLAH, húsfreyja hlustar ekki á óveðurspár,

  tunglmyrkva og svartnættisþokutal bónda.

  Ísland er BEST....ÁFRAM ÍSLAND!

 

Ísland í undanúrslit á ÓL

Athugasemdir

[Sigrún Óskars, 20.8.2008 kl. 14:13]

það verða einhverjar skurðhjúkkur með þér á taugadeildinni eftir leikinn í morgun, þvílíkur spenningur. Einhvernvegin nær þessi spenna ekki til mín, jú jú voða gaman ef þeir vinna - annars bara...........

Heyrðu, ein hugmynd fyrir tækjakaup heimilisins (þ.e.a.s. ef imbinn gefur sig) - skrifa bók, þú ert svo asskoti góður penni.

[Sigríður Sigurðardóttir, 21.8.2008 kl. 11:15]

  Sigrún, þá höldum við svaðalegt "hjúkkupartý" á taugadeildinni...og skálum fyrir kauphækkun í "Largactyl-djús".

  Hmmmmm.... þetta er bísna góð hugmynd, með bókina.  Kannski ég taki mér bara ársfrí frá störfum og riti eina mergjað bók um "glæsileika og tign" his íslenska heilbrigðiskerfisnsíðustu 25 árin. Heitið á bókinni?  Að sjálfsögðu, "Stóri NIÐURSKURÐURINN".

[Sigrún Óskars, 21.8.2008 kl. 20:07]

Ég mæti í partýið