Framtíðarsýn, birta, hvatning og uppörvun!

  Þetta líst húsfreyja vel á hjá

  Séra Hirti Magna.

  Enginn bölmóður um sekt eða

  synd.

  Því síður eitthvað iðrunarkjaftæði.

  Hjörtur Magni er einhver sá

  almannlegasti og besti prestur

  sem húsfreyja hefur haft þá gæfu

  að starfa með.

  Á Suðurnesjum, Útskálakirkju minnir

  húsfreyju, starfaði séra Hjörtur Magni

  um all langt skeið, þá húsfreyja

  hjúkraði veikum suðurnesjabúum.

  "Opið hús" var á sjúkrahúsinu í

  Keflavík fyrir krabbameinssjúka.

  Þeir áttu ætíð greiðan aðgang að

  einbýli, á sjúkrahúsinu þá þeir

  þurftu.

  Margir krabbameinssjúklinganna,

  sem hlutu ekki bata af meini sínu

  kusu síðan að njóta umönnunar

  á deild húsfreyju, þá að dánardægri leið. 

  Góða samvinna var við sóknarpresta á

  Suðurnesjum um sálgæslu, huggun og

  líkn þessara sjúklinga og aðstandenda þeirra.

  Hringdi húsfreyja marga nóttina í presta sína,

  og bað um að þeir litu til sjúklings, þá líða

  fór að lokum, og ætíð hringdi hún á nóttu sem

  degi í þá, þegar andlát bar að.

  Að öllum öðrum prestum Suðurnesja ólöstuðum,

  þá var langbest að hringja í séra Hjört Magna.

  Hann tók öllum beiðnum af stakri ljúfmennsku,

  hversu þreyttur eða störfum hlaðinn hann var.

  Hvort sem að nóttu var eða degi.

  Var oftast mættur innan 10 mínúta, komin að

  rúmi sjúklings, umvafði alla kærleik og hlýju með

  einu handtaki, hlýju brosi og stuttri bæn væri

  þess óskað.

  Spjallaði við fólkið, gaf því góðan tíma, ræddi

  lífið og dauðann og gaf sér ætíð tíma

  til að drekka með þeim kaffisopa.

  Kom svo fram, ræddi við starfsfólk og

  "þakkaði" fyrir upphringinguna.

  Frábær prestur, Séra Hjörtur Magni og

  Fríkirkjusöfnuður heppinn að eiga slíkan prest.

  Þyrftum að eiga fleiri slíka presta, Frónbúar.

 

 

Fagnar úrsögn úr þjóðkirkjunni