Regnvot rólegheit.

  Húsfreyja á frí í dag.

  Gutlað og gaufað við húsverk,

  þvegið þvotta og smellti sjálfri

  sér í ilmolíubað.

  Átta ára djásnið kom heim úr skólanum

  upp úr klukkan tvö.

  Ræddi við móðurina um lífið og tilveruna.

  Um frændur sem hún man sem stráka,

  en eru nú orðnir unglingar.

  Um Elvis Presley og Michael Jackson...eiturlyf

  og svefnlyf.

  "Hann hefði getað lifað (Jackson) ef hann hefði

  ekki fengið þessi svefnlyf".

  Um frændfólk í Ameríku...hvort það hafi allt fæðst þar...

  og að fólk í Ameríku sé heppið að geta ALLTAF fengið

  sér svínarif eða kjúlla í BBQ-sósu.

  Síðan reif hún upp málband húsfreyju

  úr hnífaparaskúffuni, og gekk í það að mæla

  lengdina á heimilislæðunni.

  Frá "rófuenda" fram á "veiðihár"....

  þarf vart að taka fram að átta ára djásnið

  á mjög LANGA læðu.

  Húsfreyja svo á leiðinni í verslunarleiðangur,

  eitthvað verður heimilisfólkið og LANGA læðan

  að snæða næstu daga.

  Bóndi sem er nýrisinn upp úr mergjaðri hita/háls/kvefflensu

  ætlar að slaka á í baði á meðan.

  Húsfreyja sendi veðurguðunum hugskeyti um væntanlega

  ferð sína til búða.

  Leist ekkert á að fara heiladofin af grámyglulegu regni

  og þoku, að versla inn fyrir helgina.

  Og viti menn, hann stytti upp, og sólin er farin að brosa

  á haustgrænum bletti húsfreyju.

  Svona er að hafa GÓÐ sambönd.....

  Næsta víst að minnismiðinn gleymist nú eigi á

  elhúsborðinu heima, og allir hafi nóg að

  bíta og brenna yfir helgina fram í næstu viku.....

  meira að segja LANGA læðan.

  Góðar stundir og njótið helgarinnar.

 

 

Athugasemdir

[Sigrún Óskars, 20.9.2009 kl. 16:52]

fyndið að þú skulir geyma málbandið í hnífaparaskúffunni eins og ég

góða "helgarest" kollegi

[Sigríður Sigurðardóttir, 21.9.2009 kl. 20:35]

Þakka þér kollega....já hnífaparaskúffan er svona einn af þessum stöðum sem ekki er mögulegt að týna nokkrum hlut.