...og er lítið mál!

  Konan í símanum hjá

  Tryggingastofnun

  Ríkisins var ekkert nema

  bjartsýnin og almennilegheitin.

  "En átti þetta ekki allt að vera

  orðið "rafrænt"', maldaði húsfreyja

  í móinn.

  "Jú, en það er samt betra og gengur

  hraðar fyrir sig, rennir þú þér hingað

  niður eftir með allar kvittanirnar",

  konan með syngjandi létta og káta rödd.

  "Þá stimplum við þetta fyrir þig í hvelli, og

  verður "fljótlega" búin að fá endurgreitt

  inn á reikninginn þinn".

  "En hvenær fæ ég svo afsláttarkortið",

  húsfreyja byrjuð að gefa eftir.

  "Aaaaa, það gæti tekið aðeins lengri

  tíma...en samt ætti það að geta komið

  fljótlega".

  Sú hjá T.R. að springa úr jákvæðni.

  "Jæja, ég kem þá bara niður eftir með

  þetta núna" svaraði húsfreyja.

  "Nei, það gengur ekki, nema þú búir

  hérna í næsta húsi við okkur" svaraði

  sú ofurjákvæða.

  "Nú, af hverju ekki", húsfreyja rasandi,

  klukkan korter yfir tvö eftir hádegi, "á

  virkum" degi.

  "Það er bara opið til hálfþrjú hjá okkur

  alla virka daga".

  Jaso!

  Það kom á húsfreyju.

  Hvurslags opnunartími var þetta eiginlega?

  En gott og vel.  Húsfreyja kom sér bara í T.R.

  nokkru upp úr hádegi daginn eftir með

  allar sínar kvittanir fyrir sjúkrahúsdvöl,

  rannsóknum, læknisviðtölum og steinbrjótsmeðferð

  vegna nýrnagrjóts síðan í september.

  Síðan liðu 2 vikur. 

  Þá fékk húsfreyja 7.000 krónur af

  30.000 sem hún átti að fá endurgreitt.

 "Hmmm... gæti fengið restina næstu mánaðarmót"

  hugsaði húsfreyja bjartsýn.

  NEIPP!

  Bréf frá hinni yndislegu hraðvirku, skilvirku og

  ekki svo mjög rafrænu Tryggingastofnun

  Ríkisins kom inn um bréfalúguna til húsfreyju.

  Tvær kvittanir áfestar við, með tveimur stærstu

  upphæðunum.

  Ekki samþykktar því þær voru úr "heimabanka",

  og "óstimplaðar".

  Jaso!

  Húsfreyja gerði sér ferð í banka sinn í dag,

  og bað um að fá "viðurkenndan ríkisstimpil"

  á heimabankakvittanirnar.

  NEIPP!

  Svoleiðis vinnubrögð tíðkast ekki í bönkum, enda

  heimabankakvittunin þar tekin gild "óstimpluð"!

  Svo hvað var til ráða.

  Bankafólk ekki minna rasandi á bréfi þessu

  frá T.R. en húsfreyja.

  Varð úr að prentuð var út staðfesting

  á greiðslum húsfreyju til heilbrigðiskerfisins,

  "ríkisstimplað" og gjaldkeri skrifaði undir.

  "Hef ekki hugmynd hvað þeir eru að pæla,

  þarna hjá T.R., þeir hefðu bara geta flett þessu

  upp sjálfir með því að ýta á einn takka á

  tölvum sínum" gjaldkerinn var eitt spurningamerki

  yfir málinu.

  "Jamm, það er svo góð virkni á "rafræna kerfinu"

  hjá þeim" svaraði húsfreyja að bragði og glotti.

  "Í framtíð verða reikningar frá Heilbrigðiskerfinu

  merktir með rauðum þríhyrningi og:

  EKKI UNDIR NEINUM KRINGUMSTÆÐUM GREIÐA

  ÞENNAN Í HEIMABANKA!  Farið með hann í banka

  og greiðið og munið að hafa kvittunina "ríkisstimplaða".

  Gjaldkeri glotti og óskaði húsfreyju velfarnaðar í

  samskiptum sínum við T.R.

  Húsfreyja er í keng af spenningi, því hún ætlar að leggja

  í hann strax eftir hádegissnarl á morgun

  og finna "bjartsýnu, jákvæðu" konuna,

  leggja "staðfestinguna ríkisstimplaða"

  fyrir framan hana, og vona svo bara að

  hún fái endurgreiðsluna fyrir Jól... og að

  málið sé þar með DAUTT!

 

 

Athugasemdir

[Sigrún Jóna (IP-tala skráð) 4.12.2008 kl. 20:31]

Biddu fyrir þér!!!

Þau finna eitthvað annað eða þá að þessi stimpill sé ekki stimplað frumrit. Ég hef alltaf fengið endursent frá vaktlæknum á Smáratorgi. Aldrei neina endurgreiðslu. Hætti að nenna að eltast við það.

Bara fara á Slysó. TR tekur mark á þeim reikningum

[Sigrún Óskars, 4.12.2008 kl. 23:49]

sko ég get alveg orðið úthverf þegar ég tala um TR. Ég veit ekki fyrir hvern TR er. Gott að þú sérð skondnu hliðarnar á þessari stofnun, sem er svo gamaldags að Þjóðminjasafnið bliknar bara og telst nýmóðins.

Gangi þér vel vinkona

[Sigríður Sigurðardóttir, 8.12.2008 kl. 19:53]

  Jamm, og ekki nóg með það, T.R hefur ráðið starsfólk með skapgerðareinkenni Grimmhildar Grámann til að þjónusta okkur.  Þvílík ekkisens pappírsvinna, nákvæmar upplýsingar, endalausir ríkisstimplar, eyðublöð, reikningar og kvittanir.  Það er ekki verið að spara pappírinn þarna niður í T.R!  Gott ef það fer ekki hálfur Vaglaskógur í T.R og pappírinn þeirra á ári hverju.  Hvar eru náttúruverndarsinnar þá maður þarf þeirra við?