Í borg Davíðs...

  ....skal að sjálfsögðu hafa peningaseðla

  sérmerkta honum.

  Var það ekki einhvert ægilegt

  peningaséni sem býr í London, sem

  sagði í sjónvarpinu um daginn,

   að nú yrðu Frónbúar að fara að

  "prenta" seðla grimmt, svo þjóðfélagið

  tæki ekki kollsteypu beina leið niður

  til helvítis.

  Ekki það að húsfreyja sjái, að okkur

  Frónbúana muni um eina kollsteypuna

  þangað niður.

  Erum nú þegar búin að fara einar 5 eða

  6 kollsteypur til "þess í neðra" fjárhagslega,

  svo okkur hefði ekki munað um eina enn.

  "Sá í neðra" sjálfsagt að verða hringlandi hringa-snarvitlaus

  á öllu þessu pakki frá litla Fróni, sem puðrast niður til hans

  og vill "virkja" hita helvítis og búa til orkufyritæki í kringum

  málið og selja hlutabréf grimmt á öllum

  fjármálamörkuðum heimsins með "minimal áhættu"!

  Dabbi líklega búinn að leggja "blessun" sína á málið,

  svo framalega sem hann fái prentaða 10.000 króna seðla

  með mynd af sjálfum sér í massavís.

  Bankaeigendur allir og útrásarvíkingar þá logandi "heitir"

  að fá djöfsa til að afsala sér einkarétti á

  "hverum vítis", og hanga vælandi í "þeim

  kolsvarta" með pappírsbleðla í fjórriti og

  hafa heilan andsk... helling af lögfræðingum sér

  til fulltingis!

  Eða þannig getur húsfreyja séð málin fyrir sér.....

  svona í gríni.

  Brilliant verkefni hjá listnemum á krepputímum,

  en hálf vorkennir húsfreyja afgreiðslufólki

  sem lét glepjast og gaf sjö þúsund

  "alvöru verðlausar krónur" til baka.

 

 

Notaði seðil með mynd af Davíð

Athugasemdir

[Solla Guðjóns, 6.11.2008 kl. 11:31]

Mér hreint býður við þessum seðli........gott að hann var falsaður

[Sigríður Sigurðardóttir, 9.11.2008 kl. 11:58]

  Jamm, manni verður hálf ómótt, Sollan mín.