Minna mark er málið....

  ...í fótbolta!

  Snilld!

  Fækkar óneitanlega mörkum, að hafa markið minna.

  Kannski bara aukaatriði að vera yfirhöfuð að

  skora einhver mörk.

  Minnkar álag á markvörðum.

  Minnkar spennu og streitu

  hjá knattspyrnumönnum á velli þar með.

  Lítil pressa að þurfa að JAFNA

  eða ...forði forlögin oss frá slíku og þvílíku..jafnvel að komast yfir.

  Spilað verður ævinlega upp á JAFNTEFLIÐ 0-0,

  og hvort liðið geti sýnt "flottari snilldartakta"

  í leiknum.

  Og hvort menn hafi "lesið" leikinn rétt!

  Geta bara dundað sér við að spila "glæsilegan"

  fótbolta úti á miðjum velli og þurfa ekki að

  hafa neinar áhyggjur af því að koma tuðrunni í "míni-markið"!

  En máske er hægt að fá "ísknattleiksmörkin" lánuð?

  Þau eru hæfilega stór fyrir fótbolta á stærð við "pökk", hæpið að

  venjulegur fótbolti kæmist nokkurn tíma í mark.

  En svo getur húsfreyja athugað hvort mörk strákanna

  frá í fyrra hér í hverfinu séu ekki laus....þau voru ætluð

  4-7 ára fótboltapeyjum.

  Svo gætu snjallir uppfinningamenn ef til vill

  fundið upp mark er "skryppi saman" þegar tuðran

  kæmi inn fyrir 5 metra radíus frá því.

  Eða mark sem "stykki út á hlið" eða "upp í loft",

  þegar fótbolti stefndi hraðbyri til þeirra......tæki máske

  nokkur "Moonwalk-spor ala Jackson" svona í leiðinni

  til að auka skemmtanagildið.

  Jamm.

  En næsta víst að þá yrðu markverðir óþarfir.....og

  ekki víst að fótboltamenn og konur yrðu ánægð með slíkt fyrirkomulag.

  En kannski að Christensen hinn danski, sé bara ekki að

  fíla sig sem markvörður í fótbolta....máske dreymir

  hann æsandi drauma um spegilsléttan ís, pökk,

  kylfur og "mínimörk"!

  Hvað veit húsfreyja.

  Skondin og óvenjuleg frétt eigi að síður.

  Góðar fótboltastundir.

 

 

 

Markvörður svindlar

Imbavandinn.

  Húsfreyju sundlar.

  SVIMAR!

  Getur svo svarið að hún sá skuggann

  af honum Paul Robinson í "Nágrönnum"

  á veggnum hér við hliðina á sér áðan.

  Jamm.

  Húsfreyja er sem sagt búin að fá nýjan imba.

  Fóstursonur og hans heittelskaða hætt við

  að þrauka kreppubílífið á litla Fróni, og

  vilja í ríki hins herlega norska kóngs.

  Imbinn þeirra of stór og fyrirferðamikill í

  millilandaflutninga

  Bóndi hvort eð er verið að redda imbagreiðslum

  mánaðarlega fyrir soninn, svo hingað í hús er

  imbi þessi kominn.

  Allar 37 eða 40....eða eru það 44 tommurnar?

  DJÍSUSS!

  Húsfreyja efast um að hún eigi nógu stórt

  málband til að mæla dýrðina.

  Eftir 2 og hálfan mánuð með litlum sætum 12

  tommu imba skreyttan límmiðum átta ára djásnsins,

  er breytingin myljandi MÖGNUÐ!

  Húsfreyja nánast stekkur upp úr sæti sínu

  á kvöldin til að reyna að grípa Ödda eða Sveppa í miðju falli

  í einhverjum fíflaganginum.

  Þolir ekki auglýsingar eða myndskeið með "úfnum sjó"...

  afsakið aðeins að skreppa.....verður grængul af mergjaðri

  sjóveiki um leið.

  Leggur bolla og diska á borð fyrir Joey og Josh í "Friends",

  þegar þeir mæta.

