Furðuleg hugsun hjá foreldrum.

  Klína lítil falleg börn út í meiki, varalit, glossi, augnskugga og hverju ekki, er bara ógeðslegt.  Á litla flotta 6 ára stelpu sjálf, og mér dytti aldrei í hug að "nota" barnið mitt svona.  Hvað eru foreldrar barnanna að pæla?  Og svo laða þessar furðusýningar óbermi eins og barnaníðinga að.  Brrrrrrrr.. ég fæ hroll.  Vona að við tökum aldrei upp svona rugli hér á landi.

  Vorum annars í stórskemmtilegri ferð, ég og sú stutta, með eldri borgurum af deildinni minni.  Fórum á Reykjanesið og drukkum kaffi á Byggðasafninu á Garðskaga.  Þar á safninu er margt gamalt og merkilegt að sjá, og einn gamall sjóari, svolítið utan við sig, var fljótur að koma auga á fallega skútu undir fullum seglum.  Hann gekk að henni, strauk viðinn og sagði að þetta væri vel "sjósett skip".  Og greip svo tækifærið og "meig í saltan sjó".  En safnverðir tóku þessu á besta máta, vætan þurrkuð upp með hraði, og við gættum þess að vera ekkert að leiðrétta gamla sjóarann, með "staðsetninguna á skútunni".  Hann alsæll.

  Erum svo á leið út í Eyjar á morgun, ég og litla manneskjan.  Karlinn verður að vinna.  Ætlum að hittast allar systurnar með "skæruliðana" 7.  Svo hér er "þjóðsöngur" Eyjanna:

                                 Yndislega eyjan mín,

                                 ó, hve þú ert morgunfögur.

                                 Úðaslæðan óðum dvín,

                                 eins og spegill hafið skín,

                                 yfir blessuð björgin þín

                                 breiðir sólin geislakögur.

                                 Yndislega eyjan mín,

                                 ó, hve þú ert morgunfögur.

Góðgerðastofnun varar við fegurðarsamkeppnum barna

Athugasemdir

[Guðrún B. (IP-tala skráð) 25.7.2007 kl. 21:23]

Æ þeir eru voðalegir ljúflingar þarna á safninu. Það er ekki hægt að segja annað.  Fenguð þið ekki fallegann dag ?

[Sigríður Sigurðardóttir, 25.7.2007 kl. 21:29]

  Jú, alveg frábæran!  Allur fjallahringurinn blasti við, nema Snæfellsjökull sem var í "fýlu"!

[Kristín Henný Moritz, 27.7.2007 kl. 13:42]

Þrátt fyrir það að Eyjarnar laði mig alltaf til sín er ég nokkuð fegin að vera ekki að fara með ykkur um helgina! Öll þessi börn! En ég fer um verslunarmannahelgina með honum Heimi mínum... hey, Marinó sagði Heimir í morgun, eða reyndar "Heiiiiimi"! Svo ég held ég láti eitt barn nægja mér um helgina.