Það að vera lífrænn!

  Húsfreyja telur sig vera afskaplega "líffræna"

  manneskju og lífveru.

  Hún hefur heitt blóð, vaknar "sprelllifandi"

  á morgni hverjum, hefur góða hreyfigetu og

  þokkalega hreyfitækni, þó ekki taki hún að

  sér "handahlaup ala íþróttaálfurinn",

  og er með bullandi fínan hjartslátt flesta daga...

  .......ef bara ekki ALLA.

  Hún þrífst með ágætum í "lífrænum" heimi móður

  Jarðar.

  Brúkar "lífrænt" súrefni óspart, snöflar í sig

  frónversku lambakjöti sem snöflar í sig "lífrænu"

  grængrasi, berjum og trjágróðri á fjöllum.

  "Lífrænum" kjúllasteikum skellir hún ríkulega í

  sig og kjúllar þeir, "fyrir eldun", að sjálfsögðu verið aldir upp

  og fitaðir með gæða "lífrænu" fuglafóðri, sérlega

  unnið af "lífrænt" þenkjandi fuglabændum.

  Húsfreyja jafnvel þekkt af því að hafa "lífrænt"

  ræktað grænmeti og ávexti á borðum, sem hún

  fyllir maga sinn og annarra með, af og til.

  Leyfir hún sér stöku sinnum að tæma bikar af

  eðal "lífrænt ræktuðu" rauðvíni, eða litla bjórdós

  með innihaldi af "lífrænum toga".

  Telur húsfreyja reyndar "nokkuð öruggt", að flest það sem

  hún hefur í sínum fórum, hvort sem það eru, lifandi verur

  föt, húsgögn eða eitthvað matarkyns, sé ALLT myljandi

  "lífrænt"!

  Mismunandi hollt mannkyni, kannski...en ALLT svoleiðis

  svaðalega  "LÍFRÆNT", að það hálfa væri nóg.

  Enda hefur mannkyn ekki úr neinu öðru að moða,

  en "lífrænum" efnum móður Jarðar, þá því dettur í hug

  að "skapa, uppgötva og framleiða".

  Móðir Jörð gefur hráefnin, en mannkyn brasar við að

  sulla þeim saman á allan mögulegan, og

  ómögulegan máta, og útkoman er ekki alltaf góð.

  En að þau séu "ólífræn".......svei mér ef húsfreyja,

  er nokkuð að fatta þetta orð "ólífrænn"?.

  Ja, nema máske í þeim skilningi að eitthvað sé

  "steindautt"!  TOT!  DEAD!  MORTE!

  En þá brotnar dauði "óskapnaðurinn" mannanna allur,

  hvort eð er niður í frumeindir sínar fyrir rest

  (sumt á MJÖG löngum tíma", en rotnar samt)

  og verður AFTUR "lífrænt" hráefni.

  Svo hvaða mál er þetta með að banna að

  auglýsa "lífrænt" ræktaðar sígarrettur?

  Þær eru jú LÍFRÆNAR, for fa'en!

  Tóbaksframleiðendur vilja bara vera "memm"!

  Að vera "vistvænn" er hinsvegar allt annar

  handleggur.........

 

Bannað að auglýsa „lífrænt ræktaðar" sígarettur

Athugasemdir

[Solla Guðjóns, 8.9.2008 kl. 00:16]

Ég vissi nú ekki hvar þetta ætlaði að enda ......en lífrænætræktaðar síkó.....ég mein halló.....það má ekki auglýsa tóbak hvort sem er..........

[Sigríður Sigurðardóttir, 9.9.2008 kl. 13:56]

  Koma frá á tóbaksökrum móður Jarðar, Sollan mín.  Svo því ekki lífrænar?

  En hitt er annað að hér á litla Fróni má "EKKERT" auglýsa af svona "líkkistunagladóti", og gott ef það er ekki bannað að auglýsa eðalvín og bjór líka....þó auðvelt sé að komast fram hjá slíku, með því að auglýsa BARA léttbjórinn.  En auglýsingabann gerir vöruna ekki "ólífræna" í mínum augum.