Tvíeggjað framhjáhald.

  Dauðadæmt hjónaband.  Framhjáhald sannað á báða aðila.  Karlinn að eyða aukaaurunum, sem konan vann fyrir með vændi, á hóruhúsi.  Skák og mát.

  Í Malmö eru svo fréttir að berast af afskornum hælum og pungum, á meðan ber brjóst á Fróni, og brennivínsdrykkja um endaþarm úti í henni Ameríku, skreyta blöðin hér heima.  Stundum held ég að mannkyn sé á beinni leið til helvítis vitsmunalega, eða þá að ég hafi fengið "massíva martröð" um nótt, og hreinlega ekki tekist að vakna upp af henni!  Hrikalegt. 

  Afi minn sálugi sagði stundum, þegar gigtin herjaði á hann, og niðdimmt svartnættið virtist engan endi ætla að taka á veturna, úti í Eyjum:  "Bölvaðar, bévítans fréttirnar geta verið mannskemmandi"!  Nokkuð til í því, hjá afa.  Honum var bjartsýnin í blóð borin, og fóru oft niðurdrepandi fréttir af heimsku og mannvonsku illa í hann.  En ég fann smá speki, sem hefði hentað afa mun betur, en fréttirnar þessa dagana.

        Það er skylda okkar að þroska

        skapgerðina.....

        Dýrlegasta meistaraverkið er að

        lifa lífinu við hæfi.

        Allt annað.

        Að stjórna,

        Að safna auði,

        Að byggja,

        er ekki annað en ábót og skraut.

                                      (Michel de Montaigne 1533-1592)

Hitti konuna í vændishúsi

Athugasemdir

[Heiður Helgadóttir, 12.1.2008 kl. 20:44]

Ekki veit ég hvort að hár aldur minn veldur því að mér finnst við mannskepnurnar vera ornar stórbilaðar margar hverjar. Ég er hætt að verða hissa á nokkru, og æsifréttir blaðanna er ég eiginlega hætt að nenna að lesa, allt var betra fyrr, allt var heiðarlegra þá, almennileg slagsmál ef að svo bar undir, í dag ertu stunginn niður með hníf uss

[Sigríður Sigurðardóttir, 12.1.2008 kl. 21:40]

  Eigum við ekki að segja "Á besta aldri og vel þroskaðar" Heidi!

[Solla Guðjóns, 14.1.2008 kl. 21:26]

Hjákátlegur andsk............

Jú fréttafluttningur sýnir það svo ekki verur um villst að allt er á hraðleið í hitann mikla.Nema að fréttafluttningur sé stór ýktur og afskræmdur.

Ég er eins og afi þinn,svona fréttir koma mér bara í vont skap.........

[Sigríður Sigurðardóttir, 15.1.2008 kl. 20:14]

  Já, Sollan mín.  Maður verður rasandi af svona lestri.