Papa don't preach....

  ...söng hin ljóshærða,

  söngfagra en "lostafulla"

  Madonna hér um árið.

  Nú er sú ljóshærða búin

  að "æsa upp" katólskan

  kardinála í Chile, blessaðan

  öðlinginnn hann Jorge Medina.

  Samkvæmt viðkvæmum kardinála þessum,

  er Madonna búin að móðga "sjálfan" Guð

  almáttugan.

  Hún virðist greinilega hafa fundið "löngum týnt"

  heimilisfang almættisins, og drifið sig á

  stúfana að móðga þann æðsta all svaðalega.

  Og svo móðgaður er Guð, samkvæmt

  Medina, að allir íbúar Chile

  finna fyrir "mergjaðri" spennu, þá Madonnan

  mætir í þeirra heimaland að raula nokkur lög.

  Fá þá sjálfsagt allir Chilebúar í magann af stressi,

  með tilheyrandi fretum, "steinsmugu" og uppsölum.

  Ekki vært í messu hjá hinum ljúfa Medina, þar með,

  og messugestir hans flykkjast þá á tónleika

  Madonnunnar í staðinn til að "kvarta" fyrir hönd Guðs.

  Ja, sei sei, mikið mæðir á hinum góða Medina.

  Ekki nóg að aldavinur hans og "góðmenni", Pinochet

  einræðisherrann, sem talinn er hafa "auðveldað"

  3000 manns í Chile inngöngu í "himnaríki" hinna katólsku,

  sé farinn yfir móðuna miklu, þá þarf hann nú að

  standa í ströggli við almættið um "lostakvendið"

  hana Madonnu.

  Almættið vill sjálfsagt fá að vita, því þvílíku sóðakvendi

  og "argabletti á mannkyninu"

  sé hleypt inn í hið há rómversk-katólska Chile.

  Nei!  Ekkert grín þetta, að vera kardináli í Chile.

  En nú væri lag fyrir Ernie Chambers hin

  skapvitra öldungaþingmann þeirra

  Nebraskamanna í henni Ameríku, er

  reyndi að lögsækja almættið nú á dögunum,

  að koma að máli við Madonnu, og fá hjá henni

  "addressuna" hjá Guði.

  Því hann varð fyrir því bévítans óláni

  að máli hans gegn Guði var vísað frá,

  þar sem hann "fann ekki" heimilisfangið

  hjá þeim í æðsta.

  Góðar stundir.

 

 

 

Madonna sökuð um að móðga guð

Þessu þarf að kippa í liðinn.

  Og það strax!

  Það er lágmark að

  blessuð börnin okkar fái

  að borða.

  Þetta eru einstaklingarnir

  sem byggja munu upp

  framtíðarlandið, Ísland.

  Ofurskuldsett eður ei.

  Lágmark að grunnþörfum þeirra sé

  sinnt, og ríkið á að kippa þessu

  í liðinn STRAX!

  Finna úrræði og aðstoð fyrir fólk

  sem ekki á fyrir mat, skiptir engu hafi

  það enn sína láglaunuðu vinnu.

  Vinnan er oft ekki nóg, ef launin eru

  lág og hverfa jafn óðum í skuldahítirnar

  stóru, þak yfir höfuðið og eina bílinn.

  Húsfreyja skorar á ríkisstjórnina að

  opna fyrir aðstoð fyrir láglaunafólkið,

  sem getur ekki séð börnum sínum fyrir mat,

  STRAX!  NÚNA Í DAG!

Fólk á ekki fyrir mat

Nú er það SÚRT!

  "Þú ert ekki nógu SÚR"!

  Doktorinn var harðákveðinn.

  Nú á sko að láta húsfreyju

  kýla á það.

  Drekka!

  Drekka!

  Drekka!

  Og það gallsúran sítrónusafa!