  Og talandi um að fá allar verstu fréttirnar beint inn á

  stofugólf til sín......húsfreyja situr með þær í "fanginu"!

  Eigum við að ræða CSI og "ofurrannsóknarvinnuna" þeirra á

  alls konar líkamsvessum, líffærum og útlimum dauðra......?

  Nah.

  Nóg að húsfreyja sé með æluna uppi í háls.

  Og nú rétt í þessu getur húsfreyja svo svarið að

  Paul Robinson Nágrannanna hinna áströlsku

  varpaði "skugga " á vegginn við hlið hennar.

  Úúúúíííí!

  Svimi og sundl!

  Rugga og róla!

  Húsfreyja vill helst sitja uppi á eldhúsborði

  með bakið upp við gluggarúðuna, þá hún

  glápir á nýja imbann sinn.....í 5-6 metra fjarlægð

  frá sjálfu tækinu.

  Svona betri "12 tommu -fílingur" þar.

  Bóndi og átta ára djásnið eru alsæl.

  Segja að húsfreyja eigi eftir að "venjast" flatskjásferlíkinu.

  Jamm.

  Situr í eldhúsglugganum þangað til.

  Horfir hvorki á Nágranna með Paul Robinson, eða

  CSI fyrr en liðið í sjónvarpinu hættir að "varpa skuggum" á

  veggi annars staðar í stofunni.

  HLUSTAR á sjónvarpsfréttirnar.... eingöngu.

  Góðar stundir og megi allar ykkar sjónvarpsstundir vera skuggalausar.

 

 

 

 

Hverju færð þú áorkað?

  Húsfreyja varð hugsi við spurninguna.

  Fékk hún yfir höfuð "einhverju" áorkað?

  Skiptu hennar athafnir, orð eða skoðanir

  einhverju máli í hinni stóru mynd þjóðfélags

  sem rambaði á barmi örvæntingar, reiði og

  vonbrigða vegna kreppu og bankahruns?

  Hvert var "framlag" húsfreyju í þjóðfélagi sem

  boðaði aðhald, niðurskurð og sparnað?

  "Jú, svaraði húsfreyja hægt, "ég finn stað fyrir krafta

  mína og vinnu í hinni daglegu jákvæðu þróun mála,

  sem ég skapa með hugsun minni, orðum og

  ekki síst kærleiksríkum verkum.

  Að vinna allt af alúð og samviskusemi ásamt

  því að koma fram við náungann eins og þú vilt að

  hann komi fram við þig, skiptir miklu máli í daglegum

  störfum mínum.

  Eitt bros ásamt hlýju handtaki getur reyndar skipt

  sköpum í tjáningu milli einstaklinga, og breytt öllu

  um það hvernig þeir síðan upplifa atburði

  líðandi stundar!

  Engin stórkostleg kraftaverk í gangi í mínu starfi,

  heldur örugg og hæg þróun í rétta átt, dag hvern!

  Og hænufetin skila mér í gegn um þrengingar,

  niðurskurð, kreppur og reiði þjóðfélagsins...eitt hænufet í einu".

  Húsfreyja brosti glettnislega til viðmælanda síns.

  Viðmælandi horfði skarpt á húsfreyju, og þagði góða stund.

  "Iss, það þýðir ekkert að ræða við þig um kreppuhelvítið. 

  Þú ert hjúkrunarfræðingur og kona og ert allt of hógvær og góð í þér.

  Þið eruð svona allar þessar hjálpsömu konur sem lifið fyrir

  að hjálpa öðrum og gleðja þá.

  Getið ekki að þessu gert, eruð fæddar með þessum ósköpum".

  Viðmælandi hugsaði sig um smá stund.

  "En það máttu vita góða, að við karlarnir værum ennþá

  STEINALDARMENN ef það væri ekki fyrir ykkur, og sjálfsagt væri

  engin kreppa í heiminum í dag ef þið væru æðstu stjórnendur".

  Og viðmælandi kvaddi og snérist á hæli og hvarf út í

  haustblíðuna.

  Húsfreyja horfði á eftir karli.

  Brosti með sjálfri sér.

