Og englarnir vaka.....

  ...yfir húsfreyju.

  Varla fyrr búin að setja niður

  smá spjall á bloggið um Almættið, að það

  smellti frímerki á eitt lítið "letters-bréf"

  til húsfreyju.

  Húsfreyja búin að vinna 15.000 króna inneign

  á korti í Blómavali, Húsasmiðjunni eða Eggi

  fyrir jólagjöfum.

  Yndislegt.

  Húsfreyja þar að auki í fríi á morgun, svo

  nú getur hún aldeilis farið að redda jólagjafamálunum.

  Glæsilegt það.

  Svo glæsilegt að húsfreyju er nokk sama þó

  Skjárinn hafi tekið af henni hinn illskeytta og

  harðsnúna House í kvöld.....þó lækniskvikindið

  sé með skemmtilegri karakterum er sést hafa

  á sjónvarpsskjánum.

  Situr bara og saumar út í staðinn og plottar

  hin mergjuðustu jólagjafakaup á morgun

  með bros á vör.

  "Plankastrekkjari" handa bónda,

  "rússaloðhúfa" handa systur í Þorlákshöfn,

  "skrúfusett" handa múttu, svo hún geti

  lagfært "lausar og úrdottnar" skrúfur í

  höfði dætranna",

  "hringprjóna og garn" handa systurdóttur

  og "afstress-bolta" í "glöðum" litum

  handa systur í Eyjum.

  Nei, bara smá grín.

  Finnur eitthvað ægilega sætt og lekkert

  handa sinni undursamlegu fjölskyldu, húsfreyja.

  Ekki spurning.

  Húsfreyja ætlar að biðja Almættið að "redda"

  þessum "leiðindum" í fjármálaheiminum hér

  uppi á litla Fróni, og setja heila "nefnd" af

  fjármálaenglum í málið.

  Sjá svo bara hvort Guð kippi þessu ekki í

  liðinn fyrir Jól.......alveg væri honum

  trúandi til þess.

  Góða nótt og góðar stundir.

 

Athugasemdir

[Sigrún Óskars, 14.11.2008 kl. 00:13]

sko mína - jólagjöfunum reddað  til lukku með vinninginn. Mér finnst þetta líka góðar hugmyndir hjá þér.

kveðjur til þín og vona að Almættið hlusti áfram á þig.

[Árný Sigurðardóttir, 14.11.2008 kl. 12:52]

rússaloðhúfa....humm því ekki ,mín ætlar að fara að labba.leggja bílnum.og leggjast sjálf í jólagjafaföndur....snúrustör handa múttu..of dýrt ,hún fær böndin.auka tíma handa systur í eyjum..ekki til.kósikvöld handa Hennslu..og heimari...þau myndu bara rífast um snakkið.....hætta að slást dag handa bræðunum..nei hugsa málið betur.

[Sigríður Sigurðardóttir, 14.11.2008 kl. 14:30]

  Þakka þér Sigrún mín, þetta er góð búbót á tímum óðaverðbólgu.  Jamm, jólagjafahugmyndirnar voru kannski ekki sem verstar, sýnist systir orðin skotin í "rússahúfunni".  Almættið hlustar á okkur ÖLL.

  Alveg vissi ég þetta með húfuna, systir.  Ekki láta karakkana komast í "snúruböndin"....þá verða þau orðin sippubönd, kúrekasnörur eða sjóræningjaskipsbönd, og mútta jafn snúrulaus þegar staurarnir birtast.

  En við gætum kannski slegið saman fyrir "dauðum aukatíma" handa systur í Eyjum....er alltaf að detta inn einn og einn "dauður" hjá mér, þegar nýrnagrjótið er að hlassa sér niður.