  "Leysir upp oxalötin þín,og kemur í veg

  fyrir nýrnagrjótsframleiðslu", ekki hægt að

  hnika doktor.

  "Og borða kalk reglulega".

  Fékk svo húsfreyja tvær A-4 síður með löngum

  listum yfir það sem "alls ekki á að borða, eða

  lítið", og eina A-4 síðu með því sem "má" borða!

  Síðastnefndi listinn "mun styttri" en hinir, og nærri helmingur

  hans tekinn undir einar 20 tegundir af "jurtate",

  sem húsfreyju er óhætt að skólpa í sig.

  Kartöflur út.

  Gulrætur út.

  Rófur út.

  Heilhveitibrauð út.

  Allar baunir út.

  Kakó út.

  Laukur út.

  Döðlur út.

  Súkkulaði út.

  Soyjamjólk út.

  Krækiber, bláber, rabbabari og kiwi út.

  Appelsínur,sítrónur, hnetur og marmelaði út.

  Olivur út.

  Svartur pipar út.

  Bjór út (nema í gleri).

  Og svo einhver haugur af matarkyns nammi

  sem má borða lítið af....DÆS!

  Svo nú verður það bara kjöt, fiskur,

  melónur, rúsínur, gúrkur og hrísgrjón

  serverað með "dassi" af dijon sinnepi,

  hunangi, káli, sykri, Cheerios og oregano.

  Og drekka nógu djö....mikið af gallsúrum

  sítrónusafa með, svo húsfreyja verði

  súrari en allt sem súrt er innvortis.

  Og alltaf gott að skella 4 bollum af 4 teg. af

  "jurtatei" í sig sem dessert, á eftir.

  Merkilegt nokk, eðalvínin hvítu og rauðu

  eru "inn"......í hófi svo húsfreyja verði ekki

  "gallsúr alki" fyrir aldur fram!

   SJÍSS!

  Eitthvað er melting húsfreyju ekki í nógu

  góðum gír, fyrst hún er að senda aðra hverja

  máltíð hennar í "grjótframleiðslu" í

  nýrum hennar.

  Hvurslags "kreppulið" sér eiginlega um að

  stjórna því sem meltist í kroppi húsfreyju?

  Er húsfreyja komin með einhverja "míni-Dabba"

  í iður sín, sem sjá um að "sía"  á hálfri vinnslu,

  það sem þeir telja að sé gott fyrir hana og hennar skrokk,

  hitt sent beina leið í helv... "grjótið" í nýrunum?

  Húsfreyja "mótmælir" svona "skítlegum"

  vinnubrögðum í meltingafærum sínum, og vill hafa

  sínar kartöflur, rófur og gulrætur Á SÍNUM DISKI

  við hverja máltíð eftir sem áður.

  Súkkulaðið ræðir hún ekki einu sinni....frekar

  "deyr" hún úr "overdose" af súkkulaði heldur en að

  gefa það eftir!

  Kannski hægt að draga úr döðluáti....MAYBE...

  og annað er svona hægt að skoða....þá

  vel liggur á húsfreyju.

  En bévítans sítrónusafann getur húsfreyja

  sosum skólpað oní sig í stórum stíl...búin með

  heilan lítra af honum nú þegar, og svei,

  ef henni "súrnaði" ekki um augun af gleði þegar

  að hún heyrði með sinni "gallsúru ofurheyrn",

  nýru sín syngja YES, YES, YES af lukku.

  "Gallsúrar gleðistundir".

 

 

FRÁBÆRT!...

  ....mamma.

  Þá höfum við bara Jólin

  TVISVAR á árinu".

  Sjö ára djásnið hrifin af

  frétt þessari.

  "Já, það væri kannski ekki vitlaust"

  svaraði húsfreyja.

  Þögn smá stund, en svo kom:

  "Nei, það er ekkert vit, mamma.

  Jólasveinarnir gætu aldrei vaknað um

  hásumar, til að gefa krökkum í skóinn"!

