Ef í hart fer...

... og allt rignir niður og ekkert verður tendrað með speglum og sólarljósi, er húsfreyja svo sannarlega tilbúin að skreppa til Ólympíu og "kenna" þeim grísku að kveikja eld.  Þó húsfreyja segi sjálf frá, hefur hún verið snillingur í því að kveikja á kertum "með eldspýtum", árum saman (alveg frá því að hún brenndi vísifingur sinn 5 ára gömul á eldspýtu).  Hefur meira að segja brúkað "gaskveikjara" með bísna góðum árangri, á stjörnuljós og blys um áramót!  Er alvön áramótabrennum, Þjóðarhátíðarbrennum og jafnvel stöku "jólaskreytingabrennum" í desembermánuði!  Svo hún óttast hvorki eld né eldingar, og hefur aðeins tvisvar brennt við mat í eldamennsku á ævinni.

  Fer húsfreyja aðeins fram á fríar flugferðir og gistingu á vinalegu hóteli, í lágmark viku í Ólympíu, í laun, og 150 evrur á tímann fyrir "kennsluna" á eldspýturnar og kveikjarana ("verða að vera evrur", ALLS EKKI frónverskar niðurhrundar krónur).  Bara bjalla í húsfreyju, hún mætir og málið er DAUTT!

Æfa að kveikja ólympíueldinn

Athugasemdir

[Heiður Helgadóttir, 23.3.2008 kl. 17:24]

Ég læt þig vita ef að ég frétti af einhverjum sem að vill borga þér 150 á tímann

Ef ekki þá gæti verið upplagt að vera með námskeið í einmitt þessu að kveikja á kertum og stjörnuljósum knus á páskadaginn

[Sigrún Óskars, 23.3.2008 kl. 21:47]

Ég gæti komið með þér og verið til taks ef........   

[Sigríður Sigurðardóttir, 23.3.2008 kl. 22:32]

Takk fyrir það, Heidi.  Jamm, kannski að eldspýtur og kveikjarar séu ný bóla víða.  Við stofnum "námsdeild"!

  Sigrún, þú verður sett á slökkvitækin....just in case!

[Kristín Henný Moritz, 23.3.2008 kl. 23:41]

Sigga frænka... má ég vera memm líka?!?

[Sigríður Sigurðardóttir, 24.3.2008 kl. 10:03]

  Ekki spurning, Hennsla.  Þú svo ung og létt á fæti, getur tekið að þér að hlupa "ólympískan" hring út í sjoppu, eftir eldspýtum og kveikjurum, svo hinir grísku læri nú á allt ferlið frá A-Ö.

   Stuðningsmenn og klapplið einnig ávalt velkomið, Móðir.