Ríkisbubbinn, hún mútta!

  Mútta mín er á þessum dásamlega óræða aldri ellilífeyrisþeganna, og hefur í ofanálag verið ekkja síðustu 5 árin.  Hún hefur til skamms tíma notið þess, að fá heilar "8. þúsund krónur" frá ríkinu, en þær fóru að berast henni eftir að pabbi sálugi kvaddi þennan heim.  En ekki meir, ekki meir.  Nú hefur hið framsýna og réttvísa ríki okkar Frónbúa ritað múttu sendibréf, og tjáð henni að nú fái hún aldrei framar þessar 8.000 krónur frá því.  Nú sé komið nóg!  Nú þurfi hún sem "moldríkur" ellilífeyrisþegi, og fyrrum verkakona með rúmar 50.000 krónur í laun á mánuði, ekki lengur á þessum peningum að halda.  Nú sé það alger "óþarfi" fyrir hana, að vera að splæsa á sig salti í grautinn eða nýjum sokkum lengur.  Saltið er hvort eð er "óhollur andskoti", og gamla sokka má stoppa í ...."endalaust" .  Óskar ríkið henni innilega til hamingju með þessa "launalækkun", og segja það undur og stórmerki að hún  hafi "tórað" í heil 5 ár eftir andlát maka síns, en það sé algerlega andstætt norminu!  Það sé ríkisins einlæga von, að með þessari aðgerð takist því að koma henni "undir græna torfu" sem allra fyrst, svo hún þurfi ekki að gutla svona gaufast um "makalaus" árum saman .  Jamm!  Alltaf að hugsa um hag þeirra öldnu, ríkið.  Nei, í alvöru.  Er þetta í lagi?

Athugasemdir

[Huld S. Ringsted, 13.9.2007 kl. 21:27]

Nei þetta er sko ekki í lagi!! Það er ömurlegt hvernig hlutirnir eru orðnir hér á landi gagnvart öldruðum, öryrkjum og fötluðum, það er eins og þessi þjóðfélagshópur sé eitthvað sem geti bara átt sig

[Sigríður Sigurðardóttir, 14.9.2007 kl. 00:01]

  Já, takk fyrir það Huld.  Það er eins og aldrei sé hægt að spara eða skera niður  annars staðar en hjá þessum hópum.  Merkilegt.  Ætli ráðherrar og þeir er ríkinu stjórnar verði aldrei gamlir og þreyttir, lendi aldrei í því að verða öryrkjar vegna slysa eða sjúkdóma og því síður í því að eignast fötluð börn?

[Heiður Helgadóttir, 15.9.2007 kl. 10:48]

Það er skömm að þessu,  kona sem að er ein af þeim sem að hefur byggt upp landið okkar. Á ekki gamla fólkið okkar rétt á sómasamlegu lífi, SVEI ATTAN

[Solla Guðjóns, 22.9.2007 kl. 16:00]

Sigga ertu að meina þetta Gerum atlögu að ríkinu ég heilega er brjáluð yfir að heyra þetta um mína vinalegu nágrannakonu......og reyndar hvaða konu sem er...getum við ekki gert eitthvað í þessu .....er maður allstaðar sama peðið???

Knús á þig