  "Þeir þurfa nefnilega að hvíla sig svo mikið,

  og sofa á sumrin, svo þeir séu hressir í

  desember", djásnið búið að hugsa málið í tætlur.

  "Já, líklega er best að hafa Jólin aðeins einu sinni

  á ári", svaraði húsfreyja, "en það er nú samt gaman

  að Jesú skuli eiga sama afmælisdag og Jón Sigurðsson

  frelsishetjan okkar".

  "En hann var ekki "jólasveinn", mamma", svaraði

  djásnið að bragði, og þar með var málið útrætt.

  Langt síðan að húsfreyja las að Jesú hefði fæðst í

  júní, en ekki desember, en aldrei fengið nákvæman

  dag fyrr uppgefinn.

  Væri ekki verra ef boðberi kærleika á jörðu, Jesú

  frá Nasaret, ætti fæðingardag á þjóðarhátíðardegi

  Litla Fróns.

„Jesús fæddist 17. júní“

Thank you Mister Brown.

  First you turned us into

  terrorists, and than you

  saved us all.....and the

  whole world too.

  What a nice man you are,

  Mister Brown.

  Who needs a friend when he

  has an enemy like you.

  You can be our "enemy" here in Iceland,

  any time you like,

  and we'd love to be your "number one"

  terrorists whenever we can.

  We were going to send you some

  (red) herring for Christmas, to thank you.

  But our herring's been rather poorly and sick,

  so we'll be sending you a few "Cod-heads"

  instead, as we know how much you love Cod!

  Your goverment even sent us Britain´s 

  whole damn navy, to get some, a few years back.

  By the way, does the pope know, there is a

  "new world savior" alive and well in Britain?

  And mabe you should have a discussion with

  the Jews as well?

  ............      ..........   ...........

  Hehehe, húsfreyja bara varð að fá

  útrás fyrir smá meinlegheit í garð Mister Brown.

  Er ekki enn búin að venja sig

  við að vera "hryðjuverkamaður" í stórum

  stíl þegar Mister Brown er annars vegar.

  Kann ekki einu sinni að brýna hnífa, eða

  hlaða byssur, húsfreyja.

  Því síður búa til sprengjur og er skíthrædd

  við venjulega flugelda á áramótum.

  En gott að "Brúnn" breta er í góðum gír,

  og enginn aukvisi þegar einhverju þarf að bjarga.

  Góðar stundir.

 

 

Gordon Brown bjargar heiminum

Nú er gaman.

  "Ég ætla að skreppa út"

  sagði sú tíræða.

  "Það líst mér vel á",

  húsfreyja brosti.

  "Á að fara á djammið"?

  spurði hún svo þá tíræðu glettinn.

  "Neihei, því nenni ég ekki.  Ég ætla

  bara að heimsækja hana systur mína".

  Sú gamla hló við.

  "Já, og er hún jafn ern og þú" spurði

  húsfreyja.

  "Nú hún er "bara" 95 ára, svo hún er

  altént ekki verri en ég", svaraði sú tíræða.

  Góðar.

  Svo erum við Frónbúarnir orðin "fræg af

  endemum" alla leið til Ástralíu.

  Vinkona húsfreyju þar segir í bréfi að

  Ísland sé bara töluvert í fréttum þar,

  og að við virðumst vera að taka á okkur

  harðasta fallið í kreppunni.

  Vonar hún að húsfreyja lifi ekki við sult og seyru,

  og að árið 2009 verði okkur öllu skárra.

  O jæja, húsfreyja borgar risavaxinn matarreikning

  vikulega fyrir sína 3 manna fjölskyldu og kött,

  eins og meginþorri Frónbúa.

  Er í basli með verðtryggð lán af íbúð

  sinni líkt og aðrir, og karlinn hennar

  stressar sig í tætlur yfir bílaláninu.

