Frábær móðir...

  ...frú tófa.

  Og útsjónarsöm.

  Bjargar ungviði sínu dótaríi

  að leika sér með,

  skreytir innganginn að greni sínu

  og í leiðinni reddar hún sjálfri sér "gæðastundum"

  í sólinni á meðan yrðlingar hennar atast

  í skódýrðinni.

  Þetta er framtaksemi sem húsfreyju líkar vel.

  Kennir að vísu örlítið í brjósti um "halta eða berfætta"

  bæjarbúa í Foehren, sem ramba stíft í skóverslanir

  og leita sér "öruggs fótabúnaðs helst með þjófavörn".

  En húsfreyja telur að tófur jarðar eigi harma að hefna á

  mannskepnunni, sem veitt hefur refi, fláð af

  þeim skinnið, og skellt um háls sér og herðar....

  öldum saman.

  Sér ekki nokkuð að því að tófur stundi skórupl

  í mannabyggð, svona  til að jafna aðeins "skorin".

  Bara gaman að þessu.

  Húsfreyja svo með málningapensil á lofti í gær,

  fékk náðarsamlegt leyfi frá bónda að mála veggi

  neðst við sólpallinn.

  Húsmálun vonandi að ljúka um helgina.

  Bóndi ennþá bakk af verkjum í brotinni öxl,

  átta ára djásnið á útopnu í leikjum úti alla daga....með

  smá vinkonukrytur,vafstur og útundanvesen af og til.

  Sjálfskipaður "flugubani og pöddumorðingi" heimilisins

  af kattarkyni að sjálfsögðu, á annríkt um þessar mundir.

  Vill út að "sinna störfum sínum" í bítið á morgnana.

  Hoppar og skoppar kattarballet á tveimur fótum,

  í grænu grasinu, og reynir að hremma flugur og fiðrildi

  með framfótum.

  Er bísna seig að ná flugunum, í fiðrildin á hún ekki sjens.

  Pöddunum sem slæðast upp á sólpall kemur hún einnig

  fyrir kattarnef...í orðsins fyllstu merkingu, og "mer" þær

  niður í frumeindir með mjúkum þófum.

  Leggst svo dösuð af darraðadansinum við veiðina, á heitan

  pallinn og þvær sér og veltir í sólinni.

  Ætli það sé ekki hrein dásemd að vera köttur á sumrin?

  Húsfreyja veit að bóndi hennar öfundar köttinn óendanlega

  af lipurð og "fallfærni"!

  Lítið um að kettir axlarbrjóti sig í henni veröld.

  Húsfreyja svo á leið austur fyrir fjall.

  Djásnið spennt að hitta frændsystkyni sín, og gleyma

  vinkonuveseni við trampolínhopp, skopp, leiki og gleði.

  Afrifnar neglur og glóðaraugu strákannna, bara krydd í tilverunni hjá henni.

  Húsfreyja fer í kaffispjall og gleði til múttu og systur.

  En bað næst.

  Góðar stundir og njótið helgarinnar.

Refur stal 100 skóm

Athugasemdir

[Guðrún Jóhannesdóttir, 14.6.2009 kl. 18:44]

skemmtileg lesningin hér hjá þér í dag mín kæra