Skattpíndir...

  ...blessaðir Baunarnir!

  Má þá ekki bara bjóða þeim að flytja

  í "skatta-paradísina" hér uppi á litla Fróni,

  þar sem kreppu er "opinberlega lokið"! 

  Svo segja "alþjóðasnillarnir"...ekki ljúga þeir!

  Allt í lukkunnar velstandi og vellystingum,

  Frónbúar lausir við vinnustress, enda fjölmargir atvinnulausir

  og engar áhyggjur af þrúgandi fasteignagjöldum...eiga engar

  fasteignir lengur...hamingjusamasta þjóð í heimi...svoleiðis

  allt í blússandi frónverskum PLÚS...

  nema hjá frónverskum bönkum sem eru

  á leiðinni beint til helvítis, eftir að myntkörfulán voru

  ólögleg gjör

  Það segir Gylfi!

  Ekki lýgur hann frekar en Mogginn og Dabbinn!

  En Baunarnir geta bara lagt aurana sína inn

  í banka háæruveðugs dansks kóng eftir sem áður,

  þó þeir finni sér starf sem "vellaunaðir" skúrarar

  eða jafnvel sem bankastarfsmenn hér uppi á Fróni!

  Komið út í bullandi gróða.

  Máske jafnvel skellt sér í að "fjárfesta" í frónverskum bönkum!

  Glatt Gylfa!

  Og ef það dugir ekki til að gleðja Gylfa...þá "sveiattann"!

  Jamm!

  Stakkels bönnerne!

  Eiga vart afgang fyrir öllara í lok vinnudags, þá

  búið er að "kvelja af" þeim skattinn.

  Eitthvað annað en margur hér uppi á "kreppulausu" Fróni,

  sem er "frjálst"  að eyða þeim litlu aurum sem

  hann á eftir, í heila kippu í lok mánaðar,

  eftir að hann varð heimilislaus, atvinnulaus og

  myntkörfulánslaus!

  Góðar stundir á kreppulausu Fróni og njótið  "myntkörufulánslausa" sumarsins í botn.

Danir borga mestu skattana

Athugasemdir

[nonni (IP-tala skráð) 29.6.2010 kl. 18:22]

Sú sæla á ekki eftir að endast lengi enda við með fólk við völd sem lærði í AUSTUR BERLIN!!!! Við höfum ekki séð neitt í skattahækkunum ennþá og þeir munu líta til þessara landa og kremja okkur með köldu krumlunni sinni.

[Sigríður Sigurðardóttir, 29.6.2010 kl. 18:27]

  Jamm, við erum ekki búin að sjá fyrir endan á kreppu enn, Nonni, enda ekkisens stjórnarkrísa í gangi frá hruni.  Og enginn virðist vita hvernig best sé að vinna sig út úr málunum...og allir flokkar sama marki brenndir...búnir að skíta upp á bak...enda kusu borgarbúar "grínara" til að stjórna borginni!

[Arnar Geir Kárason (IP-tala skráð) 29.6.2010 kl. 18:33]

Danir hafa það þónokkuð mikið betra en við.

Þeim stendur til boða húsnæðislán á lægri vöxtum en hér óverðtryggð.

Foreldrar sem fæða ný börn þar fá frystingu á öllum lánum í 1-2 ár man ekki hvort og safnar þá skuldin ekki vöxtum og þeir hafa meiri peninga til að búa barninu heimili og aðstöðu.

Eftir að hafa greitt skatta og alla sína reikninga þá er töluvert meiri afgangur af ráðstöfunartekjum fólks þar heldur en hérlendis.

[Sigríður Sigurðardóttir, 29.6.2010 kl. 18:42]

  Efast ekki um það að Danir séu TÖLUVERT mikið betur settir en við, Arnar...en ég var nú mest í pstli þessum að fá útrás fyrir kaldhæðni mína og meinfýsi þessa síðustu "kreppulausu" og "myntkörfullánslausu" daga...hehehe!

[Gunnar Gunnarsson (IP-tala skráð) 29.6.2010 kl. 19:05]

Ég er búinn að búa í Danmörku í 17 ár og það er rétt að hér eru skattar háir. En það kemur ýmislegt á móti, Frítt til læknis, frítt á sjúkrahús, frítt nám, húsnæðisvextir núna eru td. 1,2 - 4 % óverðtryggt. En þetta sem Arnar Geir segir um frystingu lána passar ekki.Það er ekkert slíkt í boði. Hins vegar geta allir tekið lán og frestað afborgunum í nokkur ár en verða að greiða vexti á þeim tíma. Það sem einnig stuðlar að háum sköttum er td. að aðrir norðurlandabúar geta stundað hér nám á sömu kjörum og Danir, þ.e.a.s. frítt og það nýta sér ca. 5000 Íslendingar á ári. Þessir aðilar koma að sjálfsögðu með fjármagn inn í Danskt þjóðfélag en stunda samt sem áður nám greitt með Dönsku skattfé. Ég er mjög sáttur við að búa hérna og ef maður er ekki sáttur við það þjóðfélag sem maður býr í er ekkert annað en að flytja eitthvert annað..............

[Sigríður Sigurðardóttir, 29.6.2010 kl. 19:30]

  Þakka þér þetta, Gunnar.  Var fróðlegt.  Hef aldrei búið sjálf í Danmörku, en sótt þá heim í nokkur skipti.  Virkilega góð upplifun fyrir mína parta að heimsækja danina, og aldrei mætt neinu nema vinsemd....en svo eigum við auðvitað magnaða sögu að baki með þeim blessuðum!

