Pattaralegar, raunverulegar og...

  ...fallegar.

  Alvöru konur í alvöru heimi.

  Tálgaðar staðalímyndir út!

  Ofurhoraðar konur á "sellerístilkum" út.

  Ekki sem verst.

  Twiggý-kynslóðir fyrirsæta hafa of lengi

  tröllriðið tískuheiminum, og flestir búnir

  að fá upp í háls af slíku og þvílíku....ekki

  síst fyrirsæturnar sjálfar.

  Að mega lítið sem ekkert snæða af fæðu,

  stunda stranga líkamsrækt og vinna langa vinnudaga

  kemur niður á lífsgleði þeirra og líkamlegri heilsu.

  Enda rekur fólk í rogastans, þegar fallegar, ungar og 

  "mátulega grannar" stúlkur hafa fengið vinnu við fyrirsætustörf,

  og það fyrsta sem vinnuveitandinn fer fram á er MEGRUN!

  Eitt sinn heyrði húsfreyja þá kjaftasögu, að vinnuveitendur

  í tískubransanum væru margir hommar.

  Enda margir hommar þekktir fyrir smekkvísi hvað varðar

  fatnað og fylgihluti kvenna og karla.

  En þar sem þeir væru meira upp á karlhöndina, blessaðir

  hrifust þeir einna helst af "tálguðum, brjóstalausum, rasslausum

  og mjaðmalausum" fyrirsætum.....hvort sem um karla eða konur væri

  að ræða.

  Ekki telur húsfreyja að þessi saga sé neitt annað en

  það sem hún er...."kjaftasaga".

  Enda gagnkynhneigðir vinnuveitendur í tískubransanum

  jafn algengir og samkynhneigðir.

  Tálgaða, grindhoraða lúkkið hefur bara verið "inn".

  En merkilegt eigi að síður að "Twiggý-útlitið" skuli svo þrautseigt

  meðal fyrirsæta.

  Og sorglegt þegar það kostar ungar stúlkur heilsuna.

  Er vel að þýskir skuli taka á þessum málum.

  Löngu kominn tími til.

  Góðar "pattaralegar" stundir.

 

 

Venjulegar konur inn - þvengmjóar fyrirsætur út

Athugasemdir

[Karen (IP-tala skráð) 6.10.2009 kl. 05:11]

Þýska Vouge er flottasta tískutímaritið í þýskalandi.  Ekki þessi blaðasnepill sem nefndur er þarna í fréttinni.

Annars skil ég bara ekki hvers vegna þið sem aðhyllist feitari fyrirsætur stofnið ekki bara tískublað eða blöð með feitum fyrirsætum.  Þarf endilega að rífa allt af öðru fólki.  þið Látið aðra finna upp hlutina, stofna fyrirtækin og blöðin og gera þau vinsæl og þá ætlið þið að koma og rífa blöðin af þeim og setja feitar fyrirsætur inn í staðin fyrir grannar.

Reynið þið bara að fá ykkar eigin hugmyndir eins og td. að stofna tískublað með feitari fyrirsætum.

Svo er nú líka allt í lagi að benda á það að heilsufarsvandamál eru miklu tíðari hjá konum með aukakíló heldur en grönnum konum í modelbransanum.  Það er hollara að vera grannur heldur en með aukakíló. 

Þetta er vísindalega sannað fyrir löngu síðan.

Það er eins og þið séuð með einhverja áráttu um að reyna gera alla feita.  Skil ekki svona hugsunarhátt.

Fólk er misjafnt bæði andlega og líkamlega sem betur fer annars væri lífið einsleitt og litbrigðalaust.

[Rebekka, 6.10.2009 kl. 06:00]

Ég held að enginn sé að tala um að skipta út í feitar fyrirsætur,  heldur fyrirsætur í EÐLILEGRI þyngd.  Þá kannski hætta stelpur að hafa áhyggjur af því að lærin á þeim snertist þegar þær ganga...

[Sigríður Sigurðardóttir, 6.10.2009 kl. 07:40]

Þó ég hafi sett mynd af pattaralegri "ÞYKKRI" konu í málverki frá Miðöldum, Karen, var ég aðsjálfsögðu að tala um konur í "eðlilegri þyngd,eins og Rebekka orðar það.  Grannar, fallegar konur, sem hvorki eru tálgaðar né grindhoraðar...hafa flottan vöxt, og þurfa alls ekki neina megrun.

  Þakka ykkur innlitið og kommentin.

[Eðvarð Hlynur Sveinbjörnsson, 6.10.2009 kl. 08:30]

Þetta er nákvæmlega málið, venjulegar fallegar konur en ekki einhver múrarabretti. Staðreyndin er sú að 90% venjulegra karlmanna sem eru spurðir vilja ekki þessar þvengmjóu fyrirsætur helur alvöru fallegar konur.  Eitt í viðbót Karen, nýjustu rannsóknir sína að fólk sem horað er alveg jafn mikilli áhættu fyrir sjúkdóma en fólk sem er í feitara lagi. Ég get hæglega bent á linka sem styðja þetta.