  En allt möndlast þetta áfram, þó að

  fyrrum "settu á hausinn"- eigendur

  tískuverslana í Reykjavík, séu búnir

  að kaupa verslanir sínar aftur fyrir slikk,

  og mótmælendur á Alþingi séu farnir að bíta.

  Húsfreyja ætlar að skrapa saman nokkrum

  þúsundköllum fyrir jólaklippingu handa

  sjö ára djásninu, og dúllast með hana

  á hárgreiðslustofuna....nema sú stofa sé

  farin á hausinn, og lokað sé í 4 klukkutíma vegna

  heitra kaupsamninga fyrrum eigenda

  um þrotabúið, svo þeir geti skellt eign sinni

  á hana AFTUR fyrir kvöldmat.

  "The Icelandic Way"!

  Hér er alltaf myljandi, dúndrandi fjör, grín

  og gaman uppi á litla Fróni.

  Bestir voru samt Spaugstofumenn með sína

  útgáfu af "Ógnareðli" síðasta laugardag.

  Þeir sem misstu af, geta kíkt á vefsjónvarpið

  og verið með....er nefnilega sjálfstætt framhald

  af "Skítlegu eðli".

  Góðar stundir.

Sindrandi silfur....

  ..til Sindra Þórs.

  Glæsilegur árangur hjá

  stráknum, og óskar húsfreyja

  honum innilega til hamingju.

Silfur hjá Sindra Þór

Gustar undir hempu og...

  ..næðir milli eyrna á erkibiskupi

  Parísarborgar um þessar mundir.

  Gloprar út úr sér miður heppilegum

  og vanhugsuðum orðum, um störf

  katólskra kvenna í kirkjum.

  Jaso.

  Öldum saman hafa katólskar konur sinnt

  hinum ýmsu störfum í katólskum kirkjum.

  Skipulagt athafnir innan safnaða, sinnt góðgerðarmálum,

  skreytt kirkjurnar, þrifið og skúrað.

  En enn ekki verið leyft að gerast katólskir

  prestar og þjóna til altaris.

  Ef orðræða biskups Vingt-Trois er

  vitnisburður um "gáfur" þær er katólskir

  biskupar þurfa til að sinna störfum sínum,

  telur húsfreyja að ekki þurfi mikið vit á

  milli eyrna til að verða katólskur prestur.

  Væri mun vænlegra fyrir katólskar konur að

  láta karlana áfram um "ofureinfalda" hluti

  þessa innan katólsku kirkjunnar, en skella

  sér þess í stað í formennskustörf safnaða og svo í

  skipulags- og góðgerðarstörfin innan kirkjunnar.

  Í þau þarf skarpa hugsun, góða skipulagshæfileika

  og  mikið frumkvæði.

  Prestskrúðann og latínujóðlið mega karlarnir hafa fyrir sig.

 

Pilsaráðið kærir erkibiskup

Eitt sinn skal hver deyja.

  Læðist sá grunur að

  húsfreyju að þetta hafi verið

  Rúna Júl óskadauðdagi.

  Á sviðinu að taka upp gítarinn,

  er hann veikist og fluttur yfir

  stuttu seinna.

  Rokkari af Guðs náð og alltaf að.

  Blessuð sé minning hans.

 

Sárt að missa Rúnar

...og er lítið mál!

  Konan í símanum hjá

  Tryggingastofnun

  Ríkisins var ekkert nema

  bjartsýnin og almennilegheitin.

  "En átti þetta ekki allt að vera

  orðið "rafrænt"', maldaði húsfreyja

  í móinn.

  "Jú, en það er samt betra og gengur

  hraðar fyrir sig, rennir þú þér hingað

  niður eftir með allar kvittanirnar",

  konan með syngjandi létta og káta rödd.

  "Þá stimplum við þetta fyrir þig í hvelli, og

  verður "fljótlega" búin að fá endurgreitt

  inn á reikninginn þinn".

