Afskrifa milljarða....

  ....fyrir Baugur "grúpp"!

  Milljarða!!

  Ekki sjens að banki húsfreyju

  afskrifi eina einustu krónu af

  þeim fáu milljónum sem hún skuldar í

  íbúð og bifreið.

  Ekki 50 aura!

  En Baugur "grúppían" kann á kerfið!

  Bara skulda nógu asskoti, helv... mikið,

  og BINGÓ!

  Þú færð allt heila klabbið AFSKRIFAÐ.

  Húsfreyju er bumbult.

 

  Kling, klang.

  Kistan tóm.

  Gleðja sig við gullsins hljóm.

  Safna aurum. Aura spara.

  Eld að sinni köku skara.

  Öllum gæðum öðrum hafna.

  - Safna.

 

  Kling, klang.

  Kistan hálf.

  Kistan- hún er sálin sjálf.

  Lofa, svíkja,

  sníkja.

  Kaupa, selja,

  telja.

  Smjaðra, smjúga,

  sjúga.-

  Allra óskum neita.

  Brögðum beita.

  Reita-

  lagða úr annars ull.

  Ekki um álas hirða.

  Ekkert virða

  nema gull.

 

  Kling klang.

  Kistan full.

  He, he...Ormagull.

  Kistan var að guði gjörð.

  Grafa í jörð.

  Grafa í jörð.

                   "Nirfillinn", Davíð Stefánsson.

 

  Kvæði þetta eftir Davíð tileinkar húsfreyja öllum

  "grúppíum" með milljarða í afskriftir og fyrrum

  lánaglöðum bankaeigendum á litla Fróni.

  Góðar stundir og gangi ykkur vel að greiða upp

  "myntkörfulánin".....ekki verða þau afskrifuð!

 

Afskrifa líklega milljarða

Athugasemdir

[Heiður Helgadóttir, 31.10.2009 kl. 15:50]