"Trippað" andrúmsloft og Joy í bráðaóráðsíukasti!

  Alltaf fundist Ítalarnir "dálítið örir"!  Þetta er kannsk skýringin!  Eru ef til vill allir á mergjuðu "kókaíntrippi"!!

  Verra með hana Linu Joy í Malasíu, sem líklega þjáist af heilahimnubólgu, eða "bráðaóráðsíukasti"!  Datt í hug að skipta bara sisona um trú!  Gerast kristin kona, og kveðja hina herlegu "sjaríalaga islama"!  Sjaríalagamenn sáu við henni engu að síður, þó trúfrelsi sé í Malasíu, og létu æðstu dómstóla landsins "banna" henni að skipta um trú!  Enda hvergi "sælla að vera kona", en í því trúarfélaginu!  Þar "sólbrenna" aldrei konur, nema kannski rétt á "augnlokunum", þurfa aldrei að stressa sig því að "kjósa rétt" í landskosningum (hafa ekki kosningarétt), þurfa aldrei að vinna "úti" (er bannað konum), þurfa aldrei að bíða einar eftir strætó (bannað að fara "einar" út fyrir veggi heimilis síns) og þurfa aldrei að hafa áhyggjur af því að verða "hundgamlar ekkjur" (deyja úr sulti áður en til þess kemur)!  Og sé þeim nauðgað, er þeim reddað "fríu fæði og húsnæði" med det samme, það sem þær eiga eftir ólifað.....í einu af hinu herlegu fangelsum þeirra sjaríamanna!!  Dýrðlegt líf, sem hún er að hafna, hún Joy!  Von að sjaríalagamenn séu bálvondir og hóti að myrða hana!  Enda konan orðið að vera í felum allt síðasta ár!!  Henni var nær!!

  Nei, í alvöru!  Árið er 2007, og við erum enn að berjast við gráa forneskju í mannréttindamálum!!  Er þetta í lagi??

Kókaínagnir í loftinu í Róm

Athugasemdir

[G. H. (IP-tala skráð) 3.6.2007 kl. 07:33]

Hvað í ósköpunum ertu eiginlega að tala um? Hefurðu einhverntíman komið til Malasíu?

 Meðal helstu staðreyndavilla:

-"Sjaríalagamenn" eins og þú kallar þá létu engan gera neitt, dómstólar lásu einfaldlega stjórnarskrá landsins og komust að þeirri niðurstöðu að þeir hefðu ekki lagalegan rétt til að afskrá hana sem Múslima - aðeins sharia réttur hefur þann rétt. Það er auðvitað fáránlegt, en það er mikilvægt að fara með rétt mál engu að síður.

-Malasískar konur þurfa ekki að hylja andlit sit, þær eru meira að segja frægar fyrir óvenjulega skrautlegan klæðaburð og vekja athygli hvert sem þær fara í múslimaheiminum fyrir litagleði sína

-Malasískar konur hafa víst kosningarétt, þetta er ein alvarlegasta rangfærslan hjá þér.

-Malasískar konur mega víst vinna úti og ferðast um einar, þetta er gríðarlega alvarleg rangfærsla

-Malasískar konur deyja ekki úr sulti ef maðurinn þeirra deyr, sjá fyrir ofan

-Almennt séð er ekkert ólöglegt við það að vera nauðgað, þó vissulega geti það kallað skömm yfir fjölskylduna eins og í svo mörgum nágrannaríkjum Malasíu þar sem Islam er EKKI við líði

Að lokum ber að taka fram að mér finnst þetta gríðarlega sorglegt mál sem er í gangi núna í Malasíu en vonandi verður það til þess að Malayar öðlist sömu mannréttindi og aðrir kynþættir í Malasíu. Það hjálpar hins vegar engum að rugla landinu saman við Sádí Arabíu á sterum. 

[Sigríður Sigurðardóttir, 4.6.2007 kl. 20:21]

  Takk fyrir leiðréttingarnar!  Biðst afsökunar ef ég hef sett þetta óskýrt frá mér!  Var auðvitað "eingöngu" að ræða um konur af "trúflokki sjaría", ekki konur í Malasíu almennt!  Veit að þó að konur njóti almennt kosningaréttar í Malasíu, þá er mjög erfitt fyrir konur í "trúfélagi sjaría" að nýta sér þann rétt sinn! Nýta hann þá mjög takmarkað, og í óþökk við sitt trúfélag!  Einnig veit ég að hinn hefðbundni klæðnaður sjaríakvenna er langt frá því að vera "frjálslegur eða léttur", þó sjálfsagt brúki þær fleiri en einn lit!  Hef sjálf átt í ágætum bréfaskriftum við katólska konu frá Malasíu, og gat ekki betur séð, á þeim skrifum, að þar væri þjóðfélag hið litríkasta og besta yfirhöfuð! Og að konur væru yfirleitt í góðum málum þar, enda ætlaði ég þeim "almennt" ekki þennan pistil minn!  Hef því miður aldrei vísiterað Malasíu, en hver veit nema það verði einhvern tímann!

  En hafðu þökk fyrir kommentin!  Alltaf gaman að ræða málin.

     Kveðja, S.

[G. Hrafn (IP-tala skráð) 7.6.2007 kl. 20:18]

Ég þakka þér sömuleiðis fyrir að taka þessu eins vel og það var meint, ég er enginn verjandi Sharía eða Salafisma :)

 Með kveðju,

--- G. H.