Hefur það eftir áreiðanlegum...

..."heimildum", húsfreyja að það hafi

  skapast öngþveiti við "Gullna hliðið".

  Lykla-Pétur er búinn að liggja "veinandi"

  af hlátri á gólfinu í Himnaríki, síðan

  Ernie Chambers skarpvitur og ofursnjall

  öldungaþingmaður þeirra í Nebraska

  höfðaði mál gegn Guði.

  Nær ekki að standa upp, sá heilagi

  Pétur, né nokkur af hans hjálparenglum.

  Hefur húsfreyja það fyrir satt, að sjaldan hafi

  ríkt jafnmikil himnesk gleði og hlátur í dýrðarsölum

  Himnaríkis, (er þó að öllu jafna þar mikið um

  ójarðneska gleði) og jafnvel Almættið sjálft

  sést glotta góðlátlega út í annað.

  Og ekki skánuðu Lykla-Pétri hlátursgusurnar

  þegar málinu var vísað frá, þar sem ekki fannst

  "heimilisfang" þeirra þarna í Himnaríki.

  Næsta víst að vilji menn búa sér framtíðarvist

  í sölum Guðs almáttugs á næstunni, eftir

  andlát, er þeim vísara að hafa með sér "tjöld"

  sem þeir geta slegið upp fyrir framan hið

  Gullna hlið....má vel hugsa sér að kalla þær

  "Nebraskatjaldbúðirnar"!

  Bíða síðan átekta, og vona að gassahlátur og

  máttleysisvaldandi gleði hins volduga Péturs

  réni með hraði, svo aftur verði eðlileg "traffík"

  inn um hið himneska hlið.

  En mikilvægast af öllu:  Leggjast nú á bæn

  himnavistarbíðendur, allir sem einn, og biðja

  heitt og innilega að eitursnjallir öldungarþingmenn frá

  Nebraska láti vera að kosta til milljóna dala ákærum

  á hendur þeim í Himnaríki.

  Ekki víst að "magi Lykla-Péturs" þoli allan þennan

  massíva hristing og hlátur, og verði jafnvel þá að

  bregað sér í "himneskt frí frá störfum".

  Og hver á þá að "opna".......?

Máli gegn guði almáttugum var vísað frá