Eiginmenn og börn....

  ...virðast samkvæmt öllum

  rannsóknum stytta líf kvenna

  til muna.

  Öfugt við herramennina sem

  deyja margir langt fyrir aldur fram,

  séu þeir piparsveinar.

  Samkvæmt þessu verðum við

  systur ekki mjög langlífar og

  mútta húsfreyju ætti "að vera

  dauð", hafandi haft bæði pabba

  heitinn og tengdapabba inni

  á heimilinu lengi vel framan af

  búskap sínum, ásamt þremur

  skapstórum stelpum í stöðugum

  bardögum.

  Síðan eftir að afi húsfreyju flutti í

  Sumarlandið, bjó tengdasonur,

  barnsfaðir systur í Þorlákshöfn

  hjá foreldrum hennar nokkur ár.

  Svo mútta hefur haft nóg af

  karlpeningi og börnum í kringum sig

  allt sitt líf.  Og er enn með heilu

  haugana af barnabörnum þar heima,

  og svo langömmustrák af og til.

  Og ekki reddar henni að hafa legið

  í koníaki eða öðrum áfengum guðaveigum,

  sei, sei, nei.

  Eitthvað annað sem heldur líftórunni í

  múttu húsfreyju....líklega hefur hún bara

  of mikið að gera, hefur ekki  tíma í það

  að drepast.

  Er í stöðugum ferðum milli lands og Eyja,

  og svo Þorlákshafnar og Reykjavíkur að

  gæta barna dætra sinna.

  Svo oft ferðast hún, að hún þekkir hverja

  holu á Þorlákshafnarvegi og Þrengslum,

  og "hvern öldutopp" á sjóleiðinni til

  Eyja!

  Getur sjálfsagt farið að "róa blindandi" til

  Eyja.

 Nei, ekkert á því að setja tærnar upp í loft

  og geispa golunni, mútta húsfreyju.

  Því síður gefa upp öndina, sigla í hina víkina

  eða leggjast banaleguna í mergjaðri myglukör.

  Hummmmm....kannski að húsfreyja splæsi í

  í eina "Úsó" (þolir ekki Koníak, mútta) handa múttu

  sinni í jólagjöf, svo að múttan verði örugglega

  100 ára!

 

Þakkaði langlífið koníaki og skírlífi

Athugasemdir

[Árný Sigurðardóttir, 2.12.2008 kl. 18:32]

100 ára ertu frá þér.hún verður 120 ára með þessu áframhaldi.

[sveinn auðunsson (IP-tala skráð) 2.12.2008 kl. 23:22]

Ja hérna! Ef trúa á myndinni lengir logandi nagli í þverrifu líf konu ásamt viskístaupi til niðurskolunar, en hinn í hina................ á maður að trúa þessu?

[Sigrún Óskars, 3.12.2008 kl. 15:30]

[Sigríður Sigurðardóttir, 3.12.2008 kl. 18:06]

  Djísuss, hún á eftir að lifa okkur allar, systir. 

  Ja, Sveinn ekki ljúga vísindin...eða hvað?

  Þakka ykkur öllum innlitið.