Netið tengt...eða..hvað..jú....

...en "signal very low eða not connected"!

  Húsfreyja búin að reyna að skella "gáfulegum og snörpum" pistlum inn á bloggsíðu sína í allan dag.  -PIFF-.  Allt úti.  Fjandinn í fiðraðri tjöru.

   Og húsfreyja sem ætlaði að fjalla um offitu, kaós og ofhitnun jarðar.  Og klikkja svo út með því, að monta sig af því að sækja prinsessuna á heimilinu "gangandi" í skólann.  Sjíss!

  Svo er húsfreyja bara með "signal" á núlli, eða með "signal" upp á 0,5.....dugir ekki einu sinni fyrir "hnerra" á bloggið hvað þá meira....aaaaaaatsjúú!   Afsakið.  Smá kvef að hrjá húsfreyju.

  "Hruuuumph"...eins og afi minn sálugi sagði svo oft þá hann var pirraður.  Og "andsk..... í gallsúrri mysu", var annað gott sem hann sem hann notaði í kaós og veseni.  Enda hefur húsfreyja ALDREI getað drukkið mysu, og á slæmar minningar um "þurran" mysing ofan á brauð, svo....

    ...."ANDSK.....Í SÚRRI MYSU"!

  Jæja, þá er sá ekkisens pirringurinn frá.  Nennir aldrei að vera lengi á bólakafi í pirringi og leiðindum, húsfreyja.  Er svona andstætt hennar eðli.  Svo hún skellti sér út og verslaði nýjan taum handa kattarrófunni, afmælisgjöf handa múttu sinni og smá glaðning handa vinkonum sínum.  Kom svo heim og skellti í þvottavél, henti kettinum út að "brýna" og "fór gangandi" að ná í prinsessuna í skólann.  Er að vísu ekki nema 7 mínútur upp bratta brekkuna upp á skólalóð frá heimili húsfreyju.....en 7 mínútna ganga er betri en enginn!   Og það er á brattann að sækja.

  Svo hananú!

  Kötturinn svo búinn að vera úti í ægilegum ham við að brýna, og sýna öðrum köttum í hverfinu vald sitt.  Bévítans þorparinn, hann Gullmoli, á ekkert með að vera að valsa inn á hennar heilagasta yfirráðasvæði.  "Hvæs....hvisssst....mjááávvrrrrr".  Prinsessan farin í hjólaferð á nýja sumarhjólinu sínu, og kemur svo og gefur skýrslu um atgang, hamagang og bræði Bröndu út í Gullmola.

  En að lokum gullkorn dagsins:

          Mikil málefni kalla á okkur-frelsun kvenna,

          menntun barna, að kveða niður hatur,

          manndráp og fátækt-allt þetta og meira til.

          En raddir þeirra boða vinnu fórnir og dauða.

          Megi okkur auðnast að finna leiðina.

                                       (W.E.B. du Bois (1868-1963).

  Góðar stundir.

 

  

Athugasemdir

[Heiður Helgadóttir, 17.5.2008 kl. 13:04]

Mér þótti nú mysingur alltaf voða góður. Óska þér góðrar helgar

[Sigríður Sigurðardóttir, 18.5.2008 kl. 20:09]

  Takk ljúfust, eigðu góðar stundir sömuleiðis.