  "Hógvær og góð".

  "Lifi fyrir að hjálpa og gleðja aðra".

  Ekki amalegt hrós þetta.

  Hvort konur hefðu getað forðað alheimi frá kreppu?

  Tja!

  Hæpið.

  En ekkert vit í því að velta sér upp úr slíkum vangaveltum.

  "Áorkum" engu þannig.

  Góðar stundir á bólakafi í miðri kreppu.

Ó, snakilli fúllyndi...

  ...House!

  Eru nú dagar þínir taldir?

  Ó, vei!

  Og það vegna "fótafúa".

  Ó, nei!

  Húsfreyja hefur átt margar góðar

  stundirnar fyrir framan imbann með þeim fúllynda.

  Og skemmt sér konunglega yfir

  hugaræfingum, heilabrotum og

  þrautum House og liðsmanna,

  yfir furðulegum og framandi sjúkdómum

  er ætíð hrella skjólstæðinga þeirra.

  Og merkilegt nokk rata þeir allra dularfyllstu ætíð

  í hendur House og kó......sjúkrahúsið er þeir eiga að

  starfa á, virðist reyndar gera út á nánast

  óþekkta og fátíða sjúkdóma.....og reka sig samt.

  En Hugh Laurie er bísna góður leikari, að mati húsfreyju

  og sjálfsagt að hann njóti sín á öðrum vígstöðum en sem

  "lappalaus og hundfúll" spítalaspæjari.

  En hans verður saknað sem House, af húsfreyju.

  Hans snakillla fúllyndis og verður að grafa djúpt,

  til að finna "mannlegar tilfinningar"-persónuleika.

  Jamm.

  En máske mætti senda House til "kraftaverkalæknis"

  í næsta þætti, og láta lækna "fótafúann"....bara sisona.

  Annað eins hefur nú skeð í imbanum......

  Góðar stundir á Sunnudegi.

 

 

 

Of erfitt að leika Dr. House

Regnvot rólegheit.

  Húsfreyja á frí í dag.

  Gutlað og gaufað við húsverk,

  þvegið þvotta og smellti sjálfri

  sér í ilmolíubað.

  Átta ára djásnið kom heim úr skólanum

  upp úr klukkan tvö.

  Ræddi við móðurina um lífið og tilveruna.

  Um frændur sem hún man sem stráka,

  en eru nú orðnir unglingar.

  Um Elvis Presley og Michael Jackson...eiturlyf

  og svefnlyf.

  "Hann hefði getað lifað (Jackson) ef hann hefði

  ekki fengið þessi svefnlyf".

  Um frændfólk í Ameríku...hvort það hafi allt fæðst þar...

  og að fólk í Ameríku sé heppið að geta ALLTAF fengið

  sér svínarif eða kjúlla í BBQ-sósu.

  Síðan reif hún upp málband húsfreyju

  úr hnífaparaskúffuni, og gekk í það að mæla

  lengdina á heimilislæðunni.

  Frá "rófuenda" fram á "veiðihár"....

  þarf vart að taka fram að átta ára djásnið

  á mjög LANGA læðu.

  Húsfreyja svo á leiðinni í verslunarleiðangur,

  eitthvað verður heimilisfólkið og LANGA læðan

  að snæða næstu daga.

  Bóndi sem er nýrisinn upp úr mergjaðri hita/háls/kvefflensu

  ætlar að slaka á í baði á meðan.

  Húsfreyja sendi veðurguðunum hugskeyti um væntanlega

  ferð sína til búða.

  Leist ekkert á að fara heiladofin af grámyglulegu regni

  og þoku, að versla inn fyrir helgina.

  Og viti menn, hann stytti upp, og sólin er farin að brosa

  á haustgrænum bletti húsfreyju.

  Svona er að hafa GÓÐ sambönd.....

  Næsta víst að minnismiðinn gleymist nú eigi á

  elhúsborðinu heima, og allir hafi nóg að

  bíta og brenna yfir helgina fram í næstu viku.....

  meira að segja LANGA læðan.

  Góðar stundir og njótið helgarinnar.

