Launatengdir samskiptaörðuleikar?

  Í störfum þar sem mikið mæðir á mannlegum

  samskiptum, eins og í ummönnun og almennum

  þjónustustörfum, er einhver mesta

  þolinmæðisáskorunin iðulega sú, að fá

  erlendan starfsmann til að "skilja", og

  húðlata landa til að "gera".

  Heppin hefur húsfreyja jafnan verið

  á sínum vinnustað, og hennar landar

  örfáir húðlatir, en er þó jafnan einn og

  einn eins og gengur.

  Allmarga erlenda starfsmenn hefur hún,

  og ríflega helmingur þeirra hefur lagt sig í líma

  við að læra íslenska tungu, hinn tæpur

  helmingurinn svona síður, eða ekki, eins og

  gengur.

  Bévítans torf, íslenskan að læra, og

  margir erlendir starfsmenn ætla sér ekki að

  dvelja hér um margra ára skeið.....

  ...í upphafi.....en svo lengist dvölin og

  LENGIST.

  Og þegar aldraður öðlingur með of

  háan blóðþrýsting, kvartar sótrauður

  af vonsku yfir því að morgni við hjúkku sína,

  um geta ekki gert sig skiljanlegan við

  starfsfólk, nótt eftir nótt, sargar það

  illilega þolinmæðistaug húsfreyju.

  Eða sármóðguð dama á tíræðis aldri

  kvartar undan því að "húðlatur" landi,

  hafi bara sagt henni að "pissa í stykkið" sitt,

  að því að "það var of mikið mál að aðstoða

  hana á W.C. að næturlagi", þá langar

  stundum húsfreyju að rífa í hár sér af örvæntingu. 

  Eiga þessir vinnukraftar, ómálga erlendir starfsmenn

  og húðlatir landar skilið sömu laun og hinir?

  Hinir sem eru duglega erlenda fólkið ,

  sem talar kannski ekki kórrétt,

  en gerir sig vel skiljanlegt á íslensku, og mikilvægara;

  SKILUR sína skjólstæðinga, frambornar óskir þeirra og þarfir.

  Eða landana sem hafa metnað í starfi og bera

  sanna umhyggju fyrir sínu fólki, og reynir bara

  að vinna hraðar ef mikið er að gera.

  Húsfreyja telur því miður, að skortur á fólki

  geri stjórnendum iðulega erfitt um vik, og

  því sitji þeir uppi með letingjana og ómálga

  fólkið.... og á sömu launum og hinir.

  Réttlátt?

  Ekki aldeilis að mati húsfreyju, en svo fleyg

  orð fjölmiðlamanns eins séu notuð:

  "Svona er Ísland í dag".

  Hvort þessi skoðun gerir húsfreyju svo að

  "rasista", "letingjahatara" eða bara að

  "total bitch" verða aðrir svo að dæma.

Telja eðlilegt að útlendingar séu með lakari laun