Að flytja til MOLD.

  Á 12 árum er nokkuð öruggt

  að líkamsleifar Móður Teresu

  séu að mold orðnar...máske

  stöku beinkjúka eða leggur eftir.....

  nema auðvitað að Indverjar séu vel að sér

  í smurningaaðferðum hinna fornu Egypta.

  En eins og alheimur veit var hinum fornu í Egyptalandi

  mjög umhugað um líkamsleifar og "afganga" sinna látnu,

  og bjuggu svo um hnútana að þeirra dauðu eru nánast

  "órotnaðir" og "óbreyttir" mörg þúsund árum eftir andlátið.

  En einhvern veginn telur húsfreyja ekki líklegt að

  katólskir Indverjar hafi kynnt sér fornar Egyptskar greftrunaraðferðir,

  þá þeir jörðuðu hina yndislegu og góðhjörtuðu Móður Teresu.

  Aðeins fengið venjulega katólska meðferð, hennar jarðneska hylki,

  svo 12 árum seinna, er næsta líklegt að Móðurhylkið-Teresu sé

  aftur orðið hluti af okkar íðilfögru Móður Jörð.

  Sem sagt MOLD!

  Svo húsfreyja sér í hendi sér að það sé afspyrnu AUÐVELT

  að leysa Teresu-vesen þetta millum Indverja og Albana.

  Bara senda albönskum stjórnvöldum slatta af indverskri kirkjugarðs-

  MOLD í fagurlega skreyttri katólskri kistu, og málið er DAUTT.

  Albanir geta þá "jarðað" hina indversku mold í nafni heilagrar Móður Teresu,

  á meðan Indverjar heiðra hinn upprunalega greftrunarstað hinnar

  ljúfu og hjálpsömu konu...því alltaf verður eitthvað eftir af

  "Teresu-tengdri mold" í Indlandi, þó slatti fari til Albaníu.

  Segir sig sjálft.

  Er bara spurning að "skipta moldinni" svona 50/50

  af "heilagri" Móður Terseu.....svona "þá mold" sem líklega er komin

  af hylki Móður Teresu.

  Jamm.

  Svo má alltaf rækta fína túlípana í svona "gæðamold"......!

  Góðar stundir og gangi ykkur vel að gróðursetja túlípanlaukana.

 

 

Móðir Teresa veldur deilum

Athugasemdir

[Andrea (IP-tala skráð) 18.10.2009 kl. 09:04]

Afhverju tala allir um að hún hafi látist fyrir 30 árum síðan? Man fólk ekkert aftur í tímann? Móðir Teresa dó árið 1997, nokkrum dögum á eftir Díönu prinsessu.

[Sigríður Sigurðardóttir, 18.10.2009 kl. 10:53]

  Mín mistök, sjálfsagt lesið vitlaust dánarártalið, þakka leiðréttinguna.