Hryðjuverkamaður og óreiðukona...

...má einna helst skilja að húsfreyja sé orðin,

  samkvæmt öllum viðurkenndum fjölmiðlum,

  hér heima jafnt sem erlendis .

  Hafi vaðið uppi í banka sínum og tapað

  fjárfúlgum, sem hún kann ekki einu sinni að

  nefna, og látið ríkið og seðlabankastjóra sitja eftir

  með skuldasúpuna og sárt ennið.

  Svo er hún greinilega búin að starfa ötullega með

  grimmri "útrásarneðarjarðarhreyfingu"

  hér uppi á litla Fróni

  og er að plotta ægilega "árás" á Brúnan

  í Stóra-Bretalandi.

  Húsfreyja hefur líklega verið með

  óráði og framið öll þessi voðaverk í

  mergjuðu rugli og "nýrnasteinakasti", og til

  að kóróna glæpinn hefur hún dregið

  alla íslensku þjóðina inn í hryðjuverkastarfsemi

  þessa.

  Nú sitja frónverskir námsmenn blankir og

  snauðir í Danaveldi, Bretaveldi, Niðurlöndum

  og víðar í hinu herlega evrópska landsvæði,

  liggja á línunni til seðlabankastjóra, og

  grátbiðja hann að senda þeim smá aur

  fyrir mat, (en hann sjálfsagt of upptekinn

  af því að semja næstu "fyrirsögn" fyrir

  Brúnan og fjölmiðlana til að geta sinnt

  svoleiðis smotteríi) allt út af djöfulganginum

  í húsfreyju.

  Húsfreyja á ekki nógu sterk orð til að

  lýsa hneikslun sinni og bræði yfir eigin

  "óráðsíu, rugli og hryðjuverkaæði".

  Næsta víst að hún brjálist enn meir

  í næsta nýrnakasti sínu, hár safnist á

  skrokk hennar og andlit umbreytist í

  trýni tryllts úlfs, og svo verði hún ENN OG AFTUR

  á öllum forsíðum fjölmiðla alheims:

  AN ICELANDIC WEREWOLF IN LONDON!

  -Sigh-dæs-stuna-

  Húsfreyja vill hér með biðja alheim allan og

  sér í lagi Brúnan og seðlabankastjóra

  afsökunar á óreiðu sinni, óráðsíu

  hryðjuverkaplotti og peningasukki.

  Og vonar heitt og innilega að hún hafi

  ekki umturnað heilbrigðiskerfinu öllu á Litla Fróni, svo

  hún komist sem fyrst í "nýrnasteinsbrjótinn",

  og aftur komist á FRIÐUR í alheimi og

  fjölmiðlum.

  (Og hún getur svo svarið, að hún hefur ekki

  haldið eftir svo mikið sem einni krónu, þá hún

  brjálaðist með billjarðana...eða trilljónirnar...eða...?)

Athugasemdir

[Solla Guðjóns, 12.10.2008 kl. 22:16]

maður þarf að passa að tapa ekki sjálfum sér.......

[Sigríður Sigurðardóttir, 12.10.2008 kl. 23:18]

Jamm, segðu!  Stundum er maður les fréttirnar nú á tímum, er eins og maður sjálfur sé aðalsökudógur alls vanda í efnahagsmálum...Iceland...Icelanders are refusing to pay...bla...bla...bla os fr..  Maður er nú einu sinni landi, og sem slíkur situr maður undir harðorðum ásökunum!  Sjíss!