Tittlingasöfnun.....

....eða tittlingar á söfnum?  Merkileg mín þjóð, að vilja hafa uppstoppaða tittlinga til sýnis, af ýmsum karldýrum jarðar, og jafnvel beðið með "eftirvæntingu" eftir því, að gamalmenni á tíræðisaldri hrökkvi upp af, svo hægt verði að stoppa upp á honum tillann. 

  Og til hvers, spyr húsfreyja.  Eru vísindalegar "samanburðarrannsóknir" á typpalingum jarðar í gangi?  Stærð og lengd metin með tilliti til aldurs?  Koma þá "gæðin" inn í spilið?  Hvort "slit" sé yfirdrifið, sem gæti þá bent til ofnotkunar?  Eða hvað?

  Eða er þetta kannski bara "almenn forvitni"?  Þá kannski allt of margir karlar hér á jörðu, sem aldrei gjóa augum á limi sína, vegna feimni eða þá vegna yfirþyngdar með massívum "magavexti"?  Og þá jafnvel enn fleiri konur hér á vorri plánetu, sem "loka augunum" af blygðun, þá þær rjála við limi karla sinna?  Og kynmök karla og kvenna fara kannski, ENNÞÁ nú á 21 öldinni, fram að mestu leyti í "niðamyrkri", þar sem fólk svona meira "þreifar sig áfram"? 

  Nei, hvað veit maður?  Eru svona prívat mál, sem ekki eru rædd dags daglega í stórum hópi af fólki.  En einhvern veginn hélt húsfreyja að flestir yfir tvítugt, væru vel upplýstir í dag, um "útlit" reðurs á "venjulegum" karlmanni, og þá staðreynd að það er ekki lágt á þeim risið, þá þeir líta flotta konu augum í einrúmi og við rómantískar aðstæður.

  En kannski er húsfreyja komin hér út á hálan ís, og ætti að láta gott heita.  Veit hún vel að húsvíkingar eru snjallir að koma upp góðum söfnum, og hefur skoðað frábæra hvalasafnið þeirra.  Treystir hún þeim vel að meta "þörf" á reðum í safn sitt, manna eða dýra.

 

Reðasafnið á Reuters

Athugasemdir

[Sigrún Óskars, 17.5.2008 kl. 18:31]

Mér finnst þetta smá skrítið þetta safn, skil ekki tilganginn   , er hvort sem er lítið fyrir söfn yfirhöfuð. 

[Solla Guðjóns, 17.5.2008 kl. 22:29]

Vid æskuvinkonurnar kíktum á þetta safn fyrir einhverjum árum.ja fyrir utan að við vorum í hláturskasti þá fannst okkur allavega mér þetta verulega ógeðslegt.Minnti helst á kindavambir sem lagðar höfðu verið í vatn til hreinsunar.

Forvitnin rak okkur til að kíkja á þetta en ég verð að segja að mér persónulega finnst þetta furðulegt og fyndið að verða með svona söfnunar áráttu.

[Solla Guðjóns, 17.5.2008 kl. 22:31]

Mér lýst mun betur á þessa á myndinni sem þú ert með við þessa færslu.Þar eru þeir reisulegir og myndarlegir

[Unnur (IP-tala skráð) 18.5.2008 kl. 16:21]

Blessud

Get bara sagt ad íslendingurinn sem er svona ørlåtur, er i ætt vid vinkonu ydar..............Nefni engin nøfn    Afskaplega hjålplegt fólk i fjølskyldunni. Hvad er lítid kynfæri, ef hægt er ad hjålpa einhverjum til ad losna vid minnimåttarkenndina???????? Hlýtur ad vera munur å ad vera 100åra og tvítugur. Misjøfn eru åhugamål mannanna...........

[Sigríður Sigurðardóttir, 18.5.2008 kl. 20:07]

  Jamm, Sigrún.  Flest söfn tileinkuð einhvers konar fróðleik, listum eða fornminjum....reðurssafnið flokkast þá kannski með "fornminjunum"??

  Já, Sollan mín myndin er ansi reisuleg hreint, og á vel við.  Get líklega séð sjálfa mig fyrir mér í hláturskasti á svona safni....kindavambir... hehehehehe... þú ert alveg frábær.

  Vinkona, velkomin á bloggið til mín!  Svo "reðursreddarinn" er af "góðum, hjálpsömum ættum".  Brilliant.  Við förum saman, næst þú vísiterar litla Frón, og skoðum "herlegheitin" þarna fyrir norðan.