Beðið eftir símtali!

  Eftir að hafa hlustað á

  Björk syngja lag, sem húsfreyja

  ímyndaði sér að söngkonan hefði

  samið á "salerninu með

  mergjað harðlífi",

  og svo flókið blúslag með

  "hverfandi" laglínu,

  upptekið á einu af öldurhúsum borgarinnar,

  skipti húsfreyja um útvarpsrás.

  Settist síðan við tölvu sína og bjallaði

  í "snilldargenið", er átti að vera að störfum

  í heilabúi hennar.

  Andskotinn í útlegð á Suðurheimskautalandinu...

  línan "steindauð"...ekki einu sinni á tali.

  Nú hlyti doktorinn að fara að hringja...húsfreyja

  gjóaði augum á eldhúsklukku sína.

  Klukkufjandinn enn með uppsteit, bara 5 mínútum meira

  en síðast er hún var barin augum.

  Jamm, alveg var húsfreyja viss um að

  hún væri enn og aftur orðin "vanvirk"!

  Heilabúið aftur dofið og gleymið,

  snilldargenið í verkfalli og

  skrokkurinn arfaþreyttur líkt og hann hefði

  dregið tonn af blýi á eftir sér á "hjólalausum

  vagni" um götur bæjarins.

  Ekki hringdi doktorinn með niðurstöðurnar

  úr blóðprufunni -DÆS-!

  Graðhestarokk á nýju útvarpsstöðinni!

  Djísuss!

  Ekki einu sinni hægt að skella sér að ná i

  miða í leikhúsið á Flónna....doktorinn gæti hringt á meðan.

  Húsfreyja skipti enn og aftur um útvarpsrás.

  Skárra!

  Amerískt popplag kynnt af konu með hunangsmjúka

  og þægilega rödd...átti húsfreyja annars ekki nóg

  af hunangi?

  Best að skreppa í Bónus snöggvast....eftir hverju var

  hún eiginlega að hangsa?

  Húsfreyja skellti í sig sterkum bolla af kaffi!

  Jú, rámaði í doktorinn og hringinguna!

  Af hverju hringdi mannandskotinn ekki?.....

  Síminn HRINGDI!!

  Doktorinn í símanum...hallelúja!

  Blóðprufan í tómri tjöru...bullandi skjaldkirtilsvanvirkni í gangi!

  HAH!  ÞETTA VISSI ÉG!

  Húsfreyja sigri hrósandi.

  Taka fleiri heilar töflur, færri hálfar.

  Koma fyrr í blóðprufu aftur.

  Húsfreyja þakkaði fyrir.

  Samdi minnislista í huganum:

  1.  Breyta töfluskömmtuninni á minnismiðanum á ísskápnum.

  2.  Kaupa í kvöldmatinn.

  3.  Muna eftir hunanginu.

  4.  Redda miðunum á Flónna.

  Hmmmmm...

  Hmmmmmm...

  Hmmmmmm....

  YES!

  5.  Sækja 8 ára djásnið í skólann NÚNA!

  Góðar stundir.

 

Athugasemdir

[Árný Sigurðardóttir, 17.3.2009 kl. 19:53]

alveg brjálað að gera hjá þér systir góð.

[Solla Guðjóns, 17.3.2009 kl. 22:35]

[Sigrún Óskars, 18.3.2009 kl. 16:41]

svo er bara að muna hvar ísskápurinn er með minnismiðanum

[Sigríður Sigurðardóttir, 18.3.2009 kl. 17:17]

Svoleiðis algjeggað að gera, systir....á meðan ég man hvað skal gera...en svo bara myljandi "minnislaus rólegheit" á milli.  Jamm, Sollan mín verð bara að gera grín að þessu...á meðan ég man....!

  Kom ég nokkuð með ísskápinn minn til þín, Sigrún mín???   Var áreiðanlega með hann við hliðina á eldavélinni í gær....!