Sænskir í stórræðum.

  Hvað ætli blessaður lögreglumaðurinn

  hinn sænski hafi svo verið lengi að

  draga að sér þessar 900 krónur?

  Mánuði...hálft ár....eða máske lengur?

  Sjálfsagt betra að stunda svona fjársölsun

  á lengri tíma en styttri, svo minna beri á

  glæpnum.

  Kannske bara stungið undan einni krónu og fimmtiu aur

  á dag....í rúmt  eitt og hálft ár.

  Dálaglegt það.

  Saksóknaraembættið svíanna rannsakar nú málið.

  Eins og : Hvað gerði löggan við "allan þennan fjárdrátt"?

  Splæsti hann á sig sænskum eðal vínarbrauðum,

  eða einum öllara....nú eða hvoru tveggja....

  með "afborgunum"?

  Ja, þrefalt svei og svínarí.

  Þetta er sko fjárdráttur í lagi.

  Allt eflaust á tjá og tundri hjá lögregluembættinu í hinu herlega

  ríki sænska kóngsins.

  Svo erum við Frónbúar að tuða um "spennerí"

  á frónverskum útrásarvíkingum og bankastjórum!

  "Icesafe"....iss!

  En............svona í restina.

  Ætli það kosti "nokkuð" að reka dómsmál í Svíaríki

  vegna 900 króna fjárdrátts lögreglumanns?

  Góðar stundir.

Rannsókn vegna meints fjárdráttar lögreglu - upphæðin 900 krónur

Athugasemdir

[Finnur Bárðarson, 2.9.2009 kl. 18:03]

Finnst þér að fjárdráttur er í lagi, bara ef hann er lítill. Er þetta íslenski hugsunarhátturinn almennt.

[Sigríður Sigurðardóttir, 2.9.2009 kl. 18:14]

  Ó, sei sei nei, Finnur.  En að setja 900 króna "fjárdrátt" í rannsókn hjá saksóknara, skella málinu í blöðin...og jafnvel síðan fylgja málinu eftir fyrir dómstóla er fyrir mér "absúrd" svo ég sletti nú hressilega!  Þjófnaður er þjófnaður, sama hve lítið. En mér hefur virðst íslenski hugsunarhátturinn einmitt vera sá, að ef nógu "stórum fjárhæðum" er stolið, þá er það í góðu lagi, á meðan "900 króna-glæpum" er stranglega hegnt!

[Guðni Þór Björnsson, 3.9.2009 kl. 13:08]

Það væri gaman að vita niðurstöðuna, í ljósi þess að menn geta knésett heila þjóð og enn strokið um frjálst hár sitt.

[Sigríður Sigurðardóttir, 3.9.2009 kl. 19:04]

Sammála þér, Guðni.  Væri nógu fróðlegt og gaman að vita hver niðurstaða í 900 króna-fjárdráttsmáli sænskrar löggu verður.....væri kannski hægt að meta "verðuga hegningu" þeirra er knésetja þjóðir í kjölfarið!