 

 

Kross-skilnaður?

  Eða þrí-yfirkrossaður skilnaður?

  "Afhjónun"?

  Borðið farið frá sænginni...og hver

  fær þá krossinn í sinn hlut?

  Eða verður máske að skipta Krossinum

  50/50?

  Fær þá Gunnar "þverspýtuna"?

  Æruverðugur og andaktugur "krossberi"

  Krossins hins eina og sanna, er bara

  með frétt "aldarinnar":  HJÓNASKILNAÐUR!

  Kraftaverkasjeffi litla Fróns búinn á "bandinu".

  Merkilegt.

  Furðulegt.

  Undur og stórmerki.

  Veit biskup af þessu?

  Páfinn?

  Kraftaverkamaður að skilja við

  sína sómakæru spúsu, bara sisona.

  Gefur lítið út á hjónabandsheit og loforð.

  "Uns dauðinn oss aðskilur"!

  Dó eitthvað?

  Hinn eini sanni "guðlegi kærleikur milli hjóna" máske

  hrokkið upp af...fengið slag...DÁIÐ?

  Var þá ekki hægt að redda einu herlegu "kraftaverki"

  og "blása lífsandanum aftur í hjónakærleikann".....?

  Krossinn lengi verið þekktur fyrir "ljómandi fín" kraftaverk s.s.

  afhommanir, afeitranir og hjónabandabjarganir.

  Hvað klikkaði?

   Hehehehe!

  Jamm.....húsfreyja var í merguðum "gríngír" er hún kom heim úr vinnu.

  Krossarinn lá vel við höggi með fregnir af sínu prívat lífi í fjölmiðlum.

  En gott ef þau hjón skilja í sátt og samlyndi.

  Verði þeim allt til gæfu.

  Guð blessi þau á öllum sínum vegum.

  Góðar stundir og hefur húsfreyja nefnt það að hún lifir í.....

  SYND...úúúú?!

   

Forstöðuhjón Krossins að skilja

Síðsumarsblíða langt...

  ...fram í september á

  Norður- og Austurlandi.

  Hvað sosum sem fólk vill meina

  um hlýnun jarðar, telur húsfreyja

  að þetta sé veður sem menn á þessum

  slóðum eigi inni eftir

  regn og grámósku sumarsins.

  Frábært að fá svona sumarauka og

  er það einlæg von húsfreyju að menn og konur

  norðan og austan heiða njóti vel.

  Sjálf er húsfreyja sátt við veðurguði eftir

  sólríkt og hlýtt sumar hér sunnan heiða.

  Þeir hafa greinilega tekið húsfreyju í sátt,

  eftir að hún tók við að hrósa þeim í hástert

  og þakka góða þjónustu, áður

  en hún setti fram "hóflegar" kröfur um

  veður á öllum sínum ferðum í sumar.

  Fór "aðeins" fram á hlýindi sól og blíðu, húsfreyja!

  Enda lítið mál fyrir þá að senda sól og

  blíðu á eftir bíl húsfreyju, og skorða svo

  veðurblíðuna þokkalega vel við ákvörðunarstaði

  hennar.

  Eru jú sjálfir VEÐURGUÐIRNIR....með stóru vaffi og

  upphafsstöfum.

  En merkilegt nokk...leiðir húsfreyju leiddu hana

  aldrei austur á land, og aðeins einu sinni til Akureyrar...

  og á Akureyri var búin að vera mígandi rigning fyrr

  um morgunin, þá húsfreyja mætti með sitt lið á svæðið.

  Stytti upp um leið, og bóndi renndi bílnum inn á Glerártorgið.

  Váv! 

  Húsfreyja bara komin með SAMBÖND.

  Og það við Veðurguðina einu og sönnu.

  Ja hérna hér.

  Það er af sem áður var.

  Æludallaferðir í stórum stíl með Herjólfi út í Eyjar.

  BÚNAR!

  Hríðarbyljir, þrumur og eldingar rétt á meðan

  húsfreyja skaust austur fyrir fjall!

  BÚIÐ!

