Ljótu hálvitarnir enn og aftur?

  Húsfreyja smellti sér í það

  að lesa báðar blaðagreinarnar

  eftir vinnu.

  Lewis greinilega í stjörnustuði, og

  með "Ameríska hamborgarafitu"

  fasta í augnkrókum sínum, og sér

  ekkert nema "fitukeppi" og "erfðagallað"

  fólk á öðru hverju götuhorni hér í borginni

  við sundin bláu....og mest af því í "svörtum

  fötum" á "gjaldþrota" hóteli með 101 heimilisfang.

  Er svo greinilega farinn að lenda í erfiðleikum

  með heyrn sína, heyrir dularfullar "bílsprengingar"

  með einhverri "ofurheyrn" út um alla borg...getur meira

  að segja nefnt "bíltegundina".

  Fær samt svítu, og gamlan lúinn auglýsingabækling

  til að lesa, þrátt fyrir meint gjaldþrot hótelsins...og

  erfðagallaða svartklædda þjóna....

  Asskoti fín þjónusta það hjá gjaldþrota hóteli!

  Jamm, Moody sem 7 ára Frónbúi er svo

  sármóðgaður yfir þessari útfærslu á frónversku

  kreppunni, enda hann eflaust að upplifa hana

  "erfðagallalausa og bílsprengjulausa" eins og

  megin þorri landsmanna.

  Helv..., andskoti dýrt að fá sér snarl í matinn

  hér uppi á litla Fróni í dag, er húsfreyja innilega

  sammála Moody.

  En ekki svo slæmt að vera líkt við hálfvita,

  sér í lagi "Ljótu hálfvitana".....

  bara skemmtilega vinalegir  og músíkalskir

  náungar hér uppi á litla Fróni.

  Góðar stundir.

 

Íslendingar engir hálfvitar

Athugasemdir

[Sigrún Óskars, 22.3.2009 kl. 13:29]

[Hildur Helga Sigurðardóttir, 24.3.2009 kl. 11:11]

Vissulega höguðu sér hér margir eins og hálfvitar -því miður ekki eins og hin ágæta hljómsveit Ljótu hálfvitarnir-  og eiga ekkert gott skilið.

  Breytir engu um það að Lewis þessi er latur, illa upplýstur og ekki einu sinni sérlega góður penni, þó hann rembist við að vera fyndinn.

Saga íslenska hrunsins er þess eðlis að það þarf ekki að fara með fáránlegar rangfærslur til að "dramatísera" hana.

[Sigríður Sigurðardóttir, 30.3.2009 kl. 09:42]

Sammála þér Hildur, enda ekki annað hægt, en að gera grín að svona blaðamennsku.