Mikilvæg pappírsvinna!

  Húsfreyja sér eftir því á meðan hún lifir,

  að hafa ekki tekið lögfræðinginn í hjáverkum

   á kvöldin.

  Hefði hún haft einhverja rænu og vit á

  peningum á yngri árum, gæti hún í dag

  rukkað ríkið um "18 þúsund kall á tímann",

  fyrir þrotlaus pappírsskrif, tölvuskrif og svo

  ekki sé "helv...... eyðublaðadraslinu gleymt,

  EYÐUBLAÐASKRIF.

  Vissi þá ekki aura sinna tal í dag, húsfreyja.

  Væri í daglegu sambandi við umboðsmann

  "bláu handarinnar" um vænleg mál á

  fjármálamörkuðum sem þóknuðust "þeirru bláu.

  Hitti "kolkrabbana" reglulega í kavíarveislum, og

  boðaði framámenn í borgarstjórn á 4 mánaða

  fresti í "bakstungupartý"!

  Hennar aðal lestrarefni yrði síðustu skýrslur

  um milljarðatap "vitlausu" fjárfestanna, og svo að

  sjálfsögðu "ímeil stólpípuelskandi Frónverja"

  á erlendri grund.

  Hún væri lágmark alltaf með eitt "eiginhagsmunadómsmál"

  í gangi, og færasti lögræðingur landsins væri að sjálfsögðu

  hennar verjandi.

  Hún byggi í 560 fermetra húsi á 2 hæðum með "skælæti",

  innigarði, golfæfingaherbergi og 5 baðherbergjum

  sem 4 konur frá Asíulöndum tækju að sér að

  þrífa fyrir hana á mánudögum og föstudögum.

  Bóndi hennar hefði þar fyrir utan tvo tvöfalda bílskúra +

  billiardherbergi og japanskan skrautgarð í "garðhúsi".

  Bónda sinn hitti húsfreyja aðeins x 3 í viku ( ekki OFTAR

 því hún finnur hann ekki í húsakostinum vegna stærðar þess).

  Þau ræða þá nýjasta gróða- og fjármálaplott

  húsfreyju, hvort 7 ára djásninu gangi ekki vel

 að læra heima ( að þau hafi reyndar hvorugt séð hana

  né fundið síðustu 2 daga...en barnapían frá

  Litháen viti áreiðanlega hvað hún er),

  Hvort kominn sé "tími á nýjan borgarstjóra", og

  hvort ekki eigi að senda "bláu höndinni" 101 árs

  gamalt rauðvín frá "France", til að fagna því að

  "hundur handarinnar" átti 3 ára afmæli.

  Eins og húsfreyja sagði.....ALVEG eyðilögð yfir

  því að klikka svona á lögfræðingnum.

 

 

 

 

 

 

 

                                                                                                                                                    

 

 

 

 

 

 

 

             

 

 

 

                                                                       

 

Lögmaður kostar álíka og skip í dýptarmælingum