[Anna (IP-tala skráð) 6.10.2009 kl. 10:55]

Af skrifum Karenar að dæma þá má alveg ætla að hún sé nógu veruleikafirrt til þess að finnast konur í eðlilegri þyngd vera feitar.

Það sem venjulegt fólk kallar eðlilega þyngd, er að vera feitur í tískuheiminum.

[Hulda (IP-tala skráð) 6.10.2009 kl. 17:16]

Hættið þessari útskúfun.  Einhversstaðar verða grannar fyrirsætur eða konur að vera.

Hjá fitnandi þjóð getur ekki talist gott að tala upp aukakílóin.  Þjóðin er að fitna alveg eins og bandaríkjamenn fitna.  Þetta er gríðarlegt heilsufarsvandamál í öllum hinum vestræna heimi.

Þær konur sem starfa í modelbransanum eru svo lítið brot af öllum konum í veröldinni að ég held að það ætti nú ekki að hamla sumum hér í að finna sér maka í góðum holdum sé það smekkur viðkomandi.

En að reyna að kveða niður grannar og heilsusamlegar konur er alveg fyrir neðan allar hellur.

Það er beint samband á milli fjölda aukakílóa og tíðni krabbameins.  Það er alþekkt.  Enda er það viðurkennt um allan heim.

Hvort sem ykkur líkar betur eða verr að þá er það löngu vísindalega sannað að það er miklu heilsusamlegra að vera grannur en með aukakíló, alveg sama hvað þið rembist við að gera aðra feita.

[Sigríður Sigurðardóttir, 6.10.2009 kl. 17:53]

Grannar konar í "eðlilegri kjörþyngd" eru mjög flottar margar, allmargar gullfallegar og sóma sér vel í tískubransanum.  Um það er enginn spurnig í mínum huga.  Og dettur ekki í hug að útskúfa slíkum fyrirsætum.  Hef hins vegar horft á nokkrar heimildarmyndir um tísku og fyrirsætur, lesið viðtöl við bæði núverandi og fyrrum fyrirsætur og því miður virðist allt bera að sama brunni þar.  Fyrirsæturnar sem eru grannar og flottar kvarta flestar undan kröfum vinnuveitenda um að þær GRENNI sig.  GRENNI SIG...flottar grannar konurnar í kjörþyngd! Og það er löngu vísindalega sannað að grönn kona í kjörþyngd býr við mun betra heilsufar en tálguð grindhoruð kona sem er 5-10 kíló undir kjörþyngd.  Og flestir í dag þekkja einhvern sem hefur orðið helsjúkur af megrunarsjúkdómum á borð við Anorexiu...og jafnvel dáið.  Og þar ofan á vilja fæstir karla svona þvengmjóar konur eins og Eðvarð kemur inn á.  En gaman að fá komment frá ykkur öllum, er greinilega málefni sem margir hugsa um.

[Gunnar (IP-tala skráð) 6.10.2009 kl. 18:22]

Mér finnst grannar fyrirsætur langfallegastar.  Sjáið þið bara myndbandið hér frá Victoriu Secret en þarna eru nokkrar af þekktustu fyrirsætum heims.  Alveg geðveikt flottar.  Heilusamlegar, glaðar og fallegar.

http://www.youtube.com/watch?v=xW7mrUEspz0

[Sigríður Sigurðardóttir, 6.10.2009 kl. 18:39]

Sammála þér Gunnar, þessar voru nær allar mjög flottar...með læri, smá maga...fína upphandleggi, greinilega í ágætri kjörþyngd.  Sá samt eina sem var nær læralaus og með neðstu rifin útstæð...ooooo ekki fallegt...greinilega búin að vera "í átaki"...enda sá ég hana sjaldnast?!?

[Gunnar (IP-tala skráð) 6.10.2009 kl. 18:42]

Þið verðið að sætta ykkur við að flest grannt fólk er í minni hættu á að fá alvarlega sjúkdóma heldur en fólk með aukakíló. 

Enda þarf maður ekki annað en að fara út í búð eða bara út á götu til að sjá hvað þjóðin er feit.  Mér finnst bara jákvætt að fyrirsætubransinn sækist eftir grönnum konum það heldu aftur af stúlkum og strákum að fitna of mikið.  Enda er það mjög slæmt vegna þess að það eykur líkur á ógeðslegum sjúkdómum.

Ef við berum saman dauðsföll í tískubransanum saman við dauðsföll vegna aukakílóa að þá deyja milljón sinnum fleiri vegna aukakílóa heldur en að hafa verið mjó fyrirsæta í tískubransanum.

[Sigríður Sigurðardóttir, 6.10.2009 kl. 18:53]

Sammála þér Gunnar, en breytir ekki því að offita drepur fólk yfirleitt á aldrinum 4o-80, en megrunarsjúkdómar fólk á aldrinum 17- 30.  Mæli með hvorugu.  Hvorki offitu né ofurmegrun.  Hvort tveggja heilsuspillandi fjandi.  Og ef þú berð saman "lífsgæði" og það að njóta sín í lífinu, þá hafa þeir ofurgrönnu síst vinninginn.  Er alveg jafn hætt við geðsjúkdómum eins og þunglyndi og kvíða eins og þeim of feitu...ef ekki hættara.