Bræður munu....

  .....ræða málin og funda.

  Og það gerðu Haarderinn og Brúnn

  í apríl og hefur sjálfsagt farið vel

  á með þeim.

  Þeir sjálfsagt innilega sammála um

  að "eitthvað" yrði að gera til að allt

  færi nú ekki í kalda kol.

  Og svo nú nokkrum mánuðum seinna

  í miðju "kalda koli", spyrja menn hvað

  Haarderinn og Brúnn hafi eiginlega ákveðið

  að gera.

  En þá hefur Haarderinn sjálfsagt ætlast til

  að Brúnn gerði eitthvað, en Brúnn ætlast

  til þess sama af Haarderanum.

  Jamm!

  Samt gott ef þeir hafa verið sammála.....

  ...á aprílfundinum.

  Á meðan við dundum okkur hér í fjárhagslegu

  kalda koli, er hæstvirtur Moammar Gaddafi

  æðsti koppur í Lybíu búinn að "tjalda" í Kreml.

  Ekki af því að Rússarnir tími ekki hótelherbergi

  undir Gaddafi og hans fríða föruneyti....sei, sei nei!

  Gaddafi fæddur og uppalinn í tjaldi og kann betur

  við sig með örþunnan kaldan tjaldhiminn yfir höfði,

  en þykk og hlý steinmúruð þök.

  En húsfreyju grunar að Gaddafi og föruneyti

  hans verði að grípa til ullarföðurlandsins í Kreml,

  því þar er hitastig iðulega undir frostmarki í nóvembermánuði.

  Er annars uppáskrift á massíva lungnabólgu,

  blöðrubólgu, bronkítis og margra vikna hósta

  að lúra úti tjaldi í Kreml um þessar mundir.

  Og það er sem húsfreyja sjái fyrir sér

  íslensku "rússalánsnefndina" mæta með tonn af

  torfi og grjóti, "af því að afi og amma bjuggu

  ung í slíkum húsakosti", og skella upp einum

  torfkofa í garðinum hjá Dimitry Medvedevs

  forseta Rússlands.

  Og hér uppi á litla Fróni segja tryggingafélög

  það furðu gegna hve margir "lúxusbílar" eru

  orðnir blússandi "eldfimir", og fuðri jafnvel upp standandi

  kjurir á bílastæðum.

  Jamm, ætli þessi nýju fínu efni í lúxusbílunum

  séu ekki jafneldfim og "nylon bleitt í bensíni", og ekki megi

  kveikja sér í sígarrettu í 10 metra fjarlægð frá þeim,

  öðruvísi en allt fari í "bál og brand".

  Alltaf gaman að fylgjast með fréttunum.

  Góðar stundir.

 

 

 

Aðvörunin verði rannsökuð

Athugasemdir

[Sigrún Óskars, 1.11.2008 kl. 23:16]

þínar fréttir eru skemmtilegri en mbl fréttirnar

góða helgi

[Heiður Helgadóttir, 2.11.2008 kl. 16:00]

Helgarkveðjur til þín Sigga mín

[Sigríður Sigurðardóttir, 2.11.2008 kl. 17:18]

Þakka ykkur ljúfastar.