Dead man talking-show!

  Þetta hefði pabbi sálugi fílað í botn.

  Að fá sitt eigið "SHOW" þegar hann

  væri "dauður".

  Hefði hlegið sig máttlausan fyrst,

  en svo skellt sér fyrir framan

 vídeókameruna, gripið gítarinn

  og spilað og sungið af hjartans lyst:

  "Í ótal króka og karíóka,

  við tökum þétt eða laust og létt

  lífsins töfrasprett"!

  Hefði svo skellt einni gamansögu

  af gömlum Eyjamönnum með, hlegið dátt

  og blikkað "kameruna" í lokin.

  En ekkert "laufblaðavesen" á leiðið

  hjá honum, miklu skárra að skera út

  eina herlega og stóra kartöflu, helst

  "Gullauga" í tré, og setja upp.

  Var mikill kartöflumaður, pabbi, og helst

  ekki hægt að snæða nokkurn mat nema með

  góðum íslenskum kartöflum.

  Og svo er ein góð saga af honum sjálfum

  í lokin:

  Mútta hafði tafist einn daginn, við húsverk,

  gestakomur og fleira, og var ekki farin að sækja

  blóðþrýstingsmeðulin, hvorki sín né pabba

  niður í Apotek.

  Klukkan að verða hálffimm um eftirmiðdaginn, og pabbi orðinn

  nokkuð pirraður og stressaður að bíða eftir pillunum sínum.

  "Ætlarðu ekki að drífa þig kona, áður en

  Apotekið lokar, svo við fáum lyfin, eða ætlarðu að láta

  okkur drepast úr háþrýstingi" spurði hann argur.

  Jú, mútta fór í snarhasti í kápu og dreif sig út.

  En kemur 10 mínútum síðar inn með fangið

  fullt af þurrum þvotti, en ENGIN meðul.

  Pabbi hentist upp úr stólnum sínum, og

  hvæsti snakillur þessi fleygu orð: "Með þessu áframhaldi, Kristín,

  mun ég "vakna" STEINDAUÐUR í fyrramálið".

  Þarf varla frá að segja að öll fjölskyldan lá

  í gólfinu veinandi af hlátri, eftir þessi snjöllu ummæli,

  og hló pabbi sjálfur allra mest.

  Komst mútta við illan leik niður í Apotek fyrir lokun,

  og "morgundeginum" þar með reddað hjá pabba.

  Allavega ekki "illa dauður" þá hann vaknaði, og lifði

  mörg ár eftir þann dag.

 

Stafrænn legsteinn

Athugasemdir

[Heiður Helgadóttir, 4.11.2008 kl. 20:02]

Góð frásögn, þetta með legsteininn passar trúlega einhverjum

[Sigríður Sigurðardóttir, 4.11.2008 kl. 20:07]

  Jamm, Heidi hver hefur sinn stíl.  Ég myndi vilja hafa bókarskruddulegstein....dýrka góðar bækur.

[Solla Guðjóns, 5.11.2008 kl. 01:39]

Þar sem ég þekki nú alla famelíuna og þekkti pabba þinn vel.........veltist ég um af hlátri hér ein með sjálfri mér.........

þessa stundina eru þvíum líkir legsteinar mér ekki ofarlega í huga.

[Sigríður Sigurðardóttir, 5.11.2008 kl. 17:29]

Jamm, Sollan mín, pabbi var mikill húmoristi og fljótur að koma auga á skondna hluti, og gat gert grín að sjálfum sér.  Það er góður hæfileiki.