Man ekki alveg...

  ...húsfreyja, afhverju allir eru að

  lána okkur Frónbúunum "aura"

  um þessar mundir.

  Og nú síðast Pólverjarnir sem vilja

  gauka að okkur 200 milljónum

  Bandaríkjadala.

  En samt eins og hana rámi í einhver

  "smávægileg" vandræði með

  bankaræflana og eigendur þeirra...

  og að útrásarvíkingar hafi tekið

  einhverjar "minimal áhættur" með

  íslensku krónuna í fararbroddi.

  Skilur vel að Haarderinn skuli

  ekkert kannast við Pólverjalánið....

  hann hefur sjálfsag gleymt að borga

  símreikningana sína líkt og húsfreyja, og

  skoðar aðeins ímeilið sitt á fullu tungli, þá

  hitastig er yfir sjö gráðum og ekki rignir.

  Og ekki er hægt að treysta á neina

  "minnismiða" ala Villi Vill fyrrum borgarstjóri,

  og því síður "bókanir" sem lenda ofan

  í leynilegum læstum skúffum...sem lenda svo

  í heilu lagi til eyðingar í Sorpu.

  Svo það er enginn furða að Haarderinn komi

  af fjöllum.

  Húsfreyja sjálf er rasandi hissa á góðvild

  Pólverjana, að vilja lán þjóð með gjaldeyri

  sem er minna virði en "skeini".

  Með banka sem rorra til falls á barmi fjárhagslegrar

  gjöreyðingar, en hafa samt haft efni á að "fella niður"

  skuldir allra fyrrum eigenda og sjórnarformanna

  þeirra....og svona stærri hluthafa.

  Vonar húsfreyja að Haarderinn skelli sér í

  tíkallasímann niðri í Alþingishúsi og bjalli

  til hinnar yndislegu Magdalenu Kobos, og

  "kynni" sér lán þetta, vexti og skilyrði ef einhver

  eru.  Og segi svo bara kurteislega "já takk".....þá

  hann fer að kannast sæmilega við málið....og ef

  hann man eftir því.

  Það má kannski nota þá aurana, til að "fella niður"

  lán sauðsvartra almúgamanna, sem ekki eiga bót

  fyrir ....... jamm þið vitið hvað, á tímum óðaverðbólgu

  og brjálaðra verðtryggðra lána.

 

Kannast ekki við pólskt lán

Athugasemdir

[Sigrún Óskars, 7.11.2008 kl. 23:20]

góð

góða helgi - kveðjur til þín

[Sigríður Sigurðardóttir, 9.11.2008 kl. 11:57]

Sigrún mín, takk sömuleiðis.