Júdas seinn í partýið.

  Óskaplega viðkvæmni er þetta hjá biskupi.  "...verið að fara yfir öll velsæmismörk......fólk ber ekki virðingu fyrir neinu"!  Ææææ!  Þetta er ein af mörgum sögum Biblíunnar um Jesú Krist, þar sem Júdas var í einu aðalhlutverkinu ásamt Jesú.  Ef eitthvað, fannst mér auglýsingin undirstrika mikilvægi Júdasar í þessari atburðarrás.  Því hefði Júdas ekki verið mættur til að svíkja Krist, væri kristin trúarbragðasaga ef til vill öll önnur í dag.  Og var þar fyrir utan þrælfyndin, auglýsingin .  Bara gott grín.  Svona alveg í anda þeirra Spaugstofumanna.  Og þar fyrir utan, þá er ég hundrað prósent örugg á því, að Guð er með myljandi fínan húmor og kann að meta gott grín .

Biskup segir nýja auglýsingu Símans smekklausa

Athugasemdir

[halkatla, 4.9.2007 kl. 15:19]

það er ótrúlega leiðinlegt hvað svona móðgunargirni hefur slæmar afleiðingar, gefur þeim sem viljandi misskilja tilefni til að hneykslast og svo framvegis. Jesú hefði ábyggilega hlegið manna mest að þessu, etv gerir hann það hver veit?

[Sigríður Sigurðardóttir, 4.9.2007 kl. 17:47]

 Takk fyrir það, Anna Karen.  Er svo innilega sammála.  Jesú hefur áreiðanlega afbragðshúmor, alveg eins og "faðirinn", og sjálfsagt hlegið dátt, ef hann hefur rekist á þessa auglýsingu í "alheimspóstinum".

[Solla Guðjóns, 5.9.2007 kl. 02:13]

Hahah og ég kjáninn sagði  kva er verið að auglýsa Spaugstofuna....