Andfíkill!

  Húsfreyja er í hópi þeirra

  einstaklinga, sem kolfellur

  fyrir öllum neikvæðum áróðri

  og tekur hann afskaplega nærri sér.

  Man en "hryllingsmyndirnar" sem

  sýndar voru af tjörusvörtum

  lungum "uppafhrokkinna" reykingamanna,

  í Barnaskólanum í Eyjum.

  Fékk húsfreyja þá 11 ára stelpuskott,

  hroðalegar martraðir vikum saman, þar

  sem "tjörusvört lugnaskrímsli" gengu

  berserksgang í miðbæ Eyjamanna, og

  "smituðu" alla er þeir snertu af "svörtum

  blettum".  Man húsfreyja enn eftir að

  hafa vaknað öskrandi af angist nokkra

  morgna og hafa hlaupið fram á bað í

  hendingskasti að þvo sér vel og vendilega

  um hendurnar.

  Húsfreyja reykir ekki, hefur aldrei gert og

  getur nánast lofað að slíkt muni hún aldrei

  gera.

  Andúð hennar á tjörusvörtum lugnaskrímslum

  hefur aldrei rénað, og því síður óttinn við

  að "smitast" af fíkninni.

  Og lyktin er svona fremur úldin og vond að

  hennar mati, af reykingarfólki.

  En svo er það ekki húsfreyju að dæma, hvað

  fólk velur að upplifa í lífinu.  Og velji það reykingar

  er það því frjálst, og abbast ekkert upp á húsfreyju

  ef reykt er utandyra.

  Á nokkra ágæta vini sem reykja, og hennar bóndi

  reykti, en allir hafa verið tillitsamir við húsfreyju

  og tekið sínar reykingar út undir bert loft......

  reyndar bara fóstursonur sem svældi og

  púaði innandyra þá hann bjó heimili húsfreyju.

  Enda voru bóndi og húsfreyja "marga mánuði" að

  lofta og ræsta út herbergi hans eftir að hann

  flutti.

  Helv..... stybban virtist eiga eigið líf, og hékk

  í andrúmsloftinu, veggjum, gluggum, dyrum og

  jafnvel gólfefni svo súrnaði í augum hvert

  sinn er gengið var inn í herbergið.

  Hvernig sem húsfreyja þreif, alltaf náði stenkurinn

  sér upp.  Loksins málaði bóndi herbergið, og það

  dugði.

  Þá hafinn var "áróður" gegn drykkju alkóhóls og

  neyslu vímuefna í menntaskóla húsfreyju, fór

  allt á sama veg.

  Húsfeyja var miður sín mánuðum og árum saman

  yfir vanræktum börnum alkóhólista, misnotuðum

  unglingum í eiturlyfjaneyslu, bjargarlausu útigangsfólki

  góðu fólki helteknu af brennivíni, og/eða eiturlyfjum,

  vonleysi, glötuðum tækifærum og týndu lífi.

  Hana dreymdi margar nætur að óþverralið væri

  búið að blanda brennivíni eða dópi í vatnsból

  Frónbúa, eldar brunnu, fólk vafraði um útælt,

  borg og bæir rústir einar.

  Vaknaði kófsveitt og með hjartslátt.

  Húsfreyja kann ekki að drekka sig rænulausa,

  smakkar rauðvín eða hvítvín með mat, og

  fær sér eitt Tópasskot þá hún er á djamminu.

  Heldur ætíð fullri "andlegri getu" og skýrri hugsun,

  þó hún fái sér í glas.

  Er ofboðslega meðvituð um "veiklaða genið" í

  ættinni, sem hefur leitt margan manninn í

  ógöngur með vín eða eiturlyf nú síðustu ár.

  Nú heyrir húsfreyja í huga sér rök "hinna"

  sem "kunna" að drekka almennilega:

  "Þú kannt bara ekki að slaka á, kona".

  En það kann húsfreyja einmitt einna best.

  Hún er allra manna hressust og glöðust

  þá hún er úti að skemmta sér.

  Dansar, syngur, spjallar og hlær af hjartans lyst,

  og er í banastuði......en nánast edrú.

  Að slaka á og skemmta sér er nefnilega bara

  meðvitað hugarástand, sem auðvelt er að

  koma sér í með ásetningi og innri gleði.

  Brennivín og vímuefni eru algjörlega óþörf.

  Og þó þau losi um hömlur og talanda til

  að byrja með, þá slæva þau síðan deyfa

  gleðina.  Og fólk fellur í þá gryfju að

  drekka meira og meira, eða dópa meira

  til að ná stuðinu aftur upp, og liggur svo

  brennivínsdautt undir borði eða ælandi

  fárveikt af vímuefnum í lok djamms.

  Hvar er þá slökunin og fjörið?

  Jamm, en húsfreyja er andfíkill, og er þess

  fullmeðvituð.

  Hefur rætt þessi mál við marga af sínum

  skjólstæðingum, og þeir er hafa lent í

  hremmingum alkóhólisma og eiturlyfja

  telja hana oft fordómafulla á brennivín og

  vímuefni.

  Það er hún, ekki spurning, og viðurkennir

  fúslega.

  Vildi geta breytt víni í vatn á skemmtistöðum

  svona ala Jesú frá Nasaret, en bara með

  öfugum formerkjum. 

  Og breyta eiturlyfjum öllum í þjóðfélaginu

  með hugarorkunni einni saman, í "vítamín".

  Svo mörg voru þau orð.

      Góðar stundir.

Ýtir andróðurinn undir tóbaksfíkn?

Athugasemdir

[Heiður Helgadóttir, 20.10.2008 kl. 20:37]

Góður pistill mín kæra

[stina (IP-tala skráð) 21.10.2008 kl. 18:44]

Já ,já skál.