  "En hvenær fæ ég svo afsláttarkortið",

  húsfreyja byrjuð að gefa eftir.

  "Aaaaa, það gæti tekið aðeins lengri

  tíma...en samt ætti það að geta komið

  fljótlega".

  Sú hjá T.R. að springa úr jákvæðni.

  "Jæja, ég kem þá bara niður eftir með

  þetta núna" svaraði húsfreyja.

  "Nei, það gengur ekki, nema þú búir

  hérna í næsta húsi við okkur" svaraði

  sú ofurjákvæða.

  "Nú, af hverju ekki", húsfreyja rasandi,

  klukkan korter yfir tvö eftir hádegi, "á

  virkum" degi.

  "Það er bara opið til hálfþrjú hjá okkur

  alla virka daga".

  Jaso!

  Það kom á húsfreyju.

  Hvurslags opnunartími var þetta eiginlega?

  En gott og vel.  Húsfreyja kom sér bara í T.R.

  nokkru upp úr hádegi daginn eftir með

  allar sínar kvittanir fyrir sjúkrahúsdvöl,

  rannsóknum, læknisviðtölum og steinbrjótsmeðferð

  vegna nýrnagrjóts síðan í september.

  Síðan liðu 2 vikur. 

  Þá fékk húsfreyja 7.000 krónur af

  30.000 sem hún átti að fá endurgreitt.

 "Hmmm... gæti fengið restina næstu mánaðarmót"

  hugsaði húsfreyja bjartsýn.

  NEIPP!

  Bréf frá hinni yndislegu hraðvirku, skilvirku og

  ekki svo mjög rafrænu Tryggingastofnun

  Ríkisins kom inn um bréfalúguna til húsfreyju.

  Tvær kvittanir áfestar við, með tveimur stærstu

  upphæðunum.

  Ekki samþykktar því þær voru úr "heimabanka",

  og "óstimplaðar".

  Jaso!

  Húsfreyja gerði sér ferð í banka sinn í dag,

  og bað um að fá "viðurkenndan ríkisstimpil"

  á heimabankakvittanirnar.

  NEIPP!

  Svoleiðis vinnubrögð tíðkast ekki í bönkum, enda

  heimabankakvittunin þar tekin gild "óstimpluð"!

  Svo hvað var til ráða.

  Bankafólk ekki minna rasandi á bréfi þessu

  frá T.R. en húsfreyja.

  Varð úr að prentuð var út staðfesting

  á greiðslum húsfreyju til heilbrigðiskerfisins,

  "ríkisstimplað" og gjaldkeri skrifaði undir.

  "Hef ekki hugmynd hvað þeir eru að pæla,

  þarna hjá T.R., þeir hefðu bara geta flett þessu

  upp sjálfir með því að ýta á einn takka á

  tölvum sínum" gjaldkerinn var eitt spurningamerki

  yfir málinu.

  "Jamm, það er svo góð virkni á "rafræna kerfinu"

  hjá þeim" svaraði húsfreyja að bragði og glotti.

  "Í framtíð verða reikningar frá Heilbrigðiskerfinu

  merktir með rauðum þríhyrningi og:

  EKKI UNDIR NEINUM KRINGUMSTÆÐUM GREIÐA

  ÞENNAN Í HEIMABANKA!  Farið með hann í banka

  og greiðið og munið að hafa kvittunina "ríkisstimplaða".

  Gjaldkeri glotti og óskaði húsfreyju velfarnaðar í

  samskiptum sínum við T.R.

  Húsfreyja er í keng af spenningi, því hún ætlar að leggja

  í hann strax eftir hádegissnarl á morgun

  og finna "bjartsýnu, jákvæðu" konuna,

  leggja "staðfestinguna ríkisstimplaða"

  fyrir framan hana, og vona svo bara að

  hún fái endurgreiðsluna fyrir Jól... og að

  málið sé þar með DAUTT!