  Nóaflóð í öðru veldi 7 daga samfleytt í sumarbústöðum.

  BÚIN!

  HALELÚJA!

  Húsfreyja er rokin út í búð og svo beina leið austur

  fyrir fjall í kaffi til múttu sinnar.

  Það verður BONGÓ!!

  Góðar stundir ævinlega í góðu veðri.

 

Yfir 20 stiga hiti

Ljúf saga á ljúfum degi.

  Húsfreyja fékk ljúfa sendingu

  á netpósti sínum.

  Vill gjarnan deila með fleirum:

  Þessi saga er sögð vera sönn.

  Hún segir frá Sallý sem var að

  aka heim á leið, eftir söluferð um

  Norður-Arizona.

  Þá kom hún auga á aldraða Navajo-indíánakonu

  sem gekk hægt eftir vegarkantinum.

  Sallý stöðvaði bifreið sína og bauð Navajó-konunni far.

  Gamla konan kinkaði kolli án þess að segja orð og

  settist þakklát inn í bílinn.

  Sallý reyndi að hefja samræður við gömlu konuna,

  en sú gamla var ekki ræðin.

  Hún svaraði játandi með því að kinka kolli eða

  neitandi með því að hrista höfuðið.

  Hinsvegar virtsist hún mjög áhugasöm um innréttingu bífreiðarinnar,

  og skoðaði hana hátt og lágt.

  Líkast til óvön að sitja í svo fínum bíl.

  Skyndilega varð þeirri gömlu starsýnt á brúnan bréfboka

  sem var skorðaður við hliðina á ökumannssætinu.

  Forvitni hennar leyndi sér ekki.

  Sallý benti á bréfpokann og sagði:

  "Þetta er koníaksflaska sem ég fékk fyrir karlinn minn".

   Navajo-konan varð undrandi á svip.

  En síðan kinkaði hún samþykkjandi kolli og sagði:

  "Góð skipti".

  ...  ...  ...  ....

  Skondin saga á góðum laugardegi.

  Átta ára djásnið er svo á "uppleið" eftir

  hádegið.

  Búin að panta bíóferð á teknimynd sem ber

  það frumlega heiti "UPP"!

  Húsfreyja alltaf tilbúin í "upplyftingu",

  svo hún ætlar að drífa sig í bað, og svo

  í bíó.

  Góðar stundir.

 

Ef það gengur svona seint og illa...

  ...að brenna og hola húsfreyju

  í krús ofan í vígða jörð, með

  tilheyrilegri viðhöfn, sálmasöng

  og andakt, eins og gengur

  með leifarnar af Jackson,

  þá verður húsfreyja bálill!

  Næsta vís að hún sitji þá hressilega "framliðin"

   á sótsvörtu þrumuskýi, og dúndri eldfleygum

  og eldingum, líkt og þrumuguðinn Þór forðum daga,

  í mann og annan, er eiga að sjá um að útför hennar fari

  sómasamlega fram hér á jörðu niðri.

  Eftir tæplega 9 vikna basl með steindauðan skrokkinn

  tókst loks að koma goðinu í gegnum heila jarðarför þarna vestur frá.

  Svo átti að skella á einum herlegum minningartónleikum á

  í hinni íðilfögru Vínarborg núna í september...og málið væri dautt!

  En sei, sei, nei!

  Nú er búið að fresta minningartónleikunum ....ekki um nokkra daga...

  vikur....eða mánuði!

  Ó nei!

  Heilt ár!

  Jamm, segi og skrifa HEILT ÁR!

  Og það í regnvotri grámóskunni í borg Mister Browns!

  Jaso!

  Frábært!

  Magnað!

  THRILLING!

  Sér nú húsfreyja fram á fregnir jafnt og þétt

  af gangi mála í Lundúnum.

  Auglýsingaherferð verður að sjálfsögðu hrint af stað,

  til að heimsbyggð öll viti af minningartónleikum þessum.

  Jacksonmúsík í botni í útvarpi og sjónvarpi...Billie Jean is not my lover...

  Thriller..Thriller time....Beat it...beat it....I´m BAD (hvíslað)!

