Hana! Bullandi dodo.

  Hér á litla Fróni þrösum við um hvernig ber að hjálpa vændiskonum.  Hvort eingöngu beri að hjálpa þeim sem hafa verið seldar mansali í vændi, eða hvort við eigum að reyna að bjarga hinum líka.  Það er konunum sem eru í vændi af fúsum og frjálsum vilja, til að græða peninga.  Hvort sem það er nú er til að fjármagna heimili, börn eða eigin neyslu.  Eða hafa bara svona mikinn áhuga á því að gera "dodo".  En þessar sem stunda þetta af fúsum og frjálsum vilja, hafa eitt sameiginlegt með hinum óviljugu.  Þær vilja ekki lenda í perrunum og ofbeldisfullu körlunum.  En í þessum bransa er því miður ekkert tryggt, og því lenda þær "viljugu" iðulega í sömu stöðu og þær í vændisþrælkuninni.  Sundurlamdar og lúbarðar, ef þá ekki í kirkjugarðinum.  Svo hvernig hjálpum við þessum vændiskonum "rétt"?  Hvernig greinum við þær "viljugu" frá hinum "óviljugu"?  Störf beggja auglýst á netinu.  Sama vinnulýsing.  Og konurnar klæddar á svipaðan máta í æsandi fatnað.  Þeim í þrælkuninni uppálagt að segjast "vilja og þrá" þetta starf, svo engan mun er að sjá á yfirborðinu.  Svo þrælahaldið þrífst brilliant vel í skjóli þess, að allar ef ekki flestar konurnar séu í þessu starfi af fúsum og frjálsum vilja.  Jamm, stundum er erfitt að hjálpa nauðstöddum.

  Í Hollandi er hinsvegar mega stuð í almenningsgörðunum.  Nú mega allir þeir er af "rúmþreytu" þjást, skella sér í almenningsgarðinn að gera "dodo".  Vera þar á fullu upp við tré, innan um hálfétnar pylsur, plastflöskur og hundaskít.  Rómó.  Innan um konur, karla, róna, eiturlyfjaneytendur, skokkara, ferðamenn, unglinga á djammi og alla aðra er um garðana eiga erindi.  Enn meira rómó!  Bara muna.  Þú verður að hafa hundinn þinn í bandi á meðan!  Það er eitthvað svo "órómantískt og truflandi" að hafa hundkvikindið laust, rétt á meðan þú gerir "dodo"!

  Á meðan er Kaninn í mesta basli með ungu stúlkurnar sínar.  Ein af hverjum fjórum táningsstúlkum með kynsjúkdóm.  Allt vaðandi í vörtuveiru sem getur valdið leghálskrabbameini.  Smokkurinn virðist ekkert vera að virka hjá Könunum, og allt í tjóni hjá táningunum.  Næsta víst að síðasta forsetaverk "Georgs Runna" verði að banna allt "dodo" hjá ungu fólki undir 25 ára aldri (nema kannski við hátíðleg tækifæri í "almenningsgörðum") að viðlögðum ströngum sektum!  Mætti skoða það, að skikka ungt fólk er staðið er að ólöglegu dodo, til að þrífa alla almenningsgarða í borgum þar vestra ásamt almenningssalernum og halda hreinum.  Nei, bara svona pæling.

Kynsjúkdómar útbreiddir meðal táningsstúlkna í Bandaríkjunum

Athugasemdir

[halkatla, 12.3.2008 kl. 18:32]

flottur pistill   

[Sigríður Sigurðardóttir, 12.3.2008 kl. 19:17]

Takk fyrir það, Anna.

[Kristín Henný Moritz, 12.3.2008 kl. 22:44]

Ó væri þetta ekki kósý ef þetta tíðkaðist í Hljómskálagarðinum... bara live nudity eftir að hafa gefið öndunum brauð! Ég held samt ekki, frekar svona alls ekki!

[Sigríður Sigurðardóttir, 13.3.2008 kl. 16:45]

  (Báran að bulla hér að ofan, sorry.)

    Ó nei, ekki kósý.  Meira svona "get aldrei litið það að gefa öndunum brauð, réttum augum aftur-fílingur"!!