Hafa nú Frónbúar....

....fengið þá flugu í höfuðið, að innflutningur á "flugum" sé gott mál?

  Og húsfreyja nýbúin að láta eitra fyrir köngurlóarfárinu, úti á sínum herlega sólpalli.

  Les svo í málgagninu um "fluguinnflutning" til landsins, og það 250.000 býflugur.

  "Hobbýbýflugur"!

  Hmmm... hvað gera menn með "hobbýbýflugur", annað en að láta þær framleiða

  hunang?  Er eitthvað annað hægt að dunda sér með býflugum?  Hvað þá?

  Varla góð gæludýr eða húsdýr?

  Og er "býflugnahobbý" gott og ódýrt hobbý, svona í myljandi kreppu?

  Virðist vera frekar mikil áhætta finnst húsfreyju, að tapa hálfum

  "innflutningsvarningnum" vegna pappírsfargans á flugvellinum.

  Og hvað með ákvæði um "sóttvarnir" þá lifandi dýr eru flutt inn til landsins?

  Þurfa "hobbýflugur" þessar í sóttkví, í nokkrar vikur líkt og hundar og

  kettir?

  Og hvað ef "fluguhersing" þessi sleppur frá eigendunum, og týnist?

  Eru þær "örmerktar", svo hægt sé að skila flugnagerinu til síns heima?

  Eða verða þær burtflognu bara innlimaðar í frónverskt samfélag manna

  og dýra, öllum til gleði og yndisauka, að sjálfsögðu?

  "Hobbýnýbúar" í býfluguformi.  Tvöhundruð og fimmtíu þúsund!!

  Næstum því ein hobbýfluga á mann, hér uppi á litla Fróni.

  Bzzzzzzzzzzz..bzzzzzz.....verður næsta Eurosánd okkar Frónbúanna.

  Smá býflugnarvæn sólarpæling, hjá húsfreyju!

 

 

150.000 flugur drápust

Athugasemdir

[Jón Pálsson (IP-tala skráð) 12.6.2008 kl. 17:21]

Skammastu þín fyrir að eitra fyrir köngurlóm,þær eru valdur þess að allt sé ekki morandi í flugum í heiminum,þessi litlu dýr gegna lykkil hlutverki í að halda jafnvægi hér á jörð annað enn mannfólk.

[Heiður Helgadóttir, 12.6.2008 kl. 20:12]

Það er sagt að það eigi aldrei að drepa kóngulær, það er ógæfumerki  

[Solla Guðjóns, 12.6.2008 kl. 23:19]

Mig klægjaði þegar ég sá myndina.

Ég er nýbúin að lesa blogg hjá býflugnabónda í Danaveldi og verð að segja að ég sé svo eigingjörn að ég vil bara hunangið............

[Huld S. Ringsted, 12.6.2008 kl. 23:55]

Ég skil ekki til hvers er verið að flytja þessi kvikindi inn, lét sko eitra hjá mér

[Sigríður Sigurðardóttir, 13.6.2008 kl. 13:11]

  Þakka góð komment.

  Get huggað ykkur sem halda, að ég sé kolvitlaus kóngurlóabani, að eitrun þessi stjórnast ekki af mér.  Yndisleg fínleg stúlka að norðan eða austan, er granni minn, og hún og hennar maður hafa panta kóngurlóaeitrun fyrir húsið hvert sumar nú um nokkura ára skeið.  Mér sjálfri fannst bara hlýlegt að hafa eins og einn vef í horninu á sólpallinum, en svo urðu þeir 4, 5 eða 6,7,8, og þvottasnúran blandaðist í málin, svo ég læt eitrunina yfir mig ganga, svo prinsessan á heimilinu fái ekki slag, og hætti að þora út á sólpall.

  Flugur í gluggum þoli ég hinsvegar illa, enda köttur minn kominn á gæðafæði, frá húsfreyju sem verðlaun fyrir að "fluguhreinsa" alla glugga.