Sigríður Sigurðardóttir

15.4.2008 | 13:28

Í endurvinnslu?

Praying_Dog Það hvarflaði að húsfreyju, að þarna væri rabbíninn Rabinowitz kominn í bullandi "pappírsendurvinnslu", sem hliðarstarf við bar mitzvah, giftingar og jarðarfarir Grin . Bréfin skipta jú þúsundum. Og eitthvað þarf af pappír í öll þessi bréf.

Alltaf fundist þetta merkileg leið, til að spjalla við Guð, hjá ísraelsmönnum og konum. Að skrifa honum/henni bréf, á húsfreyja við. Hér uppi á litla Fróni er nóg að biðja hljóða bæn með sjálfum sér, eða jafnvel bara í huganum, og Guð heyrir. Og það bísna vel, að mati húsfreyju. Man húsfreyja ekki eftir, að Guð hafi hundsað bænir hennar.

Minnir húsfreyju á annað. Hann Neale Donald Walsch hefur ritað ansi skemmtilegar bækur, þar sem hann ræðir við Guð. Hefur húsfreyja gluggað í þær og um bænina, stendur á einum stað í fyrstu bók hans:

"Engin bæn, og bæn er ekkert annað en brennandi yfirlýsing um

"hvað er svona"-er látin ósvöruð.

Sérhver bæn, sérhver hugsun, sérhver yfirlýsing, sérhver tilfinning

er skapandi. Að því marki að hún er innilega fram borin í sannleika,

að því marki mun hún verða látin birtast í reynslu þinni".

...... ........ ......... ..........

"Þess vegna, ef þú þrábiður, þá virðist vera mun minni möguleiki á

að þú munir upplifa það sem þú heldur að þú sért að velja,

vegna þess að grunnhugsunin á bak við sérhverja áköllun er sú

að þú hafir ekki núna það sem þú óskar eftir. Sú grunnhugsun

verður raunveruleiki þinn.

Eina grunnhugsunin sem gæti yfirunnið þessa hugsun er sú hugsun

í einlægni og trú að Guð muni veita allt sem beðið er um.

UNDANTEKNINGALAUST. Sumir hafa slíka trú, en mjög fáir".

Samræður við Guð eftir Neale Donald Walsch.

Fannst margt í bókum Walsch merkilegt, og gaman að lesa. Svona heilbrigð speki, um samband okkar við Guð. Er byrjuð að lesa fyrstu bókina aftur Joyful .

En næst að veraldlegri málum. Sumarfrí bónda eru í deiglunni, og húsfreyja verður að bjalla í skólann til að kanna hvort frístundaheimilið verður eitthvað opið í sumar. Verðum annars að vera á sitt hvorum tímanum í sumarfríi, hjónaleysin, og húsfreyja að taka "launalaust frí" í ofanálag Errm . Og allt í bullandi falli hjá Dabba og krónunni, og orðið "kreppa" á hvers manns vörum. Jamm, grillum kannski bara brauð og kartöflur í sumar, og drekkum vatn með Halo .