Nú er gaman.

  "Ég ætla að skreppa út"

  sagði sú tíræða.

  "Það líst mér vel á",

  húsfreyja brosti.

  "Á að fara á djammið"?

  spurði hún svo þá tíræðu glettinn.

  "Neihei, því nenni ég ekki.  Ég ætla

  bara að heimsækja hana systur mína".

  Sú gamla hló við.

  "Já, og er hún jafn ern og þú" spurði

  húsfreyja.

  "Nú hún er "bara" 95 ára, svo hún er

  altént ekki verri en ég", svaraði sú tíræða.

  Góðar.

  Svo erum við Frónbúarnir orðin "fræg af

  endemum" alla leið til Ástralíu.

  Vinkona húsfreyju þar segir í bréfi að

  Ísland sé bara töluvert í fréttum þar,

  og að við virðumst vera að taka á okkur

  harðasta fallið í kreppunni.

  Vonar hún að húsfreyja lifi ekki við sult og seyru,

  og að árið 2009 verði okkur öllu skárra.

  O jæja, húsfreyja borgar risavaxinn matarreikning

  vikulega fyrir sína 3 manna fjölskyldu og kött,

  eins og meginþorri Frónbúa.

  Er í basli með verðtryggð lán af íbúð

  sinni líkt og aðrir, og karlinn hennar

  stressar sig í tætlur yfir bílaláninu.

  En allt möndlast þetta áfram, þó að

  fyrrum "settu á hausinn"- eigendur

  tískuverslana í Reykjavík, séu búnir

  að kaupa verslanir sínar aftur fyrir slikk,

  og mótmælendur á Alþingi séu farnir að bíta.

  Húsfreyja ætlar að skrapa saman nokkrum

  þúsundköllum fyrir jólaklippingu handa

  sjö ára djásninu, og dúllast með hana

  á hárgreiðslustofuna....nema sú stofa sé

  farin á hausinn, og lokað sé í 4 klukkutíma vegna

  heitra kaupsamninga fyrrum eigenda

  um þrotabúið, svo þeir geti skellt eign sinni

  á hana AFTUR fyrir kvöldmat.

  "The Icelandic Way"!

  Hér er alltaf myljandi, dúndrandi fjör, grín

  og gaman uppi á litla Fróni.

  Bestir voru samt Spaugstofumenn með sína

  útgáfu af "Ógnareðli" síðasta laugardag.

  Þeir sem misstu af, geta kíkt á vefsjónvarpið

  og verið með....er nefnilega sjálfstætt framhald

  af "Skítlegu eðli".

  Góðar stundir.

Athugasemdir

[Solla Guðjóns, 9.12.2008 kl. 16:04]

Gott hjá þeirri tíræðu

[Sigrún Óskars, 9.12.2008 kl. 17:35]

[Bryndís Eva Vilhjálmsdóttir, 10.12.2008 kl. 13:20]

útfærsla spaugsmanna á ógnareðli var mjög fyndið

[Sigríður Sigurðardóttir, 10.12.2008 kl. 20:58]

  Já, Sollan sú tíræða er frábær.

  Það fannst mér, Bryndís, hló mig máttlausa.

  Þakka ykkur öllum innlitið.