Kross-skilnaður?

  Eða þrí-yfirkrossaður skilnaður?

  "Afhjónun"?

  Borðið farið frá sænginni...og hver

  fær þá krossinn í sinn hlut?

  Eða verður máske að skipta Krossinum

  50/50?

  Fær þá Gunnar "þverspýtuna"?

  Æruverðugur og andaktugur "krossberi"

  Krossins hins eina og sanna, er bara

  með frétt "aldarinnar":  HJÓNASKILNAÐUR!

  Kraftaverkasjeffi litla Fróns búinn á "bandinu".

  Merkilegt.

  Furðulegt.

  Undur og stórmerki.

  Veit biskup af þessu?

  Páfinn?

  Kraftaverkamaður að skilja við

  sína sómakæru spúsu, bara sisona.

  Gefur lítið út á hjónabandsheit og loforð.

  "Uns dauðinn oss aðskilur"!

  Dó eitthvað?

  Hinn eini sanni "guðlegi kærleikur milli hjóna" máske

  hrokkið upp af...fengið slag...DÁIÐ?

  Var þá ekki hægt að redda einu herlegu "kraftaverki"

  og "blása lífsandanum aftur í hjónakærleikann".....?

  Krossinn lengi verið þekktur fyrir "ljómandi fín" kraftaverk s.s.

  afhommanir, afeitranir og hjónabandabjarganir.

  Hvað klikkaði?

   Hehehehe!

  Jamm.....húsfreyja var í merguðum "gríngír" er hún kom heim úr vinnu.

  Krossarinn lá vel við höggi með fregnir af sínu prívat lífi í fjölmiðlum.

  En gott ef þau hjón skilja í sátt og samlyndi.

  Verði þeim allt til gæfu.

  Guð blessi þau á öllum sínum vegum.

  Góðar stundir og hefur húsfreyja nefnt það að hún lifir í.....

  SYND...úúúú?!

   

Forstöðuhjón Krossins að skilja

Athugasemdir

[Kristinn Þorri Þrastarson (IP-tala skráð) 15.9.2009 kl. 18:32]

Það er gott að einhver á þessu landi finnst hjónaskilnaðir skemmtilegir

[Sigríður Sigurðardóttir, 15.9.2009 kl. 19:10]

Veit ekki Kristinn.....skemmtilegir?  Hef heyrt að mörgum finnist skilnaðir fremur erfiðir...hef aldrei reynt sjálf.  Virðist vera ágætis úrræði fyrir mörg hjón með hjónaband sitt í vanda.  En hvort þeir eru svo skemmtilegir verður hver að meta fyrir sig.  En mjög fréttnæmir teljast þeir vart lengur, síðan Henrik karlinn 8. var og hét í Bretaveldi.  Þá fuku hausar kvenna ótt og títt og mikið gekk á.  Hjónaskilnaðir nútímans næstum jafn algengir og kvefpestir og eru fylgifiskur samfélaga manna og líkt barnsfæðingar, fermingar, og jarðarfarir.  Ekki mál til að gera mikið veður út af...nema auðvitað þú sért í Krossinum...þá fer málið beint í fjölmiðlana......svona eins og hjónaskilnaðir fræga fólksins í útlöndum! Flestir hjónaskilnaðir "fjölskyldumál" í hnotskurn....erfiðir...skemmtilegir....mikilvægir...léttvægir?  Það vita þeir sem skilja!

  Þakkka innlitið, góðar stundir.

[Gunnar Ingi Gunnarsson, 15.9.2009 kl. 23:50]

Jæja skemmtilegt af þer að haga þér svona, skilnaður gæti ekki segið sjálfur að ég hafi haft svona sjónarhorn á þetta allt en Krossinn er sjálfseignar stofnun.. og þannig ekki skráð á Pabba eða mömmu, enginn á Krossinn.. Til að svara spurningunni þinni.

[Sigríður Sigurðardóttir, 16.9.2009 kl. 17:24]

Blessaður Gunnar,

  Hér er mitt grín aðallega það að verið sé að gera "fjölmiðlafrétt" úr skilnaði venjulegs hjónafólks.....og þá vegna þess að foreldrar þínir eru í Krossinum...og þá upplifi ég að, það eigi að gera fréttina "enn merkilegri" fyrir bragðið.  Er fyrir mér svona frekar "absúrd" allt saman, enda geri ég stólpagrín að fréttaflutningi þessum.  En þeim tilfinningum sem fjölskyldur upplifa vegna skilnaða geri ég ekki grín að, og gott að fá að vita þetta að enginn skuli eiga Krossinn...hafði ekki hugmynd um það.

  En bara svo ég árétti, þúsundir manna hafa skilið á litla Fróni, og því er sjaldnast slegið upp í fjölmiðlum, enda lít ég svo á að um mjög persónuleg fjölskyldumál sé iðulega að ræða.

  En þakka þér innlitið, og Guð geymi þig og fjölskyldu þína.