Allah segir RÆS!

  Þá húsfreyja gisti íðilfagrar strendur Túnis, fyrir allmörgum árum, háði það henni illilega hvað islamar eru árrisulir.  Hrökk húsfreyja, þá ung og kvöldhress ungfrú, upp fyrir allar aldir á morgni hverjum, í 3 vikur, við hið ægilega "ææææææjjjjæææjjalllalllallllah"-kall.  Hvernig sem húsfreyja reyndi að troða töppum í eyru, og hálfkæfa sig með þykkum koddum, nísti hið volduga bænakall í gegnum merg og bein.  Ekki nokkur svefnfriður!!

  Var það svo baugótt og gapandi syfjuð ungfrú, sem mætti til leiks í skoðunarferðir, gönguferðir nú og eða við sundlaugina dag hvern.  Lá húsfreyju margoft við drukknun í sundlauginni, þar sem hún flaut hálfsofandi í volgu tæru vatninu.  Hefði það ekki verið fyrir súper hressan fransmann upp á ein 100 kíló, sem fleygði sér í laugina á á fljúgandi fart á 5 mínúta fresti, og gargaði "VIVE LA FRANCE", hefði húsfreyju líklega tekist að drekkja sér "óvart" og steinsofandi! 

  Allar stundir síðan, hefur húsfreyju verið frekar hlýtt til "þykkholda fransmanna".  Og fílar þá alveg í tætlur, þá þeir stunda það að "gára" sundlaugar", með öldum upp á 3 metra.  Leitar hún uppi slík eðalmenni, þá hún vísiterar erlendar sundlaugar og strendur.  Setur niður baðhandklæði sitt í návígi við þá, og hættir sér ekki út á vindsæng sína, fyrr en þeir eru komnir í verulega góðan "fótaspyrnugír" að steypa sér í laugina, eða djöflast sem óðir í sundbolta við ströndina.  Þá er húsfreyja ALVEG örugg um líf sitt og annarra fjölskyldumeðlima, og tekur jafnvel undir þá fransmennirnir orga:  "VIVE LA FRANCE"!! 

Bilun í hugbúnaði kveikti á bænakalli

Athugasemdir

[Sigrún Óskars, 3.5.2008 kl. 18:33]

Ég er fegin að búa ekki nálægt Listaháskólanum og þurfa að hlusta á þetta bænakall á klst. fresti eins og segir í fréttinni. Ef aftur verður bilun og þetta hljómar nótt eftir nótt?

Eigðu góða helgi - vorið er sko komið!

[Sigríður Sigurðardóttir, 3.5.2008 kl. 19:12]

  Jamm, á ekki við húsfreyju, það segir hún satt.  Nóg hávaðamengun samt allt í kring.

[Neddi, 3.5.2008 kl. 20:31]

Fréttin segir um það að þetta eigi að vera á klukkustundarfresti heldur 5 sinnum á dag í eina mínútu í senn. Þetta eru því samtals 5 mínútur á dag. Það ætti nú ekki að raska ró manna mikið, sérstaklega ekki þar sem að það eru byggingarframkvæmdir með tilheyrandi hávaða í næstu götu og sá hávaði er 10-12 tíma á dag, líka á laugardögum.

[Sigríður Sigurðardóttir, 3.5.2008 kl. 20:40]

  O, jæja hver hefur sinn smekk, Neddi.  Fyrir mér er þetta hávaði, enda vöknuð við minni hávaða en bænakall,  á 3 sekúndum.  En byggingarframkvæmdir eru svo eitt það alversta sem ég hef orðið að þola.  Svo eins og ég sagði, nóg er af hávaðamengum allt um kring.

[Neddi, 3.5.2008 kl. 22:15]

Það var nú líka talað um að bilun hafi valdið því að bænakallið fór í gang í nótt. Þetta ætti því ekki að halda vöku fyrir mönnum umfram aðra hávaðamengun.

En það er víst rétt, hver hefur sinn smekk. 

[kristján (IP-tala skráð) 3.5.2008 kl. 23:53]

Trúið þið því virkilega að um "bilun í búnaði" hafi verið að ræða?? Hvað átti maðurinn að segja, þetta hefði verið fjarlægt með þessu framhaldi þ e kl 05 um NÓTTINA. Fólk þarf nú líka að sofa til að geta stundað dagvinnu sína.

Hef gaman af list sem og gjörningi og finns uppátækið skemmtilegt nema, ég vill ekki vera neyddu til að hlusta á trúarboð múslina frekar en annara reyndar og hvað þá klukkan 05 á morgni. Kannski ættu samkynhneigðir á nota gaypride vikuna sína til að spila lagstuð úr gaypride laginu sínu svona sem list og áminningu um missrétti í heiminum KLUKKAN 05 um morgun.

Það er líka list, með boðskap.

Og mér þætti það líklega bara "notarlegt" að heyra, þó ég gæti kannski bara keypt mér tímastilli á græjurnar mínar hér heima til að láta þetta vekja mig í notarlegum heitum snemma morguns.

Kaupið diskin ef ykkur í RAUN finns þetta svo notarlegt og spilið fyrir ykkur sjálf.

[Sigríður Sigurðardóttir, 4.5.2008 kl. 17:14]

  Tja, nokkuð til í þessu hjá þér, Kristján.

  Er sammála þér að klukkan 5 á morgnana, eru flest "hljóð" óhljóð en ekki list.  Og veruleg truflun á svefnmynstri, svo ekki sé meira sagt.  Bara uppáskrift á úrillsku og skapvonsku í vinnunni.

  En hvort "bilaði" eður ei, veit ég ekki.  Það verður "listamaðurinn" að eiga við lögregluna.

  Þakka inlitið.