  Allur pakkinn.....eins og leggur sig.

  Húsfreyja í djúpum!

  Átta ára djásnið húsfreyju hefur frá því að goðið lést

  hlustað á einn disk og einn disk aðeins í CD-spilara sínum:  Michael Jackson,

  hlustað á einn tónlistarmann og einn aðeins

  á you-Tube:  Michael Jackson.

  Skoðað eitt tónlistarmyndband í eigu húsfreyju og eitt aðeins:

  THRILLER Michaels Jacksons.

  AFTUR og AFTUR og AFTUR!

  Spilast allt í undirmeðvitund húsfreyju þar með.

  Allir hennar draumar á næturnar við bullandi

  undirspil Jacksons.

  Fólk á flandri í miðjum draumi í fjallgöngu

  upp Heimaklett í Eyjum, útlítandi eins og

  "afturgöngurnar" í Thriller.

  NÆS!

  Húsfreyja að versla sér nýja flík í

  framandi landi....og verslunarkonan

  orgar "BEAT IT" á eftir henni, þá húsfreyja

  þakkar fyrir ánægjuleg viðskipti og yfirgefur verslunina.

  Talandi um martraðir!

  Og nú á húsfreyja eftir að fara í gegnum HEILT ÁR af

  MICAEL JACKSON í botni á sínu heimili.....sjíss!

  Heilabilun!

  Martraðir!

  Ekki misskilja húsfreyju.

  Var mikil Jackson aðdáandi á unglingsárum sínum.

  Átti a.m.k. 2 vínylplötur með goðinu og svo myndbandið

  síspilaða THRILLER.

  Jackson var frábær dansari, og ágætur söngvari og lagasmiður.

  En húsfreyja hlustaði einnig mikið á þessum árum á

  Diönu Ross, Queen, Osmonds, Slade, Neal Diamond, Fleetwood M. 

  og bræðurnar Gibbs, svo eitthvað sé nefnt og fílaði í tætlur.

  Svo ekkert eitt stóð sosum upp úr nema Queen sem enn er í

  uppáhaldi hjá húsfreyju.

  En nú er "Jacksonárið mikla" þá hafið hjá átta ára djásninu,

  og hefur engin músík verið spiluð svo stíft inni á heimilinu,

  síðan Latibær með sína músík og svo Stubbarnir, voru og hétu!

  Þá húsfreyja var átta ára lítil skotta, kunni hún einhver ógrynni

  af lögum karlakórs er kenndi sig við fóstbræður.

  Faðir hennar sjálfur í karlakór og kirkjukór í Eyjunum,

  tók upp á fornlegt segulbandstæki öll lög þerra fóstbræðra

  í þætti Svavars Gestssonar í útvarpinu.

  Slatta kunni hún líka af barnalögum, eins og: Ranka er rausnakerling,

  sem átti helling af hænum, og Bessi Bjarna söng um í útvarpi.

  Allir krakkar, Blátt lítið blóm eitt er, Fyrr var oft í koti kátt, Atti katti nóa og

  Öxar við ána voru sungin á háa séinu þá húsfreyja

  skrapp á Pétó að róla.

  Það var svo gaman að róla og syngja hástöfum í leiðinni.

  Mest kunni hún samt af vísum og kvæðum sem móðir hennar og

  afi kenndu henni.

  Eitt erlent lag kunni hún nú samt nánast utan að, átta ára gömul.

  "Yellow submarine" Bítlanna, var hennar lag.

  Að vísu gætti smá miskilnings hjá þeirri átta ára fyrstu árin,

  og sungið var "Djelló sumarið", en djelló vissi hún að var

  "dísætt sykurhlaup" því hún átti stóra frænku í Ameríku...ergo

  "sumar hins dísæta syskurhlaups" var skilningur þeirra 8 ára.

  Jamm breyttir tímar, nýjir tímar.

  Átta ára djásnið húsfreyju kann "MÖRG" erlend lög utan að,

  og er með alla litina á hreinu á ensku, hvort sem það er

  yellow, red, green eða blue.