[Promotor Fidei, 29.6.2010 kl. 20:03]

Eitthvað eru þetta undarlegar tölur

Ef ég man rétt var skattheimta íslenska ríkisins og sveitarfélganna yfir 50% af þjóðarframleiðslu hér í góðærinu, og er síst minni núna.

Leyfi ég mér að halda fram að engin þjóð sé jafn skattpínd og sú íslenska, og sömuleiðis að hvergi fái fólk jafnlítið fyrir skattpengingana sína og hér.

[Sigríður Sigurðardóttir, 29.6.2010 kl. 21:23]

  Þetta er mín tilfinnign líka PF, að við séum með skattpíndustum þjóðum.  Hef reyndar ekki mikið vit á þessum tölum, en hef notið þeirrar vafasömu ánægju að þurfa að eiga samskipti við "skattmann" Frónbúa þegar endurskoðandinn minn skilaði ekki inn minni skattaskýrslu á réttum tíma.  Er enn að jafna mig eftir "grimmdarhegninguna" sem ég mátti greiða fyrir skýrsluskortinn!

[Óskar Guðmundsson (IP-tala skráð) 29.6.2010 kl. 21:46]

Auk þess að hafa það sama og við hafa Danir líka t.d.

Her.

Samgöngukerfi... sem virkar.

Þar á meðal umfangsmikil lestakerfi (regional, IC og Metro)

Auk þessa hafa danir einnig:

Alvöru verkalýðshreyfingu.

Gríðargott atvinnubótakerfi.

Skólastyrki til almennings. (bæði í almennt nám endurnám og starfsþjálfun/endurmenntun)

Á móti háum tekjuskatti kemur síðan m.a.

Ódýrar samgöngur

Samkeppni (raunveruleg)

Lægra vöruverð.

Margir tala t.d. um frjálsræði í umgengni með "klám" og áfengi ,sem hér á landi er álitið stórhættulegt og þjóðfélags-og andlega spillandi, en án þess að þeir hljóti af því varanlegan skaða.

Danmörk er einnig mun betra í stuðningi undir barnafjölskyldur en ekki sundrandi eins og hér.

Hér í Íslandi skiptir meira máli að smkynhneigðir geti gift sig í kirkju sem í raun firirlítur þau en að styrkja stoðir þjóðfélagsins með því að halda utanum kjarnan í öllu, fjölskylduna!

N.b. ég veit hvað ég tala um. Ég hef búið í DK og þar býr stærstur hluti minnar fjölskyldu í dag og unir hag sínum betur en nokkrusinni hér "heima"...

[Fair Play (IP-tala skráð) 30.6.2010 kl. 05:16]

I know the difference between UK and Iceland..........UK is a much better place to be for anyone over 60 compared to Iceland (as long as you are a british subject) Free medication, free travel pass, a state pension that is tax free, no matter what you have in the bank or what you have saved in a pension. Wage tax in UK starts at 19 % ! (36% in Iceland..) I lived and worked in Iceland for years and listened to the Icelandic propaganda thinking I was really well off.It wasn´t untill I went back to the UK that I realised that it was not true...Glad to be back home...

[Kolbrún Ævarsdóttir (IP-tala skráð) 30.6.2010 kl. 06:53]

Hvað er innifalið í sköttum landsmanna?

Það gleymist alveg að geta þess í fréttinni hvað er innifalið í dönskum sköttum..T.d frí heilbrigðisþjónusta fyrir alla, frí tannlæknaþjónusta og tannréttingar fyrir börn upp að 18 ára aldri og 18-25 ára ungmenni fá niðurgreidda tannlæknaþjónustu. Leikskóla og skólagæslu gjöld eru tekjutengd þannig að námsfólk og þeir ...lægst launuðu fá frípláss fyrir börnin sín...Get haldið lengi áfram og svo gleymist alltaf að geta þess, þegar talað er um þessa blessuðu matarkörfu, að verkamannalaun í danmörku eru 128 dkr á tímann sem eru 2688 ísl, svo hlutfall launa sem nota þarf í heimilis innkaup er mikið lægra í Danmörku enn á Íslandi!!!

[Sigríður Sigurðardóttir, 30.6.2010 kl. 16:55]

  Þakka ykkur herramenn fyrir góða punkta og fróðleik um Danmörku og fleiri lönd.  Óskar, mikið öfunda ég Dani af lestum þeirra og góðu menntakerfi,  hef alltaf heyrt hvoru tveggja hrósað í Danaveldi og tel að frændur vorir geri þar góða hluti...altént mun betur en við hér upp á Fróni.  Fair play, U:K is one of my favorite countries. Have visited your country more often than I can count.  I like your structure and common sense as well as your historic castles and beautiful countryside.  Live there.  No!  I think not.  Too many petty rules and rigidity.... when flexibility is needed you loose.  Find the british people overall nice and you have a great humour....aaa...maybe not Mister Brown...but all the others.

  Þakka þér kærlega Kolbrún fyrir þetta innlegg um heilbrigðisþjónustuna dönsku.  Vinn sjálf í henni hér heima og alltaf gott að heyra um hana í öðrum Skandinavískum löndum.  Frábært að heyra þetta um tannlæknaþjónustuna dönsku, greinilegt að hér er margt maðkétið í okkar tannlæknaþjónustu, og ekki furða að foreldrar dragi það að fara með börn sín til tannlæknis!

  Þakka ykkur öllum kærlega fyrir innlitið og skoðanaskiptin!