Sjónvarpsstríðið.

  Á heimili húsfreyju geisar nú stríð.

  Eftir að "hinn eini sanni Latibær" íþróttaálfsins

  flutti á Stöð 2, upphófust mikla umræður á

  heimilinu.

  Þeirri stuttu var mikið niðri fyrir..."oooooooooooo",

  ..."oooooooooo"....."oooo...get ég þá ALDREI horft á

  Latabæ aftur..ooooooooo..."!

  Bóndinn á bænum var óvenju jákvæður að fá stöðina,

  ...meira af íþróttum og "Dagvaktin" heillar.

  Húsfreyju var nokk sama, enda hefur hún ekki horft á

  sjónvarp af neinu ráði síðustu 12 árin, og gerir sér

  engar grillur um að horfa á það næstu 10 árin....eða

  20.....eða whatever.

  Svo auðvitað var húsfreyja sett í það að versla inn

  "Latarbæjarstöðina", á sínu Visa-korti.

  Afruglari sóttur, og ruglið hófst fyrir alvöru.

  Örbylgjuloftnet úti...fá mann til að tengja.....18 þúsund

  kall.

  Einhver helv.... haugur af "frístöðvum ásamt 2+, og bíó

  fylgdi.

  Nú er minn maður takkaóður "flikkflakkari" á fjarstýringum,

  sem flikkar á milli stöðva á 2 mínúta fresti, svo hann nái

  áreiðanlega, pottþétt og örugglega

  "1/10" af ÖLLUM dagskrárliðum, en sú stutta vill horfa á

  barnaefni, MEIRA barnaefni og ENN MEIRA BARNAEFNI...

  ..."í FRIÐI, PABBI"!!

  Svo nú er RIFIST á heimili húsfreyju um sjónvarpið, og

  ÞRASAÐ og KARPAÐ.

  Húsfreyja er hinsvegar orðin bísna flink að gaufast í kapli í

  kompjúternum, lætur "Spider 4 sortir" ganga upp í 3 hvert skipti.

  Og enn stefnir allt í ófremdarástand, enn og aftur.

  Gamli imbinn orðinn lélegur...líklega að bræða úr sér á

  öllu flikkflakkinu, svo bóndi vill nýjan...flatskjá 34-44 tomma...

  190 þúsund kall á Visa-rað húsfreyju, og sú stutta

  þarf sitt eigið með innbyggðum DVD, svo hún geti haft

  sitt barnanefni í friði.

  Visakort húsfreyju er eitthvað orðið "bráðið" á börmum,

  líkt og það hafi lent í síðasta Heklugosi, og við henni gín

  hrikalegur gígur blankheitanna næstu mánuði.

  Hmmmmm....!  Ætli að hægt sé að keppa til fjár í

  Spiderkaplalögnum?

  Húsfreyja myndi "rústa" slíkri keppni.

Athugasemdir

[Sigrún Óskars, 20.8.2008 kl. 14:08]

Bóndinn á bænum hefur kíkt í launaumslag húsfreyju og séð alla kauphækkunina sem við fengum  

[Sigríður Sigurðardóttir, 21.8.2008 kl. 11:09]

  Aha, gæti trúað því, Sigrún.  ALLA launahækkunina.