  Og þó að framburður hennar á "Thriller" Jacksons sé

  "triller", er enginn miskilningur í gangi um innihald lagsins hjá henni.

  Ó nei!

  Og Jackson blívur!

  Draumar húsfreyju æsast!

  Aaaaarrrgh!

  Góðar stundir....og ekki síður góða drauma!

 

 

 

 

 

 

 

Minningartónleikum um Jackson aflýst

All is very ....umm

  ...strange, í hinu mikla veldi

  Svíakonungs um þessar

  mundir.

  Skemmst að minnast "rannsóknar"

  saksóknaraembættisins hins sænska

  á 900 króna "fjárdrætti" (u.þ.b. 50 sænskar)

  lögreglumanns nú á dögunum.

  Og nú vill 25 ára sænskur "karlmaður" láta á

  það reyna hvort hann geti "gefið börnum sínum

  brjóst", eins og segir í fréttinni.

  Jaso!

  Svíi þessi hlýtur þá að vera nokkuð "þétt"

  vaxinn, hafi hann "brjóst"!

  Og "brjóstin" geyma jú mjólkurblöðrur þær er

  framleiða "brjóstamjólkina".

  Jamm.

  Þannig væri einnig betra að hann hefði

  "útstæðar geirvörtur", því innfallnar valda þær iðulega

  vankvæðum við brjóstagjöf hjá konum.

  Hann verður að reikna með eymslum og "stálma"

  í brjóstunum þá mjólk fer að safnast fyrir,

  og fylgjast vel með ef mjólkurgöng hans stíflast

  því þá getur hann fengið ígerð.

  Vá!

  Brjálað!

  Meira en lítið furðulegt að ræða um karlmann

  sem brjóstamjólkurgjafa.

  En máske að húsfreyja sé bara með bullandi fordóma

  gagnvart körlum með "börn á brjósti"......?

  Nah varla!

  Hefur ekki verið það "margmennur" hópur

  hingað til!

  Húsfreyja er samt ekki alveg viss um að

  "brjóstagjöf" sé eitthvað sem karlmenn

  yrðu svona almennt hrifnir af...

  Og þó!

  Eða.....

  Nei!

  Varla.

  Þrútin, aum og þung brjóst allar morgna sem

  krílið sefur lengur en 4 tíma samfellt á næturnar.

  Kvöldstund úti að borða og í leikhús í  samfelldar 6-7 klst. martröð síðustu

  2 tímana, vegna spennuverkja í brjóstum.....HEIM AÐ GEFA NÚNA!!!

  Ekkert fokking pöbbarölt á eftir...þá DEY ég!

  Krílið vindur upp á geirvörtuna eina gjöfina,

  geirvartan þar með í rúst á eftir í nokkra daga.....

  hryllingur, " brjóstagjöf horribilis", að gefa brjóst þeim megin.

  Skreppitúr til múttu í kaffi austur fyrir fjall.....pakka

  niður hálfri búslóð barnsins...og djísuss!... hafa lágmark

  tvo hreina boli/peysur/blússur með á sjálfa þig...ef krílið skyldi æla

  hressilega í "ropinu á öxlinni".

  Og mikilvægast af öllu:

  EKKI reikna með neinum langferðum, nema ungabarnið

  fylgi með...þar sem "brjóst full af mjólk" eru til staðar, VERÐUR

  barnið ÆTÍÐ að vera innan seilingar!

  Einn og hálfur metri frá brjóstum til ungabarns

  reyndar algert hámark.

  Ekki það að húsfreyju hafi gengið illa að hafa djásnið

  á brjósti, sei, sei nei.

  Fékk aldrei sýkingu, og sjaldan sár.

  Jamm!

  En elsku herramenn, hafi þið áhuga á að leysa okkur konurnar

  af hólmi...eða jafnvel bara leysa okkur af, af og til

  í brjóstagjöfinni, taka máske annað hvert

  barn að ykkur, þá er það hvað húsfreyju varðar...

  GUÐVELKOMIÐ!

  Góðar stundir, beint frá brjóstinu.

 

Sænskur karlmaður vill gefa brjóst