Ein hrikalega skúffuð...

....yfir "svikum" heimsendaspámanna.

  Hér var húsfreyja búin að setja allt á fullt,

  til að gera allt klárt fyrir "heimsendann"...

  sem átti að vera "í DAG"!  HALLÓ!

  Og svo bara "púff"!

  Núll og nix!

  Nada!

  Enn og aftur klikka "heimsendakarlar" illilega.

  "Afsakið, en það hefur orðið "smá töf" á því að

  "heimsendi" verði....en við erum með málið í

  rannsókn, erum að reyna finna út hvað klikkaði....

  ...og reynum að kippa þessu í liðinn, sem fyrst".

  "Og komum vonandi með nýja "kórrétta" heimsendaspá,

  á næstu klukkutímum...eða dögum...vikum.....jamm..

  ...verður örugglega, pottþétt væntanleg klukkan

  12:12, 12.12.2012"!

  "En okkar færustu spámenn, hafa "LOFAÐ" heimsendi

  ekki seinna en klukkan 20:20, 11.09. 2020....eiga bara

  eftir að reikna "smotterís" frávik, með "hverfandi"

  skekkjumörkum.......afsakið..REKINN!!...ÉG........

  ...VIÐ spámennirnir!!....SKANDALL"!!

  Jæja, húsfreyja þarf þá ekki að hafa áhyggjur

  af því að hafa ekki fengið tíma í klippingu, svo hún gæti

  verið svolítið "smart" um hárið þá "hinsta stund"

  rynni upp....allavega nokkur ár í viðbót í hana.

  Og asskoti var hún heppin, að bankastjórinn

  hennar var á "kreppufundi" í fyrradag, svo hún náði

  ekki að sækja um nýtt lán.

  Verst að eiga nú eftir bévítans "stórþvott", því húsfreyja

  sá enga ástæðu til að eyða síðustu stundum sínum

  í skítuga leppa, þvottasorteringu og upphengingar.

  Þvotturinn gat bara græjað sig sjálfur inn í eilífðina...

  skítugur eða hreinn, skipti ekki öllu.

  Svo er bara öllu frestað...enn og aftur.

  Sjíss!

  Stórþvottur næst.

  Góðar stundir.....allavega fram að næsta heimsendi.

Hátíðarstemmning við hraðalinn

Athugasemdir

[Solla Guðjóns, 10.9.2008 kl. 23:24]

hELDUR ÞÚ AÐ ÞAÐ SÉ ÓHÆTT AÐ BÍÐA MEÐ AÐ SKÚRA OG SVONA........OG SJÁ SVO BARA TIL........

[Sigríður Sigurðardóttir, 11.9.2008 kl. 17:15]

  Jamm, Sollan mín, ef hreingerningar geta beðið í "nokkur ár"...því þessi tilraun stendur víst yfir árum saman....hefur eitthvað að gera með vandræði að láta öreindirnar "hittast"  í göngunum....eru víst svona agnar-pínu-örsmátt dótarí, sem er ekki endilega á leiðinn á "stefnumót" þó að í sömu göngum séu.

[Grétar, 16.9.2008 kl. 22:29]

Ekki gefa upp vonina, þeir eru bara að keyra prófanir ennþá. Heimurinn gæti endað 19. eða 22. Sept þegar þeir gera fyrstu alvöru tilraunirnar.