Frónbúar athugið!

  Vegna sérkennilegrar heilbrigðismálastefnu og sumarlokana á sjúkrahúsum litla Fróns, eru Frónbúar vinsamlega beðnir um að láta af öllu veikindabasli í sumar. 

  Bráðaveikindum sem ekki verður hjá komist, verður að sjálfsögðu sinnt, en önnur veikindi eru ekki vel séð. 

  Eru Frónbúar beðnir um að "skrá sig á biðlista", séu veikindi þeirra langvinn en ekki lífshættuleg eða smáaðgerðaþurfi.

  Barnshafandi konum "á steypinum", úti á landi, er ráðlagt að reyna að "halda í sér" í 4-7 vikur, ef barnið er ekki fætt fyrir 10 júní.  Að öðrum kosti er það "gangurinn" á fæðingardeildinni, í Reykjavík með þunnu tjaldi í kringum rúmið, algerlega "óhljóðeinangrað" og algerlega kolvitlaust að gera!

  Slys eru sérstaklega illa séð yfir sumarið, sérstaklega þau er þurfa svo aðgerða við.  Smáskrámur eða svöðusár, sem með góðu móti er hægt að "bródera saman" á innan við 10 mínútum eru hinsvegar velkomin.

  Aldraðir eru vinsamlega beðnir um að "eldast ekki" í sumar...allavega ekki neitt að ráði, og er bent á að forðast mannfagnaði þar sem von er á umgangspestum og flensufári.  ATHUGIÐ!  Vítamín og Gingseng verður selt á uppsprengdu verði í lyfjaverslunum!

  Þeir Frónbúar sem eru að bíða eftir stóraðgerðum...þið verðið bara að bíða LENGUR!

 

            NEI, grínlaust!  Þetta er ekki í lagi!  Sumar eftir sumar!  Ár eftir ár!

Dregið úr starfsemi sjúkrahúsa

Athugasemdir

[Hólmdís Hjartardóttir, 25.4.2008 kl. 20:59]

Nei þetta er sko ekki í lagi. Og ekki er ástandið að batna.

[Sigríður Sigurðardóttir, 25.4.2008 kl. 22:17]

  Sei, sei, nei, Hólmdís!  Og svo er alltaf talað um "bruðl" og "halla" í heilbrigðiskerfinu, en aldrei talað um "þá peninga sem sparast" þegar við skilum heilbrigðum einstaklingum út í þjóðfélagið aftur.  Þegar ekki þarf að greiða lengur "veikindafrídaga", og einstaklingarnir fara aftur til vinnu og skila tekjum til þjóðarbúsins.  Því meta stjórnvöld, góða heilsu og heilbrigði svo lítils?  Sorglegt.

  Takk fyrir innlitið.

[arny (IP-tala skráð) 26.4.2008 kl. 15:48]

nei þetta er ekki gott.en hvað um það .allir að hressast hérna.þó sumir séu hressari en aðrir.b.kv addý

[Sigríður Sigurðardóttir, 26.4.2008 kl. 21:26]

  Gott að heyra, systir.  Eitthvað er karl minn að hressast líka, svo líklega kíkjum við Báran á ykkur á morgun, ef þið eruð ekki á faraldsfæti.