Spilafífl?

     

Eru Frónbúar spilafífl?

  Húsfreyja hefur verið í

  vakarfríi í dag, og hefur verið

  að fylgjast með fréttum bæði

  á netinu og í útvarpi.

  Þrátt fyrir að verið sé að lána

  okkur í bak og fyrir, og tvist og

  bast virðist þjóðin enn mara

  í hálfu kafi í í "kreppuskuldasúpunni".

  IMF, norrænu þjóðirnar, Holland, Bretland

  og Færeyjar búin að lána okkur milljarða

  á milljarða ofan, og allt situr við það sama.

  Þjóðinni skal "blæða".

  Hækka stýrivexti, borga himinhá lán,

  tapa atvinnu, tapa húsnæði, borga meira

  borga meira!

  Hvenær eyddi þjóðin eiginlega öllum þessum

  milljörðum og hvernig?

  Mætti halda að eitthvað væri þá eftir af

  "eignum", eftir alla þessa peningaeyðslu.

  Og "hvar" eru þær þá?

  Má ekki "selja" eitthvað af þeim upp í

  kreppuskuldasúpuna?

  Eða voru Frónbúar ekki að "kaupa neitt",

  þá þeir eyddu öllum milljörðunum?

  Sátu kannski útrásarvíkingar, bankaeigendur

  og íslensk stjórnvöld að "fjárhættuspili" alla

  daga, og lögðu fjármuni og eignir íslensku

  þjóðarinnar undir?

  Kusum við þá "spilafífl" yfir okkur í

  síðustu kosningum?

  Treystum við "spilafíflum" fyrir launa- og lífeyrisgreiðslum

  okkar?

  Eru eitursnjallir útrásarvíkingar aðeins

  forfallnir "spilafíklar"?

  Jamm, húsfreyja er rasandi á furðulegum

  fjármálum þjóðar sinnar.

  Botnar lítið í þessari hringavitleysu.

 

                      Spilafífl.

 

  Við höfum löngum slegið í slag

  og sláum víst oft eftir þennan dag.

  Við unnum og töpuðum alltaf smátt.

  Við áttum ei þrek til að spila hátt.

  En leiðinlegt er þetta aurasnap.

  Ég vil ærlegan gróða eða botnlaust tap.

  Allt í borðið!  Fyrst ekki er féð,

  æruna, vitið og lífið með!

  Og við skulum fremur en verða bit

  velta röngu og svíkja lit.

                                             Örn Arnarsson 1884-1942