Þessu myndi ég aldrei nenna...

...að vera í arga fílu í umferðinni.   Ég og sú stutta erum yfirleitt með "Latabæjarútvarpið" í botni og syngjum hástöfum með.  Og hvernig sem menn svína á okkur og beygja í veg fyrir okkur, þvers og krus, flauta og negla niður rétt fyrir framan okkar herlega bíl, glottum við bara út í annað, og syngjum hærra með útvarpinu.  Vorum reyndar með Bylgjuna á í dag, því þeir spiluðu eingöngu íslenska músík, og það var ekki síður skemmtilegt.  Vorum á föstudagsrúntinum að versla í matinn.  En á föstudögum splæsum við stundum sushi og McDonaldshammara, svona í vikulokin.

  Sá svo í málgagninu á netinu, að í henni Ameríku eru kýr farnar að "detta" af himnum ofan.  Og það framan á ökutæki.  Hættuleg "umferðarmenningin" í henni Ameríku, ekki spurning.  Tala ekki um þegar "himnafaðirinn" dúndrar kúm niður á ökumenn, sem honum sjálfsagt finnst slíkt eiga skilið.  Nei, í alvöru makalaus frétt, og gott að fólk slasaðist ekki.  Verst með vesalings niðurdottnu "Búkollu" þeirra, þarna fyrir vestan.

Skapstyggir ökumenn grípa til ýmissa ráða

Athugasemdir

[Huld S. Ringsted, 9.11.2007 kl. 23:05]

Það þýðir ekkert annað en að reyna að brosa í umferðinni, sérstaklega í Reykjavík þar sem þetta er bara klikkun á götunum

[Sigríður Sigurðardóttir, 9.11.2007 kl. 23:21]

  Rétt Huld mín, að brosa er málið.  En þeir eru orðnir æði margir sem eru að fara á tauginni í umferðinni hér í borg, og liggur lífið á.  "Mamma, bílar eru hættulegir" sagði sú stutta í sinni djúpu sex ára speki, um daginn.  "Já, það segirðu satt" svaraði múttan.  "Og maður getur slasast eða dáið í bílslysum, mamma"!  "Það held ég nú", svaraði mútta aftur.  "En við ætlum að fara varlega, mamma, í dag".  "Við getum bara dáið og flutt í "Sumarlandið" til afa SEINNA"!  Veit að "afinn" (pabbi sálugi) er alveg sáttur þó einhver bið verður á að við litla manneskjan, látum sjá okkur í "handanheimunum, ergo Sumarlandinu".  Þó ég viti stundum ekki hvaðan þessar dásamlegu "sex-ára-pælingar" koma, en gaman er að þeim!

[halkatla, 10.11.2007 kl. 14:26]

já ég vorkenni aumingja kusu

[Sigríður Sigurðardóttir, 10.11.2007 kl. 16:48]

  Já, það fór illa fyrir henni, blessaðri.  En kýr hafa aldrei góðir fjallagarpar verið, og ættu sem minnst að dóla sér við slútandi hamrabelti og kletta.

[Solla Guðjóns, 12.11.2007 kl. 16:48]

Ég er nú viss um að þeir einstaklinar sem haga sér svona eins og segir í greininni hagi sér allment svona.....vantar allt siðferði.........

[Sigríður Sigurðardóttir, 13.11.2007 kl. 15:17]

  Jamm, eitthvað er mikið að, Sollan mín, hjá þeim.  Og grunar mig að þeir þyrftu eitthvað að taka til í "sálarkistu" sinni!