Fékk ægilegt kast,kast,kast....

....nýrnasteinakast, kast, kast.

  Og nýrnasteinar húsfreyju tvístruðust

  tvist og bast, tvist og bast.

  Einn bévítans nýrnasteinadrullusokkurinn,

  skellti sér í langa ferð eftir mjóum þvagleiðara

  niður í blöðru.

  Átsj...Æ.....óóó...

  Var mætt á slysó í blóðprufur, þvagprufu,

  laserrannsókn á kviðarholi um klukkan

  fjögur síðdegis í gær.

  Heilu helv....haugarnir af steinum í báðum

  nýrum, og einn á "niðurgangi" hægra megin

  Og dugði ekkert minna en að gista á

  "skammverudeildinni" í nótt.

  Þar sem húsfreyju flökrar meinlega af

  öllum sterkum verkjalyfjum, s.s. Morfíni,

  Confortid, Parkodín forte...og ælir eins

  og múkki, þá slíkt fer inn í hennar

  yndislega blóðrásarkerfi, voru góð ráð

  dýr, þegar kom að því að verkjastilla

  húsfreyju.

  "Peth. og Phen. 25mg +25mg beint í æð"

  stakk húsfreyja upp á.

  Og það fékk hún, gegn því þó að prófa

  einn Confortid stíl.

  Ældi svo eins og múkki allt kvöldið og

  fram á nótt, af bévítans Confortidinu,

  og frábað sér frekari verkjalyf, nema ef

  Peth. og Phen kæmi án skilyrða.

  Var það að lokum samþykkt, þó greinilegt

  væri, að læknum og hjúkkum þætti þetta

  lúsarskammtur, sem dyggði skammt á

  ekkisens verkinn.

  "Skítt með það og lago" sagði húsfreyja,

  "mitt val að þjást svolítið.  Er með háan

  sársaukaþröskuld og þoli vel sársauka

  upp að vissum mörkum, þá bara steinligg ég".

  "Og sá sem er í öngviti finnur enga verki,

  en ég hef hvorki góðan haus né maga þegar

  rótsterk verkjalyf eru annars vegar....svo

  gefið mér bara Peth. og Phen. og svo

  Paratabs".

  Og það fékk hún, og varð ekki flökurt, og því

  síður þurfti hún að æla.

  Í morgun hlassaði helv...grjótið sér svo síðustu

  millimetrana niður í blöðru...hallelúja, þvílík

  sæla, og húsfreyja þar með útskrifuð med det samme.

  Þarf að vísu að mæta til þvagfæramyndatöku í

  byrjun okt. því nóg er hún með af fjandans

  grjótinu í "báðum" nýrum sínum.  Og búið að

  setja Eirík Jónsson í það að fylgjast með

  húsfreyju og "grjótmulningsvélum" hennar,

  "nýrunum".

  Er nú húsfreyja að pæla alvarlega í því hvort

  hún eigi að skella sér í "malargrjótsbuissnesinn",

  selja hvern stein rándýrt, en sandurinn verður

  heldur ódýrari.

  Jamm, húsfreyju fellur alltaf eitthvað til.

 

Athugasemdir

[Hólmdís Hjartardóttir, 15.9.2008 kl. 11:51]

æææææ en peth er ógeðslegast af öllu!!!!!!!!!!

[Sigríður Sigurðardóttir, 15.9.2008 kl. 15:47]

  Jamm, en samt það eina sem ég þoli, í litlum skömmtum

[Sigrún Óskars, 15.9.2008 kl. 18:46]

Æj Æj Æj ekki gott - þvílíkir verkir sem þetta grjót getur valdið. En þú ert komin með sjálfan yfirlæknirinn í málið - hann er góður - trúðu mér (vinn með þessum mönnum).

Kannski hægt að slípa steinana og gera skartgripi = jólagjafahugmyndir.

[Sigríður Sigurðardóttir, 15.9.2008 kl. 22:52]

  Já, ekki slæmt að fá E.J. í málið, Sigrún......bara assvíti góð hugmynd hjá þér með slípaða grjótið.

[arný (IP-tala skráð) 16.9.2008 kl. 19:31]

grjót,steina í jólagjöf.humm .....hvað með kuðunga?eða þú gefur M'ER bara beverly 1 og 2.

[Solla Guðjóns, 16.9.2008 kl. 19:55]

Peth og Phen..hvað er það nú ??

Gott að þú ert að brjóta þetta af þér...

[Sigríður Sigurðardóttir, 17.9.2008 kl. 13:52]

  Lofa engu með Beverly Gray systir, er erfiða að fá þær en "hálsmen úr nýrnasteinum".

  Pethidin Sollan mín, er sterkt verkjalyf, en fremur stuttvirkt, en Phenergan er ógleðistillandi.  Var iðulega gefið saman til að verkjastilla og koma í veg fyrir ógleði og uppköst eftir aðgerðir, hér íden.....og kannski enn.

  Jamm, ég er seig og læt ekki smá grjótmulning kýla mig niður.